Politikë

Kosova dhe Shqipëria mbajtën në Tiranë mbledhjen e parë të përbashkët të dy kuvendeve. Kryeministrat Rama dhe Kurti folën për rritje të bashkëpunimit ndërsa quajtën me rëndësi të veçantë projektin e Portit të Durrësit dhe projektin e Hekurudhës Durrës-Prishtinë. Mbledhja e radhës e dy kuvendeve pritet të mbahet në Qershor të 2023.

Kryeministri i Shqipërisë dhe kryetari i PS, Edi Rama është rizgjedhur për një mandat tjetër zv.President i Internacionales Socialiste.

Kryetari i Partisë së Lirisë Ilir Meta ka marrë dekoratë nga presidenti i Mongolisë, Ukhnaa Khurelsukh.

Kryeministri Rama ka zhvilluar sot një takim me pronarin dhe drejtuesin e kompanisë më të madhe të monedhave digjitale në botë ‘Binance’, Changpeng Zhao. Ka qenë vetë Zhao ai që e ka bërë me dije takimin përmes një postimi në Twitter.

Për herë të parë një rrjet rinor Shqiptar anëtarësohet në Forumin Rinor Evropian me statusin e Anëtarit Observues, që i jep Kongresit Rinor Kombëtar të drejtën të përfaqësohet në Asamble dhe të marrë pjesë në të gjitha grupet e punës së Forumit. 

Deputetja e PD, Flutura Açka ka reaguar ashpër për festën e mbajtur në Elbasan, ku u hap sipari i festimeve të 110 vjetori i shpalljes së Pavarësisë. Në një postim në Facebook, Açka u shpreh se ishte turp që u festua me flamur lejla.

Armand Dervishi ka prezantuar kandidaturën për të garuar në Primare për Bashkinë e Durrësit.

Kreu i Grupit të Partisë demokratike, Enkelejd Alibeaj ka prezantuar sot kandidaturën për bashkinë e Mallakastrës, Agron Kapllanaj. Në fjalën e tij Alibeaj tha se Kapllanaj është figura që i duhet sot Mallakastrës sepse sipas tij Kapllanaj e ka treguar veten e tij me punën që ka bërë gjatë kohës që ka pasur drejtimin e kësaj bashkie, ndërsa theksoi se nuk diferenconte as të majtë e as të djathtë.

Në komunikimin e kësaj jave me simpatizantë që i bëjnë pyetje në facebook, ish-Kryeministri Sali Berisha i kishte edhe disa ide që nuk i kishte shprehur më parë.Në mënyrë të beftë Berisha tha se për të luftuar fenomenin e shitblerjes së votës ai do të kërkojë që vota në Shqipëri të bëhet e detyrueshme dhe qytetarët të mos lejohen të rrinë në shtëpi ditën e zgjedhjeve.

E nesërmja (27 nëntor 2022) do të jetë një ditë historike, pasi për herë të parë Kuvendi i Shqipërisë dhe Kuvendi i Kosovës do të zhvillojnë një mbledhje të përbashkët të të gjithë deputetëve.

Ish-kryeministri Sali Berisha ka përkujtuar tre vjetorin e tërmetit tragjik, që la pas 51 viktima në vendin tonë. Në një komunikim në Facebook, Berisha u shprehu ngushëllimet të gjithë familjeve që kanë humbur të dashurit nga kjo tragjedi, ndërsa nuk kurseu akuzat ndaj qeverisë.

Ish-Kryeministri Sali Berisha e konsideron nul njoftimin që policia e shtetit i ka bërë dje që nuk e lejon organizimin e protestës më 6 dhjetor në Bulevardin e Tiranës sepse cenohet siguria kombëtare. Berisha tha se atë ditë do ta mbushë Bulevardin si kurrë më parë.