Politikë

Kreu i Partisë së Lirisë, Ilir Meta ka zhvilluar një takim me qytetarët e Bashkisë së Tiranës, me të cilët ka zhvilluar biseda për problematikat e tyre. Meta është ndalur kësaj here në njësinë numër 9 në Tiranë, ndërsa shkruan në Facebook se kostoja e jetesës për qytetarët është bërë e papërballueshme.

Kandidati i Foltores, për Bashkinë e Tiranës, Belind Këlliçi e sheh fitoren e 14 majit si një mundësi për të punësuar militantët e Partisë Demokratike.

Shefqet Gjana, një nga emrat më të njohur të disidencës në PD, poet, mësues dhe i burgosur politik për një kohë të gjatë në komunizëm, ka reaguar ashpër ndaj idesë së dy deputetëve të PD-së, Dhurata Çupi dhe Jorida Tabaku që të hyjnë në korelacion me foltoren.

Ermal Dredha do të jetë kandidati i Partisë Socialiste për zgjedhjet vendore të 14 majit për një nga bashkitë më të rëndësishme në vend, Vlorën. Asambleja e PS-së në mbledhjen e sotme zgjodhi me 199 vota diplomatin Ermal Dredha, i cili fitoi kundrejt rivalit të tij socialist deputetit Fate Velaj, i cili mori 55 vota.

Enkelejd Alibeaj nuk e ka vendosur ende se si Partia Demokratike do të futet në zgjedhjet vendore të 14 majit! Prej më shumë se 7 orësh në zyrat e reja po mbahet mbledhja e Kryesisë ku mësohet se ka debate të ashpra!

Në zgjedhjet vendore të 14 majit, Edi Rama ka vendosur që t’u japë besimin edhe për një mandat të ri 44 kryetarëve aktualë të Bashkive.

Këshilli i Ministrave ka miratuar ditën e sotme shfuqizimin e Agjencinë Kombëtare të Diasporës. Kompetencat e këtij institucioni do t’i kalojnë Ministrisë së Jashtme, por Agjencia Kombëtare e Diasporës do të vijojë të ekzistojë deri në krijimin e strukturës pranë ministrisë.

Komisioni Shtetëror i Zgjedhjeve ka kërkuar gjobitjen e tre kryebashkiakëve socialistë për shkak se kanë kryer shkelje të Kodit Zgjedhor. Bëhet fjalë për kryebashkiakun e Fierit, Armando Subashi, atë të Përrenjasit, Nuri Belba dhe Kastriot Gurrën, kryetar të bashkisë së Librazhdit.

Nga Kamza, kreu i Rithemelimit, Sali Berisha ka akuzuar kryeministrin Edi Rama se ka grumbulluar në duart e tij 10% më shumë pushtet se vetë diktaktori komunist, Enver Hoxha. 

Media franceze ‘France24’ i ka dedikuar një artikull kryeministrit Edi Rama dhe ekspozitës që hapi në Athinë me pikturat e tij. Ramën e cilësojnë si të vëmendshëm ndaj detajeve pasi kujdeset vetë për mënyrën e vendosjen e veprave me aq shumë ngjyra. Kryeministri grek e konsidroi kënaqësi që të prisnin Ramën jo si homolog me vizitë zyrtare por si artist që shpalos artin e tij në Greqi.

Kryeministri Edi Rama thotë se Mbretëria e Bashkuar ka vënë në dispozicion të Shqipërisë një fond prej 4 miliardë eurosh. Ky fond sipas Ramës do të vihet në dispozicion të projekteve strategjike të vendit tonë.

Në kuadër të zgjedhjeve lokale të 14 majit, ambasada amerikane në Shqipëri, u ka bërë thirrje partive politike në Shqipëri që të sigurohen që aktivitete zgjedhore të zhvillohen në përputhje me ligjin shqiptar dhe standartet ndërkombëtare.

Enkelejd Alibeaj ka zhvilluar ditën e sotme për rreth 8 orë një mbledhje me Kryesinë dhe Grupin Parlamentar por ende nuk ka një vendim se si do futen në zgjedhjet vendore. Mbetet ende një diskutim se si do të futen në zgjedhje me kandidatë në të gjithë bashkinë, apo vetëm me lista këshilltarësh, teksa të hënën mbaron afati i fundit për regjistrimin e tyre.