Politikë

Ministri gjerman i Evropës, Michael Roth, thotë në intervistë për DW, se kushtet për negociatat e Shqipërisë nuk i formulon Bundestagu, por Komisioni Evropian dhe se Shqipëria nuk do të ketë anëtarësim të klasit të dytë.

Presidenca do të bëjë ditën e nesërme publik qëndrimin për draft-opinionin e Komisionit të Venecias, lidhur me kërkesën e mazhorancës për shkarkimin e Ilir Metës, me argumentin se ka shkelur Kushtetutën me anulimin e zgjedhjeve të 30 qershorit.

Shtyhet me dy muaj komisioni hetimor për shkarkimin e Presidentit Meta. Parlamenti diskutime për negociatat. Kryeministri Rama thotë se Shqipëria do i përmbushë dy kushtet e Bundestagut, dhe se reforma zgjedhore duhet miratuar sipas rekomandimeve të OSBE-ODIHR me opozitën e re. Vendimi për negociatat në dorë të politikave të brendshme të BE-së, tha Rama, teksa tha se integrimi është objektiv i përbashkët dhe jo vetëm i një qeverie. 

Edi Rama deklaroi dje se shumica është gati që të votojë pa PD-LSI-në ndryshimet në reformën zgjedhore sipas rekomandimeve te OSBE-së, ashtu sikur e kërkon Gjermania. Nard Ndoka, kryetar i Partisë Demokristiane të Shqipërisë u shpreh sonte në emisionin 'Repolitix' se edhe opozita i pranon rekomandimet e OSBE-së dhe se nuk ka asnjë mungesë dakordësie, por kërkoi një dialog formal, pasi sipas tij, PD-LSI është opozita e vërtetë përballë Edi Ramës dhe jo ajo në Kuvend.