Politikë

Sali Berisha duket se ka vendosur të ‘mbylle sytë” dhe të mos shoh dhunën që u zhvillua gjatë protestës së sotme në selinë e PD. Ai tha se protesta ishte paqësore dhe nderoi personat që çan dyert e blinduara të PD. 

Lulzim Basha u shpreh se në grupimet e Berishës ka pasur kriminelë të cilët ishin të vendosur për të ushtruar dhunë dhe për të sulmuar me çdo mjet PD-në ndërsa surprizuese ishte kur Lulzim Basha theksoi se Policia e Shtetit ka ndërhyrë 1 orë e 30 minuta me vonesë për një arsye të thjeshtë, ‘vëllazëria Rama-Berisha’. Kreu i PD shtoi se sot ishte dita e fundit politike për Sali Berishën.

Protesta e dhunshme në selinë e PD e thirrur nga Sali Berisha është pasqyruar edhe në mediat ndërkombëtare. Reuters shkruan se policia hodhi gaz lotsjellës dhe përdori autobotët me ujë, ndërsa protestuesit gjuanin me gurët selinë e Partisë Demokratike.

Bujar Nishani dhe Majlinda Bregu, kundërshtarë të Lulzim Bashës, kanë reaguar për protestën e dhunshme që u thirr nga Sali Berisha. Ndërsa Nishani shprehet se beteja do vazhdojë, Bregu thekson se shkatërrimi i PD ka nisur vite më parë.

Nga

Adriatik Doci

Sali Berisha i alarmuar për humbjen e votës së Marsida Xhaferllarit në Kushtetuese teksa kishte rrethuar selinë e PD-së me grupin e sulmit. Ja pse me Gjykatën Kushtetuese janë të lidhura interesa jetike të Berishës që përfshijnë edhe Fatmir Mediun për Gërdecin.

Ministri i Brendshëm, Bledi Çuçi tha se ndërhyrja e policisë nw prostestwn e dhunshme ishte profesionale. Sipas tij  aktet e dhunës dhe tentativat për të cenuar rendin publik nuk do të tolerohen.

Pas 3 orësh protestë askush nuk e priste që Sali Berisha të tërhiqej ashtu në mënyrë të papritur dhe të njoftonte shpërndarjen e mbështetësve të tij për t'ia lënë 'çlirimin e shtëpisë së demokratëve' një dite tjetër.

Analisti Frrok Çupi e konsideroi protestën e dhunshme të thirrur nga Sali Berisha një sulm ndaj PD dhe vetë SHBA për të shfryrë inatin se pse e shpalli "non grata". Çupi tha se brenda PD ka pasur gjithmonë persona të dhunës dhe sipas tij Berisha është kujdesur gjithmonë që t'i mbledhë këto persona të krimit rreth vetes.

Pas sulmit të pësuar nga mbështetësit e Sali Berishës, Lulzim Basha ka ftuar mediat të futen brenda në seli për të parë se çfarë ka ndodhur. Basha pritet të ketë një komunikim për situatën kaotike të krijuar sot në selinë e PD, ku u desh ndërhyrja e policisë, FNSH dhe RENEA për të shpërndarë turmën.