Kronikë

Nga

Sokol Dema

Drejtori i Policisë së Tiranës, Rebani Jaupi në një intervistë për Report Tv tha se se përgjatë muajve të pandemisë është ulur kriminaliteti. Referuar shifrave, janë 550 vepra penale më pak se në të njëjtën periudhë të një viti më parë. Ulje kanë sidomos vjedhjet e banesave dhe automjeteve.

Njësisë 7 në kryeqytet i shtohet një tjetër fushë sportive, ajo e shkollës “Sabaudin Gabrani”. Falë projektit të Bashkisë së Tiranës dhe me financim të Bankës  Raiffeisen, është realizuar sistemimi dhe riparimi i fushës ekzistuese, e cila është kthyer në një fushë multisportive, ndërsa është shtuar edhe një fushë futbolli, si dhe kthimi i sheshit përreth fushave në hapësira në funksion të aktivitetit fizik, sipas standardeve dhe normativave teknike për ndërtimin e fushave sportive.

Merr tjetër rrjedhë procesi gjyqësor i Zani Çaushit në Gjykatën e Korçës. Gjykata shpalli moskompetencë, duke pretenduar se Zani Caushi fillimisht mund të ankohej në drejtorinë e Burgut të Drenovës, më pas në Drejtorinë e Përgjithshme të burgjeve dhe nëse do të merrte një përgjigje negative do të mund t'i drejtohej gjykatës.

Nga

Elton Qyno

Martin Skëndaj, 13 plumba mbi Manol Rapaj dhe Elis Kapaj. Akuzohet për “Vrasje në tronditje të fortë psiqike” dhe “Vrasje me dashje”. Shkak i sherrit, lidhja intime mes Manol Rapaj dhe motrës së Skëndaj.

2 persona janë arrestuar në aksin rrugor Pogradec-Korçë pasi u kap duke transportuar 3 emigrantë të paligjshëm. Në këmbim të shumës prej 150 eurosh, ata u premtuan emigrantëve kalimin drejt vendeve të BE-së.

Është zhvilluar ditën e sotme ceremonia e varrimit të Drejtorit të Pallatit të Kulturës, Arianit Alliu, i cili u nda nga jeta ditën e djeshme pasi ishte i infektuar me COVID. 

Nga

Arsen Rusta

Pas falsifikimeve të herë pas hershme ku rasti më i fundit ishte leja e qëndrimit nga futbollisti i Tiranës WinFul Cobbinah, Policia e Shtetit vendos të kthejë në biometrike lejet e qëndrimit për të huajt. 

Një familje me origjinë shqiptare po përjeton momente tmerri prej 45 ditësh, pasi vajza e tyre 19 vjeçare Artemis Vasili është zhdukur dhe nuk ka dhënë asnjë shenjë jete.

Për shkak të shirave dhe erës së dendur, kapiteneria e Vlorës ka pezulluar lundrimin e mjeteve të vogla lundruese dhe ato të peshkimit.

Drejtori i Policisë së Tiranës, Rebani Jaupi në një intervistë për Report Tv ka dhënë shifra sa i përket situatës së COVID. Fatkeqësisht kanë humbur këtë betejë me virusin 3 policë në Komisariatet në Tiranë, teksa 70 të tjerë janë të karantinuar në banesë.

Edhe pse ka qenë një nga kritikët më të mëdhenj të Erion Veliajt për projektin e ndërtimit të një teatri të ri kombëtar, duke u shprehur se artistët nuk do të kenë vend ku do të japin shfaqje, Neritan Liçaj ka vijuar normalisht ushtrimin e profesionit të tij. 

Nga

Arsen Rusta

Gjyqtar apo prokuror të dënuar të cilët kanë humbur postin pasi ka hyrë në fuqi ligji i vettingut duhet të japin llogari për pasurinë e tyre. Është kjo kërkesa e Operacionit Ndërkombëtar të Monitorimit,që ka ankimuar ndërprerjen e vettingut për gjyqtarin e Tiranës Ibrahim Hoxha, dënuar për korrupsion. Sipas Kushtetutës, vettingut i shpëtojnë vetëm të dorëhequrit.

Prezenca e OSBE-së në Shqipëri, në bashkëpunim me Shkollën e Magjistraturës, organizoi një kurs trajnues online dyditor më 2 dhe 3 dhjetor rreth rolit të prokurorëve në hetimin e veprave penale dhe aftësive të tyre drejtuese, me pjesëmarrjen e prokurorëve dhe oficerëve e agjentëve të policisë gjyqësore.

Të shtrënguar fortë pas njeri tjetrit Rudina Hajdari me të vëllan Azem Hajdari në një foto të postuar nga politikania, uron me fjalë zemre ditëlindjen vëllait të saj të vogël.

Në Bashkinë e Matit janë konstatuar persona të infektuar me COVID që lëvizin në vende publike, lokale, tregje, rrugë, farmaci, sheshe, etj, duke krijuar premisa për infektimin e qytetarëve. Këtë e ka deklaruar sot Kryebashkiaku i Matit Agron Malaj, i cili mblodhi me urgjencë Këshillin e Sigurisë për shkak se situata e krijuar nga pandemia është shqetësuese.  

Operacioni Forca e Ligjit u kërkon 3 personave të deklarojnë pasuritë e tyre.

Prej dy viteve nuk ka rrugëzgjidhje për procesin gjyqësor, ndaj Emiljano Shullazit.

Tre persona janë arrestuar pasi u kapën duke transportuar emigrantë të paligjshëm. Në pranga kanë rënë kërkim M. S., 23 vjeç, banues në Tiranë B. D., 20 vjeç, banues në Tiranë dhe R. K., 25 vjeç, banues në Durrës.