POP 5

Lajmet më të lexuara të 5 minutave të fundit

Sport

'Anglia më e mira e historisë', Reja s'e bën për të madhe humbjen 5-0: Broja në tribunë sepse ishte i dëmtuar

Trajneri i kombëtares Edi Reja thotë se humbja 5-0 kundër Anglisë nuk duhet bërë dramë. Sipas tij i mposhti kombëtarja më e mirë në histori e ‘tre luanëve’, ndërsa shton se kundër Andorës duhet fituar me patjetër, pasi në të kundërt gjithçka e fituar deri më tani do hidhej në erë.

Kombëtarja do të mbyllë të hënën fushatën kualifikuese të Botërorit kundër Andorës në ‘Air Albania’ në orën 20:45 ku pretendon të marrë fitoren, pasi çdo rezultat tjetër i rrezikon vendin e tretë. Përballë do ketë një kundërshtarë të lehtë në letër, por humbja 5-0 kundër Anglisë ka lënë pasoja te kuqezinjtë.

“Kuptohet që pas humbjes 5-0 morali nuk është i mirë, pork jo ndodhi ndaj Anglisë që ndoshta ka kombëtaren më të mirë në histori. Kundër Andorës duhet të mos hedhim në erë atë që kemi arritur deri më tani,”-deklaroi Reja, trajner i Kombëtares.

Nga ndeshja me Anglinë e deri te kjo me Andorën kombëtarja shqiptare ka pësuar 7 ndryshime në përbërje, por Reja u ndal të shpjegonte edhe situatën me Brojën që të premten u dërgua në tribunë, ndërsa tani nuk ka udhëtuar në Shqipëri me Kombëtaren.

“E lamë në shtëpi, pasi kishte një problem me kaviljen. Mjekët e secilës palë kanë komikuar dhe ne tentuam ta rikuperojmë me Andorën, por vetë Broja si dhe Southampton kërkuan që të rikthehej në klub, pasi dëmtimi nuk kishte kaluar,”-tha italiani.

Ndërkohë sipas mbrojtësit Hysaj kundër Anglisë nuk shkoi vetëm sasia e golave të pësuar.

“Anglia ka lojtarë shumë të mëdhenj, me nivel të lartë, normale që të na vendosin në vështirësi. Gjëja më e keqe që ndodhi ishin golat që pësuam, se ishin 5. U munduam të krijojmë mbrojtje të fortë, por edhe u dëmtuan 2-3 lojtarë direkt,”-tha Hysaj.

Për shkak dëmtimi kundër Andorës mungojnë Kumbulla, Veseli, Bare dhe Broja, ndërsa Gjasula, Cikalleshi dhe Ismajli janë me kartona.

 

Ne.k./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Goni: 14/11/2021 17:17

    Ne ndeshjen e kampinatit boteror u mund edhe brazili me gjermanin me rezultatin 0 me 7

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Putin dhe ëndrra për Ukrainën si një shtet kukull i Moskës! Plani i tij për të pranuar armëpushimin

Putin dhe ëndrra për Ukrainën si një shtet kukull i Moskës! Plani i tij për të pranuar armëpushimin

24 Nëntor, 12:38