Aktorët Alfred Trebicka dhe Artan Imami inspektojnë punimet e Teatrit të Ri

Aktorët e mirënjohur të skenës dhe kinemasë, Artan Imami dhe Alfred Trebicka, së bashku me Arben Derhemin dhe Eni Janin, shoqëruan kryebashkiakun Erion Veliaj në inspektimin e punimeve për Teatrin e Ri. Aktorët panë nga afër progresin e bërë dhe vlerësuan punën e kryer deri më tani.

"Ky Teatër është shumë i rëndësishëm, jo vetëm për ne, por për të gjithë brezat që do të vijnë. E kalojmë atë fazën e turpit që nuk kishim një teatër të denjë në një kryeqytet europian. Është një gëzim i veçantë", tha Imami.

LEXO EDHE:
Kremtohet 32 vjetori i fronëzimit të Kryepeshkopit Anastas

Aktori Alfred Trebicka shtoi se Teatri i Ri Kombëtar është një ëndërr që po bëhet realitet.

"Gojët e liga do flasin, që teatri nuk ka për t'u bërë. Por Teatri po bëhet dhe është fantastik. Zakonisht ëndrrat e bukura duan pak kohë që të bëhen realitet dhe jemi drejt asaj rruge", tha Trebicka.

Lajmi kryesor:

Veliaj inspekton punimet te Teatri i Ri: Në 30 muaj po bëjmë atë që humbëm në 30 vjet

SI.E./Shqiptarja.com

TAG:
• teatri kombetar
• Tirane
• erion veliaj