Politikë

Një deklaratë pozitive ka ardhur për Shqipërinë dhe Maqedoninë e Veriut nga Bordi i Jashtëm Politik i Parlamentit Evropian. Deputetët e tij thonë se këtë vit duhet të nisin bisedimet për anëtarësimin e këtyre dy vendeve në BE. Eurodeputetët kanë pranuar realizimin e reformave të kërkuara, një arritje që duhet të ndikojë në pranimin e vendeve anëtare të këtij progresi dhe avancimin e negociatave me vendin tonë dhe Maqedoninë e Veriut.

Partia Socialiste do të rikonfirmojë Erion Veliajn në garën për zgjedhjet e 30 qershorit. Burime për Report Tv pohojnë se kryeministri Rama ka pyetur Asamblenë e PS-së në kryeqytet mbrëmjen e sotme "A keni një emër tjetër për Tiranën, se unë nuk kam?" Ndërsa asambleja nuk propozoi emër tjetër.

Shpëtim Idrizi u shpreh se zgjidhja e vetme janë zgjedhjet e parakohshme, ndërsa për Petrit Vasilin, aksioni opozitar nuk do të ndalojë deri në largimin e Ramës, pavarësisht thirrjes së Presidentit për një hap pas.

Referuar situatës politike në vend, ai shprehet se në Shqipëri po zhvillohet një sfidë mes të vjetrës (që përpëlitet me prepotencë) dhe së resë, e cila ka fytyrën e kryeministrit Rama.

Ndihmës Sekretari i Shtetit për Evropën dhe Azinë, Philip Reeker  duke komentuar situatën në Shqipëri tha se janë bërë shumë përpjekje në rrugën e reformave, por duhet çrrënjosur korrupsioni, të ristrukturohen institucionet kyçe të sundimit të ligjit dhe të reformohet gjyqësori.

Basha tha se nuk do të ketë hapa pas, por vetëm përpara, sipas tij përballë kësaj qeverie të lidhur me krimin dhe beteja e radhës është nesër para parlamentit.

Enkelejd Alibeaj thotë se Rama po e përdor sërish policinë duke e bërë vegël të krimit dhe korrupsionit. Alibeaj shprehet se e drejta është në anën e qytetarëve, prandaj edhe policët duhet të rreshtohen në krahun e së drejtës.

Kreu i shtetit Ilir Meta u ka bërë thirrje palëve politike të bëjnë hapa pas për të rivendosur normalitetin në atë që ai e quajtir krizë politike, kushtetuese dhe institucionale në Shqipëri.

Qeveria i bëri thirrjen e parë opozitës së re që pritet të futet në Kuvendin e Shqipërisë pas djegies së mandateve nga opozita, tashmë jo parlamentare, PD-LSI dhe aleatët e djathtë.

Opozita ka paralajmëruar tubimin e radhës nesër para parlamentit në momentin që do të zhvillohet seanca.

Kreu i grupit parlamentar të PS, Taulant Balla shprehet se shumica mbetet e gatshme për dialog me opozitën, por jo për negociata.

I quan të turpshme sulmet që po i bëhen deputetes së Partisë Demokratike Rudina Hajdari, nga vetë partia e saj. Ish-kryetari i PD-së në Gjirokastër, tashmë anëtar i kësaj partie, Roland Bejko, thekson faktin se bija e kujt shtë Rudina, që njëjtë si i ati, Azem Hajdari, edhe ajo nuk i bindet urdhrave të partisë, kur bindja dhe instikti i thonë se shumica e ka gabim.

Myslim Murrizi paralajmëron Bashën që nëse nuk heq dorë nga kjo ide që ka nisur të zbatojë, në zgjedhjet e ardhshme nuk do të mundet të gjejë dot as komisionerë për 238 qendrat e votimit që ka rrethi Lushnje.