Politikë

Presidenti Ilir Meta, pas rreth dy javësh “qëndresë” dekreton ministër të Brendshëm Sandër Lleshajn. Dekretimi vjen pas lirimit nga detyra të Lleshajt si gjeneral brigade dhe vetëm pak orë para skadimit të afatit Kushtetues. Reagon kryeministri Edi Rama, i cili deklaron se kur ka vullnet të mirë ka gjithmonë një rrugëzgjidhje. Ndërsa kreu i opozitës Lulzim Basha shprehet se me apo pa Sandër Lleshajn, Ministria e Brendshme ka shkuar për dreq, pasi sipas tij  vendi drejtohet nga një kryeministër që mbron kriminelët.

Punonjësit e Policisë Bashkiake dhe godina e Bashkisë së Tiranës u sulmuan dje me tymuese, shishe me benzinë, vezë dhe shashka, por ironia në rastin e Gentian Gjonajt është se ai nuk është fare banor i zonës së Astirit, të cilët kundërshtojnë projektin e zgjerimit të Unazës së Madhe.

Panairi i Librit që po zhvillohet këto ditë në Pallatin e Kongreseve, ka tërhequr vëmendjen e qytetarëve të shumtë jo vetëm për shumëllojshmërinë e librave, por edhe për 'shkrirjen e akujve' midis politikanëve të vendit. 

Kreu i grupit parlamentar të Partisë Socialiste, Taulant Balla komentoi nga Sesioni i II i Parlamentit Ndërkombëtar për Tolerancë dhe Paqe se, modeli më i vyer për Shqipërinë është bashkë-ekzistenca e të gjitha komuniteteve në paqe e harmoni. Balla e cilësoi tolerancën fetare në vend si një element i cili duhet eksportuar në një Europë të bashkuar. 

Gjonaj konfirmoi prioritetin e qeverisë shqiptare në luftën kundër korrupsionit dhe prezantoi reformat që janë ndërmarrë në funksion të kësaj lufte si dhe të forcimit të shtetit ligjor.

Deputetja e Partisë demokratike, Grida Duma në një dalje për mediat këtë të premte akuzoi qeverinë se ka dështuar në përmbushjen e reformës së ndihmës ekonomike përgjatë gjashtë viteve të qeverisjes, së saj. Sipas Dumës qeveria i ka braktisur shqiptarët, duke i përjashtuar një pjesë të familjeve nga skema e ndihmës ekonomike.

Deputetja demokrate Oriola Pampuri ka vijuar akuzat ndaj kryebashkiakut të Durrësit, Vangjush Dako, për të cilin kërkon të arrestohet sa më parë me pretendimin se ai ka bashkëpunuar me bandat e drogës.

Presidenit Ilir Meta ka dekretuar sot lirimin e Sandër Lleshajt si Gjeneral. Lirimi i Lleshajt me firmë të presidentit njofton "tymin e bardhë" nga Presidenca që pritet të dalë orët në vijim, për të dekretuar edhe propozimin e kryeministrit Edi Rama për emërimin e Lleshajt si ministër të Brendshëm.

Në limitet e afatit kushtetues për t'u shprehur për dekretin e Sandër Lleshajt, burime nga presidenca thanë për Shqiptarja.com se Meta ende nuk ka marrë një vendim për propozimin e kryeministrit. 

Në ditën e fundit të Sesionit të Dytë Plenar të Parlamentit Ndërkombëtar për Tolerancën dhe Paqen, një fjalë përshëndetëse për të pranishmit kanë mbajtur zytarët më të lartë të shtetit shqiptar.

Pas ripropozimit të Ramës, presidenti Meta rinisi konsultimet me institucionet, ndërsa në një letër drejtuar kryeministrit, ministres së Mbrojtjes dhe kryetarit të Kuvendit, rendiste 14 pyetje për Sandër Lleshajn, duke këmbëngulur te statusi dhe karriera prej ushtaraku.

Nga

Adriatik Doci

Vota e Metës pro emërimit të kolonel Dritan Demirajt si ministër të Brendshëm ne maj 2017, duket se e lëkund justifikimin e tij për të mos dekretuar Sandër Lleshajn.

Rama tha në Repolitix se numrin e ish-kryeministrit Nikolla Gruevskit do ia merrte Metës, por presidenti ka thënë sot se nuk e ka as numrin e shefit të qeverisë.

Presidenti i Republikës Ilir Meta ka qënë i pranishëm ditën e sotme në konferencën ndërkombëtare të gazetarëve të Europës Juglindore “South East Europe Medi Forum” ku edhe ka folur mbi çështjen e dekretimit të “Lleshaj” dhe kalimin e Gruevskit për të Hungari nga toka shqiptare.Meta ka thënë se së shpejti do të ketë një përgjigjie institucionale lidhur me cështjen e Lleshajt, ndërsa për arratisjen e Nikola Gruevskit, presidenti ka thënë se politikanët nuk duhet t'i shmangen drejtësisë.

Kryetarja e LSI-së, Monika Kryemadhi gjatë një takimi me strukturat e partisë në Dibër ka njoftuar se shumë shpejt do të publikojë fakte me zë dhe figurë se si tjetërsohet vota nga drejtues të PS-së në rrethe të ndryshme të vendit.

Ministrja Kumbaro ka replikuar me moderatoren Ori Nebijaj në lidhje me shprehjen që u bë virale, ku ministrja e kulturës kishte si qëllim të nxiste leximin e librave. Kumbaro u shpreh se ka mbetur e habitur nga mënyra se si moderatorja po interpretonte fjalët e saj.

Në një deklaratë për mediat, ARRSH sqaron se projekti për Unazën është në përputhje të plotë me ligjin, dhe se akuzat e PD janë të pavërteta.

Pasi Gjykata e Apelit për Krimet e Renda dha masën “arrest shtëpie” për dy ish-deputetët e PS-së Arben Ndoka dhe Arben Çuko, një reagim ka ardhur edhe nga Partia Demokratike.

Opozita nuk ishte as sot në seancën plenare të rradhës, por kjo nuk e ndaloi Ministrin e Financave dhe Ekonomisë, Arben Ahmetaj që të replikonte me nënkryetaren e Komisionit të Ekonomisë, Jorida Tabaku, e cila ka deklaruar se shifra që do të shkojë për koncesione është rreth 2 miliadë euro. Ahmetaj nuk e mohoi deklaratën e Tabakut, por tha se është e domosdoshme për përfundimin e veprave infrastrukturore.