Kronikë

Një 64-vjeçar i cili një ditë me parë u aksidentua në rrugën Lezhë-Shkodër ka ndërruar jetë sot në spitalin e Traumës në Tiranë. Mësohet se drejtuesi i mjetit Gjergji Smaci, nuk mundi t'i mbijetonte plagëve të marra.

Puna për asfaltimin e bypass-it të Vlorës ka filluar. Kryeministri Edi Rama thotë se janë 29 kilometra, të cilat do t’i bashkëngjiten pjesës tjetër që lidhet me bypass-in e Fierit, tashmë i përfunduar, për të vazhduar më pas me segmentin e ri Orikum-Dukat.

Kryeministri Edi Rama ka bërë të ditur se në kuadër të programit të rindërtimit nga tërmeti i 26 nëntorit po aktualisht po punohet në 33 kantiere shkollash dhe në lagjen e re në Fushë- Krujë.

Sezoni turistik ka nisur por jo si çdo vit. Në plazhin e Velipojës mbetjet e objekteve të prishura nga IKMT nuk janë hequr ndërsa në Vlorë distancimi social pothuajse nuk është zbatuar fare. Në të gjithë vendin janë hapur qendrat shëndetësore pranë plazheve me masa të reja për të shmangur infektimin me COVID-19.

Përtej vështirësive pas karantinës, taksistët në Lezhë vuajnë edhe mungesën e vendeve të parkimit. Shpesh nuk i kanë shpëtuar dot as gjobave nga policia për parkim në vende që nuk u lejohet, pasi jepen licenca dhe nuk përkthen në vende të posaçme për parkim.

Qytetit të Liqenit nuk i kanë munguar vizitorët edhe këtë fundjavë. Report Tv takoi në Pogradec edhe aktorin e njohur Sejfulla Myftari, Cekja siç e njohim të gjithë, i cili si shumë qytetarë të tjerë, pas izolimit nga COVID, ka zgjedhur një nga destinacionet më të bukura të juglindjes.

Hapja e kufijve nga Shqipëria ka shtuar gjatë fundjavës fluksin e pasagjerëve nga Italia në portin e Vlorës, ndërsa drejt shtetit fqinj numri i udhëtarëve është më i ulët pasi lejohet të shkojnë vetëm shqiptarët rezidentë me dokumente italiane. Udhëtimi kryhet në respekt të plotë me protokollin anti-covid.

Mjeku shqiptar në Spanjë, Kita Sallabanda ka dhënë kritika të forta për Komitetin Teknik të Ekspertëve dhe Ministrinë e Shëndetësisë duke u renditur sipas tij disa pika se ku po gabojnë dhe se duhet të bëjnë më mirë në mënyrë që situatë të mos përkeqësohet edhe më shumë dhe Shqipëria të mos përballet me një izolim të dytë.

Fundjave rikthen fluksin e qytetarëve dhe rrjedhimisht shton edhe trafikun në zonat bregdetare të Vlorës dhe Shëngjinit. Pasditen e sotme ka pasur trafik të rënduar përgjatë segmentit rrugor Orikum - Vlorë. Ndërsa edhe pse ora shënon rreth 22:00 në aksin Llogara-Vlorë ka prezencë të madhe të automjeteve.

Nga

Doris Sallaku

Situata e rënduar ekonomike dhe frika nga shtimi i rasteve me COVID-19, ka ndikuar edhe në programin e qytetarëve të Tiranës, për pushimet verore. Shumë i shohin luks, të tjerë frikësohen nga infektimi. Por më kryesorja: në kushtet kur masat janë liruar dhe qeveria nuk ka vendosur me detyrim as maskat në ambientet publike, qytetarët shprehen se gjithçka ka mbetur në kujdesin personal që duhet treguar.

Një aksident ka ndodhur pasditen e sotme në Rrugën e Kombit, në segmentin Milot-Rrëshen.

Një zjarr i përmasave të mëdha ka rënë ditën e sotme në fshatin Livinë të Sarandës, ku shtëllunga të dendura tymi kanë 'pushtuar' shtëpitë rreth zonës dhe pyjet e malet.

Nga

Arsen Rusta

Report Tv sjell pamjet që tregojnë se në spitalin privat, Eduard Lamaj shkoi i fshehur në bagazhin e një fuoristrade luksoze me xhama të errët. Në këto pamjet, shihet shoku i tij që e transportoi drejt privatit, për të shmangur arrestimin nga policia.