POP 5

Lajmet më të lexuara të 5 minutave të fundit

Kronikë

“Arratisja” e prokurorit që futi në ngërç dosjen Shullazi (Kronologjia që solli kaosin)

Prej 72 orësh prokuroria e Krimeve të Rënda është futur në kaos në lidhje me përfaqësimin që akuza duhet ti bëj shtetit në gjyqin ndaj Emiliano Shullazit. Gjithçka ka nisur nga komandimi i Imerajt dhe largimi i mistershëm i Nakucit.

Caktimi i Elisabeta Imerajt si drejtuese e komanduar në prokurorinë e Tiranës dhe largimi 4 javë më pas i prokurorit Eneid Nakuci me një shpjegim për eprorët e tij se është i sëmurë dhe po kurohet jashtë vendit pa treguar se ku, ka futur në kaos prokurorinë e krimeve të rënda në lidhje me përfaqësimin në gjyq të akuzës për dosjen Shullazi.

Sipas burimeve për Report Tv nga prokuroria e krimeve të rënda pak ditë para seancës gjyqësore të shtatorit për dosjen “Shullazi” prokurori Nakuci ka njoftuar me një letër eprorët e tij se ndihej shumë sëmurë dhe po largohej jashtë vendit për t’u kuruar.

Prej atij momenti administrata e krimeve të rënda është munduar të lidhet në telefon me prokurorin Nakuci por ai i ka të fikur edhe dy telefonat celularë. Është pikërisht kjo situatë e krijuar me largimin e Nakucit që pamundësoi zhvillimin normal të seancës dhe përfaqësimin e akuzës në fazën e diskutimeve përfundimtare ku ndodhet proces.

Eneid Nakuci është prokuror Magjistrat dhe prej 2011 ai ka një karrierë të gjatë në sistemin e drejtësisë.

Së fundmi ai ka qenë pjesë e dosjes ndaj Emiliano Shullazit si dhe ka qenë prokuror i cili po hetonte Klement Balilin të cilësuar nga mediat greke si ‘Eskobari Ballkanit’.

Jo vetëm dosja ndaj Shullazit por edhe dosjet e tjera hetimore përfshi dhe atë ndaj Klement Balilit me largimin e Nakucit janë future në ngërc.

Për të zëvendësuar Nakucin eprorja e tij Donika Prela drejtuesja e komanduar tek krimet e rënda ka kërkuar ta zëvendësojë mungesën e tij me short me kolegët e Nakucit që janë në detyrë.

Por ata kanë refuzuar shortin duke argumentuar se si Nakuci dhe Imeraj janë sërish prokuror dhe nuk ka asnjë dokument që vërteton si sëmundjen e Nakucit apo dhe pamundësinë e Imerajt për të përfaqësuar prokurorin në fazën e pretencës në një dosje të hetuar prej saj.

Me këtë argument ata janë ndëshkuar duke u vënë në hetim disiplinorë nga prokuroria e përgjithshme ndërsa mbetet mister fakti se përse nuk ka një hetim disiplinorë për Nakucin i cili në mënyrë të dyshimtë u sëmurë dhe u braktisi punën duke fikur edhe telefonat celularë.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Konjak: 21/09/2018 18:40

    10 hile 1 trimeri.Ky ka qene parimi izgjidhjes se problemeve nga pushtetaret edhe ne te kaluaren.Kur problemi paraqet rrezikshmeri per zgjidhje ,perdoren dhelperine me pseudo justifikime,dhe ja futen ndonje fukarai.

    Përgjigju
  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

2 Nëntor, 17:15