Politikë

Meta deklaroi se për të evituar çdo debat dhe polemikë me Partinë Demokratike, zgjodhi të takonte vetëm kreun e grupit parlamentar të PS. Presidenti theksoi se Basha ka bërë të kundërtën që kreu i shtetit i ka thënë. Ndër të tjera Meta e quajti Bashën deputet.

Komisioni i Integrimit Evropian miratoi në parim projektligjin për marrëveshje mes Shqipërisë dhe BE-së në kuadër të asistencës së paraantarësimit. Ministria e Jashtme për Evropën dhe Punët e Jashtme konfirmoi se menaxhimi i fondeve të asistencës teknike do të bëhet nga Agjencia e Koordinimit të Donacioneve të Huaja.

Nga studio e Repolitix, kryebashkiaku Veliaj tha se ka dërguar në institucionet ndërkombëtare materiale që vërtetojnë sesi pastrohen paratë e drogës në Shqipëri përmes futbollit duke akuzuar kreun e FSHF Armand Dukën. Ai tha se Duka mbështetet vetëm nga llumi, Meta e Berisha. Ndërsa për manipulimet në zgjedhje ai paralajmëroi arrestime.

Nga

Danjela Maloku

Komisioni i Rithemelimit konfirmon për Report Tv se pavarësisht emrave që përfliten, nuk ka zyrtarizuar asnjë emër për kandidat për 6 bashkitë. Ky proces sipas Ivi Kasos do të përmbyllet me 30 janar, por ende nuk janë të qartë për mënyrën sesi do të regjistrohen në KQZ për të marrë pjesë në zgjedhje.

Për ish-deputetin demokrat Arben Ristani, deklaratat e presidentit kundër Lulzim Bashës nuk janë të reja dhe në funksion të Grupimit të Berishës. Ai tha se kjo ‘luftë’ mes Ilir Metës dhe kryetarit të PD është e hershme. Edhe vetë shpallja e 6 Marsit si datë për zgjedhjet e pjesshme, sipas Ristanit vjen nga afatet ligjore. 

Në zgjedhjet e pjesshme vendore të 6 marsit, PD-ja zyrtare vijon të theksojë se nën logon e saj nuk do të kandidojnë mbështetësit e Berishës, ndryshe nga çfarë pretendon i ashtuquajturi Komision i Rithemelimit se do të kandidojnë nën siglën e PD-së. Përfaqësuesi Ligjor i PD-së, Marash Logu tha se po punohet për përzgjedhjen e kandidaturave.

Partia Socialiste ka nisur punën për zgjedhjet e pjesshme vendore. Kryesocialisti Edi Rama i shoqëruar nga Sekretari i Përgjithshëm Damian Gjiknuri, drejtuesit politik dhe deputetët e qarqeve ku do të mbahen zgjedhjet. 

Olta Xhaçka është zgjedhur nga kryeministri Edi Rama si e deleguara e socialistëve për të menaxhuar zgjedhjet vendore të 6 Marsit në Bashkinë e Shkodrës. Burime pranë selisë rozë në Shkodër bëjnë me dije se zonja Xhaçka ka qenë në Shkodër gjatë fundjavës, ku ka zhvilluar takimet e para me forumet e kësaj force politike si dhe drejtuesit e institucioneve në Shkodër.

Nga

Adriatik Doci

Nëse Gjykata Kushtetuese shkarkon Ilir Metën, kompetencat e Presidentit do t’i ushtrojë kryetarja e Kuvendit. Nisja e procedurave në prill janë një detyrim kushtetues dhe nuk kanë lidhje me fatin e Metës.

Kryetari i Bashkisë së Tiranës Erion Veliaj ka reaguar në lidhje me qëndrimin e Federatës Shqiptare të Futbollit për mbledhjen e djeshme të anëtarëve të komunitetit të futbollit dhe Shoqatës Rajonale Tiranë. Federata Shqiptare e Futbollit publikoi paraditen e sotme një përgjim ku sipas saj Veliaj i bën presion anëtarëve të shoqatës për të manipuluar zgjedhjet në FSHF.

Kryetari i Bashkisë së Tiranës, Erion Veliaj priti sot në zyrën e tij kryeavokatin ndërkombëtar të drejtësisë sportive, Efraim Barak, me të cilin ka biseduar për pastrimin e futbollit shqiptar.

Ish-kryetari i KQZ Kristaq Kume tha në Report Tv se lidhur me statutet e Pastrisë Demokratike gjykata duhet të kishte dhënë një vendim dhe se kjo vonesë po krijon hapësira për interpretime politike.

Pas deklaratave të kryeministrit Edi Rama se Ilir Meta do të angazhohet në zgjedhjet e 6 marsit, presidenti nuk e ka kursyer një përgjigje. Ai ka deklaruar se deri në 24 korrik kur i përfundon mandati, ai do të jetë president, e ndërsa akuza të tilla nga Rama i quajtur si kurthe diletantët. Megjithatë, pati edhe një paralajmërim për kundërshtarët politik.

Nënkryetarja e Padtisë Demokratike, Jorida Tabaku ngirit në komisionin e ekonomisë një nga shqetësimet kryesire të qytetarëve, rritjen e çmimeve. Ajo tha se rritja e çmimeve dhe e inflacionit po varfërojnë më shumë njerëzit dhe se përgjegjëse kryesore është qeveria me politikat e saj të gabuara