Politikë

Në studion e Repolitix me gazetarin Denis Minga kryetari i Bindjes Demokratike Astrit Patozi deklaroi se zgjedhjet nuk mund të shtyhen vetëm se do një parti politike. Ai tha se nuk mund të shkohet në përplasje civile vetëm për karriget e dy-tre personave. Ai gjithashtu deklaroi se vendet në komisionet e PD dhe LSI duhet t'i kalojnë Bindjes Demokratike.

Komisioni europian ka nisur vlerësimin e kërkesës së paraqitur nga Holanda për pezullimin e vizave për Shqipërinë. Kjo u konfirmua nga zëdhënësja e tij Natasha Bertaud.

Me mbylljen e Muajit të Shenjtë të Ramazanit, presidenti Ilir Meta ka uruar besimtarët myslimanë, ku nuk kanë munguar edhe mesazhet për politikën. Teksa uron besimtarët për një agjërim të pranuar në natën e Bajramit të Madh, Meta përcjell mesazhin për t'i dhënë fund arrogancës, lakmisë apo shfaqjeve negative. Kjo sipas tij, arrihet vetëm me mirëkuptim dhe dialog.

Pas protestës së dhunshme të opozitës, kryetari i Partisë Demokratike, Lulzim Basha është nisur drejt Gjermanisë, ku do të jetë ligjërues në Dialogun për Ballkanin Perëndimor.

Nga 1 qershori ka hyrë në fuqi vendimi i Këshillit të Ministrave i marrë më datë 10 maj për pezullimin e përkohshëm të të gjitha procedurave të prokurimit nga ana e njësive të qeverisjes vendore dhe autoriteteve kontraktore në varësi të tyre.

Bordi kërkon nga mediat që në respektim të Kodit Zgjedhor të kryejnë identifikimin e blloqeve informative të lajmeve që kanë të bëjnë me aktivitetet elektorale ashtu sikurse vendosjen e minutazheve respektive.

Nuk do të donte që ta bënte publike, por komentet për mungesën e saj në protestën e shtatë të opozitës, kanë detyruar kryetaren e LSI-së, Monika Kryemadhi që të tregojë operacionin e vështirë që ajo kreu në Itali. Në një mesazh të gjatë në rrjetet sociale, Kryemadhi ka treguar se gjendja e saj shëndetësore ka qenë e rëndë, e teksa njofton se fatmirësisht rreziku ka kaluar. Në mesazhin e saj, nuk ka lënë pa përmendur kryeministrin Edi Ramës, së cilit i thotë që këtë gjë të mos ta kthejë në çështje personale.