POP 5

Lajmet më të lexuara të 5 minutave të fundit

Dy kullat, bllokohen dokumentet e ortakëve

"Nuk janë dy, por më shumë banka që kanë depozita të personave të dyshuar". Kështu i është përgjigjur guvernatori Cani pyetjes për implikimin e sistemit tonë bankar në rrjetet e organizatave terrorriste ndërkombëtare.
(24/1/2002) "Nuk janë dy, por më shumë banka që kanë depozita të personave të dyshuar". Kështu i është përgjigjur guvernatori Cani pyetjes për implikimin e sistemit tonë bankar në rrjetet e organizatave terrorriste ndërkombëtare. Sipas tij, nuk është ndonjë çudi apo skandal një gjë e tillë. "Në të gjitha vendet e botës po gjenden llogari të tilla bankare", ka theksuar Cani. Ky është reagimi i Bankës së Shqipërisë, pas informimit të kryeministrit në Kuvend, për gjetjen e llogarive bankare të personave që ishin të implikuar në pastrimin e parave dhe në organizatën terrorriste Al Qaeda. Sipas Canit, janë më shumë se dy banka që kanë llogari të tilla, por nuk ishte kompetencë e tij të publikonte sasinë e parave dhe emrat e bankave që i kanë depozituar ato. Për këtë është ngritur Agjencia e Kontrollit dhe Pastrimit të Parave në Ministrinë e Financave. Kjo e fundit po merret me gjithë procedurat. Por Cani theksoi se Banka e Shqipërisë ka kontakte të vazhdueshme me Uashingtonin. Nga SHBA-ja merren të dhëna dhe më pas kontrollohen llogaritë e personave të caktuar. Vetëm pak kohë më parë Cani theksoi se nga kontrolli i Bankës së Shqipërisë në bankat e nivelit të dytë, nuk ishin vënë re pastrim parash apo qarkullim i jashtëligjshëm parash. Cani e përjashtoi sistemin tonë bankar nga implikimi me paratë e pista. Por, të kundërtën ka thënë sot. Duket se zhvillimet e fundit të informacionit kanë zbuluar edhe në Shqipëri baza të tilla, të cilat merren me pastrimin e parave në ndihmë të organizatave terrorriste ndërkombëtare.

//Shqiptarja.com
  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Veliaj me pensionistët e Njësisë 1: Reforma për sigurimet shoqërore, hap rrugën për pensione më dinjitoze

31 Tetor, 15:17