Alban Daci: Më mirë vetëm se i keq shoqëruar

Marrëveshjet politike duhet të kenë një kuptim, një qëllim dhe mbi të gjitha kërkesat duhet të jenë me këmbë në tokë. 

Disa mendojnë ose më mirë shpresojnë se Basha është në një moment dobësie dhe marrëveshjen politike me të e konceptojnë si marrëdhënie mbi kushte në këndvështrimin e dobësisë së Bashës! 

Basha është ish:

- Ministër i Jashtëm 
- Ministër Transportesh
- Ministër i Brendshëm 
- Kryebashkiak i Tiranës 
- Kryetar i padiskutueshëm i Opozitës 2013-2021

Përtej krizës dhe sulmeve të vazhdueshme politike, Basha është i vetmi me Demokratët Euroatlantike që ka ruajtur të gjitha strukturat në gjithë territorin dhe mbulon çdo qendër votimi! 

Mendoj, se Basha nuk është në një moment dobësie, por në një moment të rritjes politike për shkak të koherencës së vazhdueshme!  Në anën Opozitare, Basha është lideri më i fortë ndërkombëtarisht me peshë të konsiderueshme!  Askush sot nga Opozita nuk ka staturën Ndërkombëtare që ka Basha! 

Askush sot nuk është interlekutor i rëndësishëm ndërkombëtar sa është Basha. Askush sot ndërkombëtarisht nuk ka më shumë akses sa Basha.  Kushdo ka të drejtë të bëjë kualicion me këdo, por nëse para zgjedhjeve nuk duan të bëjnë marrëveshje politike me Bashën, nuk duhet t'a shpresojmë dhe t'a kërkojnë pas zgjedhjeve! 

Basha, do të jetë në zgjedhje me çdo kusht me alternativën e tij e me skuadrën e tij, për të tjerat, le të presim zgjedhjet që nuk janë shumë larg! Basha duhet të hyj në negociata me këdo, por harruar ato që kam shkruar me kartë! Linjën time për PD shpesh nuk e kanë dëgjuar ose nuk e kanë vlerësuar. Optika ime për PD ose Demokratët Euroatlantike është:
- Zhvillimi i një filozofie serioze e të qëndrueshme të djathtës

- Të qëndrojë larg populizmave duke mos bashkëpunuar, sepse kështu i faktorizon mbi kurrizin e saj. Shumë lëvizje politike të qarta populiste, pa bosht ideologjik, por në thelb kanë pushtetin, synojnë të  marrin vota më shumë djathtas, sepse e Djathta nuk ka mundur të ketë një ideologji politike dhe për pasojë nuk ka arritur të ketë elektorat me orientim e identifikim ideologjike

- Populzmat mund të përceptohen si zgjidhje imediate, por shpejt kthehen në establishmente më të rrezikshme nga momenti që mund të marrin pushtetin

- Basha duhet të përfaqësojë linjën klasike institucionale politike. Kriza që ka linja institucionale politike e establishmentit nuk e prek Bashën dhe për fat ky mbetet trashëgimtari i vetëm i një opozitarizmi institucional. 

- Demokratët Euroatlantik duhet të jenë alternativë zgjedhore në këto zgjedhje, por nuk duhet të largohen nga e drejta e tyre legjitime që në një të afërt jo të largët të përfaqësojnë PD, atë PD që i ka munguar realisht të djathtës që nga fillimet e viteve '90 e deri më sot. 

Ka shumë gjasa që Gjykata Kushtetuese t'a rrëzojë këtë Kod Zgjedhor. Megjithatë, Basha ka deklaruar se do të garojë në zgjedhje me lista të hapura. Vendimi i Gjykatës Kushtetuese mund të jetë një risi e rëndësishme në zgjedhjet e 2025. 

Basha nuk ka asgjë të përbashkët me populizmin ose subjektet populiste, qoftë për shkak të historisë politike të tij, por edhe për mënyrën sesi e sheh të ardhmen politike të Shqipërisë. Zgjidhja më e mirë e këshilla më e mirë e Bashës për mundësitë e marrëveshjeve politike para zgjedhore është pikërisht shprehja popullore: Më mirë vetëm, sesa i keq shoqëruar!

S.B/Shqiptarja.com

TAG:
• alban daci
• lulzim basha
• opozita
• gjykata kushtetuese
• Kod Zgjedhor