POP 5

Lajmet më të lexuara të 5 minutave të fundit

Kultura

60 vite krijimtari në art/ Rrëfehet piktori i 30 filmave, nga ‘Nëntori i dytë’ tek ‘Mao Ce Duni’

Arben Basha rrëfen 60 vite krijimtari artistike. Teksa ndalet puna si piktor filmi para viteve ’90 në ish-Kinostudion “Shqipëria e re”, tregon dhe hapësirën që zënë ngjarjet social-politike të këtyre 30 viteve në tablotë e tij.

60 vite krijimtari artistike piktori Arben Basha i rrëfen përmes tablove në studion e tij pranë Ministrisë së Drejtësisë.

 “Indicet e para për t’u marr me art i kam pasur në kopsht, kur vizatoja një zog apo diçka tjetër. Edukatorja është e para që ka thënë se: Këtë djalë duhet që ta çojmë për art. Nisa shkollën, pastaj liceun artistik. Në ‘69 përfundova Institutin e Lartë të Arteve dhe deri në vitin 1994 punova, si piktor filmi, mbi 30 filma 1993-‘94. Më pas me time shoqe nisa një biznes familjar, si është libraria, punë që më ndihmoi për arsimimin e fëmijëve, por edhe kam lexuar sa për të gjithë jetën time. Më vonë, për shkak të teknologjisë e mbylla si biznes, edhe po i kushtohem pikturës”, rrëfen piktori Arben Basha.

Artisti ndalet tek fillimet në ish- Kinostudion “Shqipëria e re”, ku pasionin për historinë e ka ndërthurur me dashurinë për artet figurative, si piktor i 30 filmave të njohur; si “Nëntori i dytë”, “Përrallë nga e kaluara”, “Zonja nga qyteti”, “Vdekja e Kalit”, “Mao Ce Duni” e shumë të tjerë.

“E vërteta duhet thënë, se piktori i filmit është pjesë e grupit të filmit, ku dirigjenti është regjisori i filmit, ndërsa baza është skenari. Për shumë filma historikë më kërkonin mua, pasi regjisorët kishin vrejtur dëshirën që kisha për historinë. Piktori i filmit vesh ambientin, por këtë nuk e kuptojnë shumë njerëz. Tek “Nëntori i dytë”, ne kemi bërë ardhjen e Ismail Qemalit, krijuam një atmosferë si në 1912-n”, tregon artisti.

Basha, si artist i angazhuar na rikthen përmes tablove të tij dhe tek Lëvizja Studentore në ’90-n, ngjarjet e 97-s, lufta e Kosovës, trazirat në Ballkan, peizazhet e realizuara në mbarë vendi, deri tek tabloja më e fundit, “Arbëri”.

 “Aktualisht kam në duar një vepër që kam muaj që e punoj. Është “Arbëri”, i cili mbron trojet e veta edhe nuk sulmon. Pranë një rrapi të madh me rrënjë pellazgo-ilire. Kjo është puna më e fundit, që unë po bëj”, përfundon piktori.

 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Ergys Mërtiri: Ç'na tregoi më 23 nëntor Altin Dumani?

Ergys Mërtiri: Ç'na tregoi më 23 nëntor Altin Dumani?

24 Nëntor, 08:47 nga Ergys Mërtiri