Politikë

Nga

Adriatik Doci

Sahit Dollapit merr një tender për zhbllokim pusetash një muaj pasi dha dorëheqjen si Sekretar Organizativ i Partisë Demokratike. Kompania e Dollapit nga 14 tendera të fituar, 13 i ka marrë duke qenë e vetme në garë dhe një sërish ku janë skualifikuar të gjithë konkurrentët përveç kompanisë së ish-drejtorit të Berishës sot i besuar i Lulzim Bashës.

Nga

Ermal Qori

Analistët e komentojnë me kritika vëmendjen që kryetari demokrat Lulzim Basha i dha Sali Berishës gjatë punimeve të Kuvendit Kombëtar. Analisti Ylli Pata e sheh si një mesazh të gabuar në sytë e ndërkombëtarëve pas shpalljes “non grada”, ndërsa për anëtarin e Këshillit Kombëtar të PD-së Roland Bejko, Kuvendi pati edhe zhvillime pozitive.

Partia Demokratike pritet që në shtator të nisë betejën e saj në Kuvend, pas një mungese prej gati 2 vitesh, e për këtë, deputetja e zgjedhur, Ina Zhupa ka prezantuar për Report Tv disa nga shtyllat kryesore ku do të fokusohet "lufta parlamentare". Ajo për të cilën Zhupa shprehet e sigurt është se do të jenë një opozitë e fortë që nuk e lejojnë kryeministrin Edi Rama "të bëjë çfarë të dojë".  

Atë që nuk e bëri PD në Kuvendin Kombëtar, e bën Roland Bejko, anëtar i Këshillit, në studion e Report Tv. Bëhet fjalë për analizën që çoi demokratët në humbjen e zgjedhje në 25 prillit. Ai u ndal në qarkun e Gjirokastrës, ku emri i tij ishte renditur i dyti në listë. Për Bejkon, PD-ja i kishte të gjitha shanset për të marrë dy mandate, por "u luajt" gabimisht dhe gabimi nis që nga vendosja e emrin të Tritan Shehut i pari në listë  dhe më pas në mënyrën e të bërit fushatë.

Kryeparlamentari i sapozgjedhur i Izraelit, Mickey Levy i ka shkruar një letër kryetarit të Kuvendit Gramoz Ruçit në kuadër të 30-vjetorit të vendosjes së marrëdhënieve diplomatike mes dy vendeve.

Kuvendi Kombëtar i PD dhe ngjarjet në vijim janë tema e diskutimit të mbrëmjes së sotme në emisionin "Repolitix" të gazetarit Denis Minga. Të ftuarit Arben Meçaj, themelues i PD, Aulon Kalaja anëtar i Këshillit Kombëtar të PD, deputeti Andi Përmeti dhe analisti Plator Nesturi po debatojnë edhe për përjashtimet e fundit në PD.

Artisti Ardian Isufi dhe ish-anëtari i Këshillit Kombëtar ka konfirmuar lajmin se do të tërhiqet nga partia opozitare më e madhe në vend. Sipas Isufit hapësirat në PD po ngushtohen duke theksuar se zëri i elitave është minimizuar dhe zëri i personazheve që nuk i thënë më asgjë PD është rritur.

Nga

Adriatik Doci

Lulzim Basha zgjeron Kryesinë e PD-së me të besuarit e tij përmes ndryshimeve në statut, përfshin edhe Jemin Gjanën që u akuzua nga grupimi ‘Pro PD-së’ për fshehje e listave në zgjedhjet 13 qershorit. Nuk ndryshon mënyra e zgjedhjes së kandidatëve për kryetarë bashkie dhe deputetë. 

Historia e kryeministrit të Shqipërisë Edi Rama dhe jeta e tij si një artist prestigjioz ndërkombëtar ka marrë vëmëndje të madhe ndërkombëtare. Në rrëfimin e tij kryeministri Edi Rama tregon vitet e errëta të diktaturës komuniste, ndryshimet dhe gjallërimin e qytetit me ngjyra në kohën kur ai ishte kryetar bashkie dhe ekspozitat me krijimet e tij më të famshme në muzetë ndërkombëtarë.

“Bajrami i madh, falja e namazit herët në mëngjes, vizitat tek fqinjët e të afërmit për t’i uruar dhe ndjenja e të qenit pranë njëri-tjetrit na jep dritë dhe qetësi shpirtërore”...kështu e nis urimin e saj deputetja e PD-së, Grida Duma.

Nga

Danjela Maloku

Nëse për betejën në Parlament të cilën Lulzim Basha e shpalli ditën e Kuvendit të PD, nuk i ka të gjithë të besuarit e tij, për betejën jashtë, ai do të ketë njerëzit më të afërt të tij. Brenda korrikut, Këshilli Kombëtar do të zgjedhë kryesinë, sekretariatet dhe nën kryetarët e rinj të PD, emra të cilët do të propozohen nga vetë kryedemokrati Basha.

Që pas zgjedhjeve të 25 prillit dhe pranimit të humbjes, duket se çdo ditë më pak shohim gjurmë të kryetares së LSI-së, Monika Kryemadhit në jetën publike të vendit. Në ditën e sotme, që është data më e rëndësishme në kalendarin mysliman, festa e Kurban Bajramit, mungon një urim nga kryetarja e LSI.

Kuvendi Kombëtar i PD duhet të shërbente në radhë të parë për të thënë të vërteta. Për ish-kreun të Këshillit Kombëtar të PD, Bujar Nishani, asgjë nuk ndodhi në këtë Kuvend përveçse u mor në mbrojtje Lulzim Basha dhe paaftësia e tij. Sipas tij një nga të vërtetat e mëdha është se si në këtë situatë PD nuk ka qenë kurrë.

Kuvendi i Partisë Demokratike nuk solli asgjë të re. Kështu deklaroi në një intervistë në Report Tv Enno Bozdo, ish-koordinator i Partisë Demokratike, ku tha se u trajtua vetëm çështja e manipulimit të votës, që është e rëndësishme, por kjo ishte një pjesë e shteruar. Sipas Bozdos duhet që kreu i Partisë Demokratike Lulzim Basha dhe vëtë Kongresi i PD-së, të mos ndalej vetëm në këtë çështje, por të rikthehej drejt vetes, se çfarë është bërë mirë dhe çfarë është bërë gabim

Rikthehet çështja e patronazhistëve. Një organizatë rinore me emrin GUXO ka paditur Partinë Socialiste pak muaj pas zgjedhjeve dhe i kërkon dëmshpërblim. 162 qytetarë të Qarkut të Tiranës, përfaqësuar nga organizata rinore GUXO, kanë 3 kërkesa për SPAK duke përfshirë edhe dënimin e atyre që ata i konsiderojnë përgjegjës.

Nga

Adriatik Doci

Lulzim Basha përfshin për herë të parë në statutin e ri të partisë mundësisë në dorëheqjes dhe të mungesës së gjatë në selinë blu. Në rast dorëheqjes Gazmend Bardhi mbledh Këshillin Kombëtar dhe zgjedh kryetarin zëvendësues

Megjithëse shtatori nuk ka ardhur akoma, “ethet” e tij për krijimin e qeverisë së re po fillojnë të përcillen që tani. Gazetari Bledi Mane ka guxuar të bëjë parashikimin e tij lidhur me vendimmarrjen e Ramës për ministrat në shtator, jo për një por për të gjithë kabinetin qeveritar duke theksuar se kryeministrin do e “mbysin” gratë.

Bislim Ahmetaj, anëtari i “Grupit për PD”, ka deklaruar se vënia e Luzlim Bashës në krye të Partisë Demokratike, është faji më i madh i ish-kryeministrit Sali Berisha. Në studion e Report Tv, ai e ka cilësuar si të pafalshme gabimin e Berishës, duke e vendosur në krye të PD-së, Lulzim Bashën, kjo sepse sipas tij, kryedemokrati nuk i ka sjellë asnjë të mirë demokratëve.

Deputeti Andi Përmeti ka shprehur mendimin e tij lidhur me reagimet e fundit të demokratëve për Kongresin e Partisë Demokratike të zhvilluar dy ditë më parë.