Kronikë

Qeveria shqiptare siguron 100 mijë teste të shpejta covid dhe ditën e hënë do të nisë aplikimi në Tiranë. Ministrja e shëndetësisë Ogerta Manastirliu tha se do sigurohen edhe 300 mijë teste të tjera dhe më 20 dhjetor do të nisë shperndarja edhe në spitalet rajonale në të gjithë vendin.

Është shtyrë serish seanca gjyqësore për Izet Haxhinë. Burime për Report Tv bëjnë me dije se ka munguar gjyqtari Kujtim Vranici. 

Ëngjëll Dakli nuk ka mundur të fitojnë betejën me koronavirus duke ndërruar jetë mëngjesin e kësaj të premteje. Dakli po trajtohej në Turqi prej disa ditësh.

Sot ne kemi të ndëshkuarin e parë zyrtar të nivelit të lartë të ndëshkuar nga SPAK dhe Gjykata Speciale ndaj Krimit organizuar e Korrupsionit. Është pikërisht njeriu i parë i akuzës në Shqipëri, i cili deri tre vjet më parë kishte në dorë të arrestonte e duhej të hetonte baronët e krimit e peshkaqenët e korrupsionit. Bëhet fjalë për Adriatik Llallën, kryeprokurorin e Republikës nga viti 2012 deri në vitin 2017, i cili përveçse u shpall i pandehur për fshehje pasurie, ju sekuestruar edhe një pjesë tokash e banesash në pronë të tij.

Skandal me dhënien e lejeve mjedisore në Fier, ku një ish-punonjëse tregoi skemën që përdor drejtori me punonjësit aktuale. Me zë, figurë por edhe me dokumente, emisioni investigativ faktoi se disa individë, pas sorollatjeve për muaj me radhë, kanë paguar ryshfet në Drejtorinë Rajonale të Mjedisit në Fier për të marrë këtë leje mjedisore.

Një aksident rrugor u regjistrua mëngjesin e kësaj të premte në autostradën Milot-Thumanë në afërsi të nënkalimit Fushë-Mamurras.

Gjykata ka dhënë masën e sigurisë arrest me burg për Gjergj Gjinin, autorin e plagosjes së Hilë Gjinit disa ditë më parë në Lezhë. Autori u shpreh në gjykatë se nuk kishte qëllim ta qëllonte por vetëm ta frikësonte. Avokati i tij kërkoi zbutje të masës së sigurisë me pretekstin se Gjergj Gjini vuan nga probleme me zemrën.

Transportonin disa sirianë, arrestohen 2 persona në aksin Gjirokastër-Kakavijë! Emigrantët kishin qëllim kalimin drejt Malit të Zi

4 dhjetori shënon 108-vjetorin e krijimit të ushtrisë shqiptare. Përmes një postimi në Facebook, Ministrja e Mbrojtjes, Olta Xhaçka shkruan se Forcat e Armatosura kanë pasur një histori të mbushur me drama dhe sukesese.

Policia sekuestron pasuri me vlerë prej 1.5 mln euro të dyshuara se rrjedhin nga krimi. Sekuestroja preventime u zbatua ndaj Rudina H. (Zenaj), ish-gruaja e Shaban Zenajt i dënuar më parë për trafik droge në shtetin italian. Ky i fundit ka qenë gjithashtu dhe nën shënjestrën e OFL-së.