Politikë

Lulzim Basha, Edith Harxhi, Agron Shehaj dhe Fatbardh Kadilli kanë hedhur votën e tyre ditën e sotme, ndërsa u kanë bërë thirrje demokratëve që të dalin në votime. Gjatë deklaratave për mediat të 3 kandidatët që garojnë ndaj Lulzim Bashës, kanë hedhur akuza për procesin zgjedhor  duke thënë se ka probleme të mëdha dhe është i pabarabartë.

Demokratët tashmë e kanë vendosur. Përballjen e radhës kundër Partisë Socialiste dhe Edi Ramës do ta bëjnë sërish me Lulzim Bashën, edhe pse vijnë nga 4 humbje radhazi. Kreu aktual i Partisë Demokratike Lulzim Basha, ashtu si rivali i tij politik ka arritur të marrë një mandat të tretë, pasi është konfirmuar bindshëm në krye të partisë së tij për herë të tretë radhazi me 81% të votave. Pas tij më i votuari ndër kandidatët është renditur Agron Shehaj me 14.8%. Ndërkohë që Fatbardh Kadilli ka fituar 1.8% të votave dhe Edit Harxhi ka marrë 2.4 %.