Kronikë

Përsa i përket protestës së dhunshme ditën e djeshme në Shkodër, policia ka vendosur nën hetim kryebashkiaken Voltana Ademi për akuzën e organizimit të tubimeve të paligjshme. Gjithashtu nën hetim janë vendosur dhe 45 persona të tjerë, mes tyre 17 minorenë. Policia ka proceduar dhe 2 punonjës zjarrëfikëse për shpërdorim detyre pasi kanë reaguar me vonesë ndaj një thirrje për ndërhyrjen dhe shuarjen e flakëve pranë selisë së PS-së.

Një person është arrestuar ndërsa 2 janë në kërkim për strehimin e 28 emigrantëve të paligjshëm. Ata i kishin strehuar klandestinët në një magazinë në fshatin Portëz në Fier. Qëllimi i tyre ishte kalimi drejt vendeve të BE-së kundrejt një pagese.

Një automjet është djegur gjatë orëve të para të mëngjesit në Elbasan. Bëhet fjalë për një automjet tip "Audi" i cili është djegur në lagjen "Vullnetari".

Ndërron jetë në moshën 72-vjeçare mjeku anestezist, Mihal Kërci si pasojë e koronavirusit. Lajmin e bëri të ditur Shoqata e Anestezistëve dhe Reanimatorëve të Shqipërisë, ku profesor Kerci ishte dhe drejtuesi i saj. Prej disa ditësh ai ishte nën kujdesin e mjekëve dhe nën asistencë respiratore.

Rrethi i Krujës është përfshirë nga mjegulla e dendur. Ajo ka vështirësuar qarkullimin e automjeteve. Edhe autostrada nga Kamza deri në Mamurras është mbuluar nga mjegulla duke vështirësuar fushëpamjen e drejtuesve të mjeteve.

Parashikimi i motit 13 dhjetor.

Merr flakë një makinë te ura e Dajlanit në Durrës.

Një aksident me vdekje ka ndodhur në këto momente në aksin rrugor Elbasan- Metalurgji.

Mjeku i njohur neurolog në QSUT, Drini Dobi është ndarë nga jeta para disa ditësh, pasi u dërgua në një spital në Itali për t'u kuruar për COVID

Mbyllet paqësisht protesta për vrasjen e Klodjan Rashës në Durrës, e cila ka zgjatur më pak se në rrethet e tjera. Një situatë krejt ndryshe nga çfarë kemi parë gjatë protestave në Tiranë dhe qarqe të tjera të vendit, na është shfaqur sot në këtë qark. Të rinjtë, të cilët kanë dalë në shenjë proteste për vrasjen e Klodjan Rashës, pas rreth një ore protestë paqësore, në fund kanë përqafuar policët dhe u kanë dhënë atyre dorën, duke bërë kështu "paqe" me to.