Politikë

Një ditë para protestës se nesërme Partia Demokratike ka nisur thirrjet për pjesëmarrje. Përveç thirrjeve zyrtare, ajo shpërndan përmes mesazheve personale ftesën për t'u bërë pjesë e tubimit të tetë kombëtar.

Përgjimet e publikuara nga gazeta gjermane 'Bild', Vangjush Dako i ka cilësuar si avantazh politik, që nuk ka ndikuar aspak në reputacionin e tij, përkundrazi! Në studion e "Repolitix" në Report Tv, kreu aktual i Bashkisë së Durrësit, Dako, i cili ka qenë kryefjalë e mediave javën e fundit për shkak të përgjimeve, ka mohuar që të ketë qenë duke folur me Astrit Avdylajn, kreun e  bandës së Shijakut. Një sajesë, e ka cilësuar Dako, pas së cilës fshihet opozita, që synon që nëpërmjet tyre të legjitimojnë djegien e mandateve.

Kandidati socialist për Bashkinë e Tiranës i bëri thirrje demokratëve që të distancohen nga drejtuesit e opozitës që për interesa të tyre të pushtetin duan të shkatërrojnë Tiranën dhe Shqipërinë. Veliaj tha se Shqipëria duhet të ndahet njëherë e mirë nga Sali Berisha, duke e akuzuar këtë të fundit për krime të shumta kundër popullit shqiptar.

Katër vjet më parë ishte një premtim elektoral, ndërsa tashmë është një realitet për mijëra studentë që kanë vendosur që të  studiojnë në kryeqytet.  Nga shkolla e re “Betim Muço” në Kombinat, kandidati i koalicionit “Aleanca për Shqipërinë Europiane” për kryetar të Bashkisë së Tiranës, Erion Veliaj  theksoi e atë që se bënë për shumë vite dekanët, falë bashkëpunimit Bashki-qeveri, tashmë të rinjtë kanë në duart kartën e studentit që u mundëson atyre të përfitojnë nga çmime shumë të ulëta.

Socialistët prezantuan ditën e sotme kandidatin e për kryetar bashkie në Kuçovë, Kreshnik Hajdarin. Kryeministri Edi Rama u ndal të fliste për publikimin e audio-përgjimeve në tabloidin gjerman 'Bild'. Rama tha se ato duhet të ishin hetuar me kohë por janë ruajtur në sirtar për ditë të zeza.

Kryetarja e LSI-së Monika Kryemadhi doli sot në një deklaratë për mediat ku akuzoi kryeministrin Edi Rama se është i kapur nga krimi. Ajo tha se beteja e protestuesve nuk është me uniformat e policisë dhe godinat por me qeverinë.

Kreu demokrat tha se një nga arsyet pse PD ka zgjedhur të mos marrë pjesë në zgjedhjet vendore të 30 qershorit 2019, është se nuk mund të konkurrojnë politikisht - sipas tij me kriminelët. "Ata që mendojnë ndryshe janë të verbër ose naivë. Edi Rama është i zhytur në krim. Edi Rama duhet të ikë", theksoi ai.

Në një kohë kur vendi është një një krizë politike për mungesë të dialogut mes qeverisë dhe opozitës e cila ka bojkotuar zgjedhjet lokale, presidenti Ilir Meta i cili ndodhet në Berlin. Ai pati takim me nënkryetarin e Grupit Parlamentar CDU/CSU, Johann Wadephul dhe Raporterin për Shqipërinë për CDU/CSU në Komisionin e Jashtëm, Christian Schmidt. 

Kryeministri Edi Rama është ndalur që të komentojë edhe deklaratën e drejtueses së Prokurorisë së Krimeve të Rënda, Donika Prela mbi dosjen e përgjimeve të bëra publike nga gazeta gjermane "Bild". Ai e ka cilësuar këtë reagim si të vonuar, në një kohë kur "vendi po ziente" me lajme të tilla. Rama ka theksuar Partia Demokratike po bën gjyqe publike, pa u bazuar në fakte apo prova, pasi sipas tij, mbi bazën e këtyre përgjimeve nuk mund të dilet në përfundimin që kryebashkiaku Vangjush Dako është fajtor. 

Ambasadori i Bashkimit Europian në Shqipëri, Luigi Soreca tha në një intervistë për 'Euronews' se Shqipëria ka bërë progres të rëndësishëm që nga qershori i vitit 2018. Soreca deklaron se pretendimet e njëpasnjëshme të opozitës po shqyrtohen.

Në prag të zgjedhjeve sipas Kodit Zgjedhor realizohen dy audite për numrin e votuesve dhe problemet, një nga shumica dhe një nga opozita. Dje është prezantuar në KQZ auditi i realizuar nga PD-ja, ku nxirren disa probleme. Shqiptraja.com ka siguruar raportin që ka dorëzuar audituesi i PD-së në KQZ me të gjitha problemet që sipas tij janë evidentuar. Ndërkohë pas publikimit të raportit, reagoi PD-ja duke akuzuar shumicën.

Euroactiv shkruan se Shqipëria ka bërë hapa para por situata politike në vend me opozitën që proteston prej kohësh mund të ndikojë në vendimin e KE që pritet të jepet në fund të qershorit.

Çollaku u shpreh se sipas sondazheve të opozitës Veliaj është një humbës i madh, prandaj dhe ka frikë nga gara me kandidat përballë.