Alba Malltezi: Luca Zaia, veneciani legist shembulli i politikanit të së ardhmes?

Alba Malltezi: Luca Zaia, veneciani legist shembulli i politikanit të së ardhmes?

Luca Zaia guvernator i krahines se Veneto-s

Ndërkohë që “Lega Nord” e Salvinit dhe Umberto Boss-it sa vjen dhe tkurret, guvernatori i krahinës së pasur të Venetos, në verilindje të Italisë, Luca Zaia, i të njëjtës parti të djathtë, fiton përherë e më shumë mbështetje dhe simpati. Si mundet? Zaia është guvernator i kësaj krahine me kryeqendër të mrekullueshmen Venecia, që nga viti 2010, pra 12 vjet rresht e në vazhdim. Eshtë rasti tipik i një politikani që tregon se me karizmën, punën dhe simpatinë e tij mund ta mbajë timonin e një varke që mbush ujë derisa ta çojë atë në breg. Zaia përcjell tek bashkëqytetarët e tij optimizëm dhe qetësi, deri në atë pikës sa nuk kanë gjetur ende një më të mirë që ta zëvendësojë. Dhe në Itali nuk është aq e lehtë, sot italianët mund të të konsiderojnë një “mbret”, ndërsa nesër, gjen veten të varur në sheshin Loreto, apo i vdekur i arratisur në “Marakesh”.

Po cili është sekreti i Luca Zaia-s?

Në të vërtetë, që në titujt e librave të tij kuptohet se me ç’politikan kemi të bëjmë. “Të arsyetojmë”, ishte libri i publikuar gjatë pandemisë, ndërsa këto ditë po promovon “Pesimistët nuk kanë fat” për të kuptuar vetëm në sipërfaqe frymën që sjell si politikan dhe guvernator.

I ftuar në studio televizive, shumë i dashur për gazetarët në përgjithësi e për komikët në veçanti që shpeshherë e thumbojnë, Zaia shpaloset si modeli i politikanit të së tashmes, por edhe të së ardhmes. Atëherë si duhet të jetë ky politikan dhe si është Luca Zaia për zgjedhësit e tij?

E para, është njeri i punës. E gjithë krahina e Venetos shquhet për përkushtimin ndaj punës, për inovacionin, industritë e zhvilluara, artizanatin ekselent, bujqësinë e përparuar dhe vreshtarinë me prodhime verërash të kërkuara nga e gjithë bota. Dhe Luca Zaia e mishëron këtë cilësi.

E dyta, është njeri i fjalës. Premtimet thuhen, por edhe mbahen dhe kur nuk mbahen për arsye të jashtëzakonshme, kërkohet falje me përulësi. Luca Zaia di të kërkojë ndjesë.

E treta, është njeri i arsyes dhe logjikës; që do të thotë se nuk i flet goja, para fakteve dhe para mendjes. Asnjëherë nuk sulmon kundërshtarët me shpifje dhe të pavërteta.

E katërta, përcjell optimizëm dhe në kohë të vështira siç ishte Pandemia veçanërisht për Italinë, vështirësitë sot me luftën në Ukrainë dhe krizën e çmimeve, duke kërkuar zgjidhje dhe vetëm zgjidhje. Libri i fundit “Pesimistët nuk kanë fat”, është një përgjigje ndaj të gjithë atyre që vetëm qahen, shajnë dhe shohin vetëm një fat të zi.

Nëse një politikan shqiptar i mishëron sot këto veti, mund të sigurojë besimin e njerëzve dhe administrimin e vendit i qetë, pa u stresuar të mbledhë vota nga dhuna,  kriminaliteti, administrata, shitblerja, apo të tjera sajime pa kufi.

Luca Zaia guvernator i krahines se Veneto-s

a.m./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A është bërë sa duhet për rininë në vendin tonë?



×

Lajmi i fundit

E shihte gjithmonë të dobët fizikisht, Ten Hag ‘thyen’ heshtjen për Ronaldon: I përket së kaluarës

E shihte gjithmonë të dobët fizikisht, Ten Hag ‘thyen’ heshtjen për Ronaldon: I përket së kaluarës