Kronikë

Nga

Keti Banushi

Gjykata e Tiranës ka dënuar me burg përjetë Dan Hutrën autorin e vrasjes së 3 grave dhe plagosjes së 3 të tjerave në mars 2023. 

SPAK ka marrë të pandehur administratorin e KESH, Erald Elezi dhe i ka komunikuar akuzën e shpërdorimit të detyrës dhe shkeljes së barazisë në tendera. Mësohet se provat ndaj Elezit janë siguruar nga materialet e sekuestruara në telefonin e ish-drejtorit të ARRSH-së, Evis Berberi. 

Policia e Tiranës ka shpallur në kërkim një 28-vjeçar dhe një 35-vjeçar, të cilët duke ndjekur njëri-tjetrin me makinë në Tiranë, u përplasën me dy makina të ndaluara në semafor tek ura e Lanës pranë Pallatit me Shigjeta. Pasi përplasën makinat pak para mesnatës, dy të rinjtë kanë dalë nga automjetet dhe janë rrahur me sende të forta dhe leva, konflikt ku dyshohet se u qëllua me armë.

Me mbështetjen e Eurojust dhe Europol, operacioni u zhvillua në disa shtete si Gjermani, Shqipëri, Qipro dhe Izrael. Grupi kriminal dyshohet se ka mashtruar mbi 100 viktima me një dëm financiar prej mbi 3 milionë euro.

Një 44-vjeçar i cili mori peng një 31-vjeçar është arrestuar në flagrancë nga policia e kryeqytetit

Kreu i Autoritetit Rrugor Shqiptar, Gentian Gjyli është marrë i pandehur nga Prokuroria e Posaçme në akuzë për shpërdorim detyre dhe shkelje e barazisë në tenderë. Pas hetimeve 25 persona janë nën hetim dhe akuzat i shtohen edhe ish-kreut të ARRSH, Evis Berberi në burg për korrupsion dhe pastrim parash.

Për të garantuar sigurinë e liderve evropianë që vijnë për samitin politik, do të paralizohet pothuajse gjysma e Tiranës. Në 15-16 maj, sheshi ‘Skënderbej’ dhe zonat e qendrës së kryeqytetit do të mbyllen plotësisht. Policia publikon planin e masave me rrugët që bllokohen

Një aksident është shënuar sot në qytetin e Korçës, pranë shkollës 9-vjeçare ‘Sotir Gurra’.

Gjykata e Lezhës ka lënë të lirë, duke vendosur masën detyrim paraqitje për bashkëshortin e deputetes së PD Elda Hoti, Ladi Ndoja dhe Amarildo Jushi. Burri i kandidates së Berishës bashkë me mbështetësin e tij, kanë ndaluar mjetin e zyrtar duke pretenduar se po blen vota për Partinë Socialiste.

Aida Hajnaj përjashtohet nga rikandidimi për një post të dytë në krye të BKH. Mesohet se Hajnaj nuk dorëzoi dokumentacionin e kërkuar brenda afatit të caktuar nga Komisioni i Përzgjedhjes deri më 7 maj, për pasojë u përjashtua nga e drejta për rikandidim.

Rrëzohet sërish kërkesa e Berishës për përjashtimin e gjyqtares Flojera Davidhi lidhur me dosjen Partizani. Kërkesa e parë u rrëzua në 28 prill ndërsa seanca e radhës për kalimin ose jo të dosjes për gjykim pritet të mbahet më 19 maj.

Një 51-vjeçar i shpallur në kërkim për kultivim të bimëve narkotike në fshatin Tejdrinë ka rënë në prangat e policisë.

Prokuroria e Posaçme lexoi konkluzionet përfundimtare për avokatin Radovan Çela i cili akuzohet për korrupsion dhe ndikim të paligjshëm ndaj funksionarëve të drejtësisë. Prokurori Klodian Braho kërkoi dënimin e Çelës me 6 vite burg.

Një banesë në fshatin Rrilë të Lezhës është përfshirë nga flakët mëngjesin e kësaj të marte.

Dalin për vlerësimin e masës së sigurisë përpara Gjykatës së Tiranës Hasan Doka dhe Alketa Hasani, dy persona që u arrestuan në 11 maj, ditën e zgjedhjeve parlamentare për fotografim të votës.

Një 37 vjeçar i cili shkoi në spitalin e Lushnjës me pretendimin se ishte dëmtuar me mjet prerës ndërkohë që ishte vetëplagosur në makinë me armë zjarri është arrestuar.

SPAK ka dalë me një njoftim zyrtar lidhur me arrestimin e Kalosh Peposhit dhe shpalljen në kërkim të Gazment Peposhit, dy kushërinjtë të akuzuar për blerje votash në favor të PSD në Kukës.

Në bazë të vendimit të gjykatës, policia e Korçës po ushtron kontrolle në banesat e personave që janë në hetim dhe ka sekuestruar mjete dhe disa telefona. Mësohet se një nga subjektet i cili është në hetim nga GJKKO është Partia Socialdemokrate.