Të ardhurat e kufizuara financiare mund të çojnë në izolim social. Por një bibliotekë në Melburn të Australisë po përpiqet t’i trajtojë këto dy probleme, duke mbledhur ata që duan të mësojnë të gatuajnë dhe ofruar kurse trajnimi për një buxhet të përballueshëm.
Nga jashtë duket si një bibliotekë e zakonshme, por brenda ndodhet një dhomë ku nuk duken librat. Dhjetëra njerëz po mësojnë në atë dhomë. Biblioteka ofron kurse gatimi me kosto të përballueshme përveç një dreke falas në fund të ditës.
Gloria Khoury merr pjesë rregullisht në klasat e trajnimit dhe përveç të mësuarit për të gatuar me një çmim të arsyeshëm, ajo është gjithashtu këtu për të bërë miq të rinj.
“Isha e vetmuar dhe doja të lidhesha me njerëz të tjerë. Ndonjëherë na duhet një vend ku mund të ndërveprojmë me njerëz të tjerë dhe për të kaluar një kohë të mirë së bashku”, thotë zonja Khoury.
Edhe pjesëtarët e tjerë të klasës i vlerësojnë njohjet e reja.
“I largon njerëzit nga izolimi dhe ndihmon tek shëndeti mendor. Kemi një grup vërtet të mirë pjesëmarrësish”, thotë Nigel Pernu, krijuesi i programit “Cook to Connect”.
“Kam takuar shumë njerëz nga vende të ndryshme, gjë që e bën programin shumë interesant”, thotë pjesëmarrësja Wain Wan Lee.
Organizatorët e kursit të gatimit duan që pjesëmarrësit të ndërveprojnë me njëri-tjetrin ndërsa mësojnë gatime të reja. Trajnimi ofron gatimin e ushqimeve të përballueshme ndërsa është rritur kostoja e jetesës.
“Duke patur parasysh situatën aktuale, përpiqemi t’i mësojmë pjesëmarrësit si të gatuajnë ushqime të përballueshme”, thotë zoti Pernu.
“Pasiguria ushqimore është një problem kyç për momentin. Shumë australianë përpiqen të kursejnë çdo dollar që kanë”, thotë dietologia Jane Duyker me programin “Cook to Connect”.
Ky program e trajton çështjen në nivel lokal, por veprimtarët thonë se kjo përpjekje duhet të zgjerohet.
“E drejta për ushqim, për një dietë dinjitoze, të përballueshme dhe të shëndetshme është një e drejtë njerëzore dhe kjo është përgjegjësi e çdo niveli të qeverisjes”, thotë Dr. Olivia Ball, anëtare e asamblesë bashkiake të qytetit të Melburnit./ VOA
Lajme të tjera
-
Australia akuzon vende mike për ndërhyrje nga jashtë
11 Gusht, 15:43 -
Sportisti australian pret gishtin për të marrë pjesë në Lojërat Olimpike të Parisit
26 Korrik, 16:28 -
Assange pranon fajin në gjykatë në shkëmbim të lirisë, niset drejt Australisë
26 Qershor, 08:52 -
Shtatë gola në Australi, Roma mposht 5-2 Milanin
31 Maj, 17:56 -
Rita Ora fshihet pas çantës 26 mijë euroshe, veprimi i këngëtares ndez debat në rrjet
18 Prill, 16:43 -
Identifikohet sulmuesi me thikë në Sidney
14 Prill, 14:37 -
Australi/ Sulm me thikë në një qendër tregtare në Sidnej, vriten 7 persona mes tyre edhe ekzekutuesi
13 Prill, 09:41 -
Rekord nga Verstappen, kampioni i Formula 1 pole-position edhe në Australi
23 Mars, 17:15 -
E konfirmojnë te Ferrari: Në Australi planifikojmë të rikthejmë Carlos Sainz
20 Mars, 20:35 -
Tentoi t’i ikte policisë australiane, i riu bie nga kati i pestë në pishinë! Pamjet e rënda
20 Mars, 07:28 -
Ministrja e Jashtme Australiane martohet me të dashurën
17 Mars, 13:37 -
Australi/ Sekuestrohet 139 kg kokainë e fshehur në autobusin luksoz, arrestohen dy të rinj
5 Shkurt, 11:45
