Politikë

Presidenti Ilir Meta, sot e ka treguar hapur se në këto zgjedhje të 6 marsit është rreshtuar krah Sali Berishës, e për ta kuptuar këtë mjafton për të lexuar mënyrën se ai i drejtohet Lulzim Bashës jo si kreu i PD-së, partisë më të madhe opozitare në vend, por vetëm si deputet. Për Metën, Basha dhe Gazment Bardhi kanë gënjyer në emër të Gjykatës Kushtetuese lidhur me vendimmarrjen e këtyre të fundit për për votimet e 30 qershorit 2019.

Kryeministri Rama ka reaguar për herë të parë në lidhje me përgjimin që FSHF publikoi për Erion Veliajn. Rama shkruan se 'i neveris përgjimet në ambiente jopublike'. Sipas tij s'mund të jenë provë.

Pas socialistëve edhe Basha depozitoi në mbrëmje kërkesën për t’u regjistruar në garën zgjedhore të 6 marsit në 6 bashki. Madje ai i mbylli shtigjet Berishës për të garuar me logon e PD, pasi paraqiti në KQZ vërtetimin e gjykatës për regjistrimin e PD me kryetar Lulzim Bashën. 

Kreu i grupit parlamentar të Partisë Socialiste kërkon që institucionet përgjegjësi të hetojnë sa më parë ngjarjen e djeshme në Durrës, ku iu vu tritol banesës së kreut të FSHF-së Armand Duka dhe të nxjerrin përgjegjësit.

Deputeti Korreshi theksoi se nëse Basha dhe Berisha do kenë një kandidat të përbashkët, i fitojnë 6 bashkitë të cilat janë pa kryetar. Ai theksoi se është e vështirë por jo e pamundur për ta fituar bashkinë edhe me dy kandidatë.

I ftohti i acartë s'ka lënë pa "pushtuar" as godinën e Kryesisë së Kuvendit të Shqipërisë, duke bërë që dy deputet e opozitës Saimir Korreshi dhe Dashnor Sula të "lënë" mbledhjen dhe t'i afrohen kondicionerit për t'u ngrohur.

Dhoma e Tregtisë së Durrësit ka reaguar kundër Drejtorisë së Tatimeve pas inspektimeve që kjo ka kryer një ditë më parë në kompanitë e Armand Dukës. Sipas Dhomës së Tregtisë Durrësit këto kontrolle janë të orkestruara për presion politik, pasi sipas saj, FSHF publikoi një audiopërgjim të Veliajt.

Deputetja e LSI Erisa Xhixho, në ditën e dytë të pezullimit të mësimit për shkak të kushteve të vështira atmosferike, është shprehur se sipas saj mungesa e investimeve në arsim mbyllin shkollat në dimër dhe largojnë të rinjtë në emigracion.

Mëngjesin e sotëm presidenti Ilir Meta ka zgjedhur ta filloi ditën në natyrë, nga ku edhe na ka prezantuar me shoqërinë e tij të re.

Erion Veliaj do të kandidojë sërish për një mandat të tretë në Bashkinë Tiranë në zgjedhjet lokale të 2023 dhe për këtë ka edhe bekimin e kryesocialistit Edi Rama. Lidhur me projektin e ndërtimit të kullave në territorin ku ndodhet Partia Demokratike duket se një kërkesë e tillë i ka shkuar edhe Bashkisë së Tiranës nga pronarët e tokës që është familja Toptani.

Meta deklaroi se për të evituar çdo debat dhe polemikë me Partinë Demokratike, zgjodhi të takonte vetëm kreun e grupit parlamentar të PS. Presidenti theksoi se Basha ka bërë të kundërtën që kreu i shtetit i ka thënë. Ndër të tjera Meta e quajti Bashën deputet.

Komisioni i Integrimit Evropian miratoi në parim projektligjin për marrëveshje mes Shqipërisë dhe BE-së në kuadër të asistencës së paraantarësimit. Ministria e Jashtme për Evropën dhe Punët e Jashtme konfirmoi se menaxhimi i fondeve të asistencës teknike do të bëhet nga Agjencia e Koordinimit të Donacioneve të Huaja.

Nga studio e Repolitix, kryebashkiaku Veliaj tha se ka dërguar në institucionet ndërkombëtare materiale që vërtetojnë sesi pastrohen paratë e drogës në Shqipëri përmes futbollit duke akuzuar kreun e FSHF Armand Dukën. Ai tha se Duka mbështetet vetëm nga llumi, Meta e Berisha. Ndërsa për manipulimet në zgjedhje ai paralajmëroi arrestime.

Nga

Danjela Maloku

Komisioni i Rithemelimit konfirmon për Report Tv se pavarësisht emrave që përfliten, nuk ka zyrtarizuar asnjë emër për kandidat për 6 bashkitë. Ky proces sipas Ivi Kasos do të përmbyllet me 30 janar, por ende nuk janë të qartë për mënyrën sesi do të regjistrohen në KQZ për të marrë pjesë në zgjedhje.

Për ish-deputetin demokrat Arben Ristani, deklaratat e presidentit kundër Lulzim Bashës nuk janë të reja dhe në funksion të Grupimit të Berishës. Ai tha se kjo ‘luftë’ mes Ilir Metës dhe kryetarit të PD është e hershme. Edhe vetë shpallja e 6 Marsit si datë për zgjedhjet e pjesshme, sipas Ristanit vjen nga afatet ligjore. 

Në zgjedhjet e pjesshme vendore të 6 marsit, PD-ja zyrtare vijon të theksojë se nën logon e saj nuk do të kandidojnë mbështetësit e Berishës, ndryshe nga çfarë pretendon i ashtuquajturi Komision i Rithemelimit se do të kandidojnë nën siglën e PD-së. Përfaqësuesi Ligjor i PD-së, Marash Logu tha se po punohet për përzgjedhjen e kandidaturave.