Politikë

Gjatë një interviste në Report Tv,  Kërpaçi u tregua indiferente kur u pyet në lidhje me largimet e figurave me peshë elektorale nga LSI, duke thënë se kjo parti është e rinisë dhe ndryshimit dhe se për këtë është fokusuar në afrimin e rinisë dhe prurjeve të reja. Ndërsa ajo i shikon si shpresëdhënëse afrimet e socialistëve që janë zhgënjyer nga Rama për t'iu bashkuar LSI-së për 25 prillin.

Në përkujtimin e 101-vjetorin e Kongresit të Lushnjes, Presidenti Ilir Meta tha se në këtë kongres u morën vendimet më të rëndësishme për të krijuar shtetin shqiptar dhe ruajtur pavarësinë e saj.

Një ditë pasi njoftoi kandidimin për zgjedhjet parlamentare në Shqipëri, Lëvizja Vetëvendosje në Tiranë ka prezantuar këtë të enjte dy kandidatët e saj. Vetëvendosja ka zgjedhur dy zona se ku do të garojë, në Tiranë me drejtuesin e saj Bojken Abazin si dhe në qarkun e Lezhës me anë të Iliaz Shehut, aktivist i Vetëvendosjes në Shqipëri dhe pedagog.

Ish deputeti i PD-së, Bardh Spahia ka akuzuar kryetaren e komitetit të ekspertëve, Mira Rakacolli se ka thyer rregullat anti-COVID, ndërsa kërkon shkarkimin e saj pasi shkeli masat që vetë predikon për t'u respektuar nga qytetarët.

Koordinatori i LSI-së në Vorë, Vojo Bregu ka deklaruar se disa mjekët dhe infermierë të qendrës shëndetësore të Vorës i kanë drejtuar një ankesë Ministrisë së Shëndetësisë se kanë mungesë të mjeteve bazike si doreza dhe dezinfektantë. I menjëhershëm ka qene edhe reagimi i Qendrës Shëndetësore Vorë ku përgënjeshtron denoncimin duke publikuar foto nga stoku i produkteve në magazinë.

Gjatë konferencës që zhvilloi sot me rastin e 10-vjetorit të 21 janarit, kryeministri Rama bëri akuza të forta ndaj prokurorëve dhe gjyqtarëve që sipas tij kanë mohuar drejtësinë për të vrarët në bulevard 10 vite më parë.

Kanë kaluar 10 vite që nga vrasja e 4 protestuesve në Bulevardin "Dëshmorët e Kombit" gjatë një demonstrate të organizuar nga PS në vitin 2011, në opozitë në atë kohë. Këtë ditë e ka kujtuar edhe Zëvendëskryeministri Erion Braçe. Përmes një postimi në rrjetet sociale Braçe shkruan se për këto vrasje nuk janë hetuar as urdhëruesit, për të Sali Berisha dhe Lulzim Basha, por as ata që kanë zbatuar urdhrin, ku nuk ka asnjë të ndëshkuar për 4 viktimat  Aleks Nika, Ziver Veizi, Hekuran Deda dhe Faik Myrtaj.

Ndarja mes Fatmir Mediut dhe Lulzim Bashës duket se është shumë e madhe. Kreu i Partisë Republikane vijon hapat për të ecur drejt zgjedhjeve të 25 prillit i vetëm. Report Tv ka mësuar se PR ka nisur mbledhjen e 5000 firmave të domosdoshme për tu regjistruar si subjekt për zgjedhjet e ardhshme. Ndërkohë që ka prezantuar edhe kandidatët në Fier. 

Në 10 vjetorin e 21 janarit ku 4 protestues u vranë në  bulevardin Dëshmorët e Kombit, kryeministri Rama i shpalli ata "Dëshmorë të Atdheut" ndërsa tha se drejtësia për këtë ngjarje nuk është vënë në vend. Një ditë më parë policia e Tiranës i kërkoi prokurorisë të hapë dosjen e 21 janarit me një kërkesë specifike për vrasjen e Aleks Nikës, mbetur pa autor.

Kryetarja e LSI, Monika Kryemadhi e ka nisur ditën e sotme herët në Laprakë për të takuar qytetarët. Pjesë e diskutimeve ka qenë përfshirja e të rinjve në vendimmarrje, punësimi dhe arsimimi i tyre.