Asnjë prind nuk mund të justifikojë arsimimin e fëmijëve të tij, sidomos për vajzat. Për rastin e 'babait radikal', Roland Kryemadhi, i cili nuk lejonte fëmijët të shkonin në shkollë, ish-myftiu i Tiranës, Ylli Gurra thotë se ideja që fëmijët i edukon zoti është justifikim i cekët.
Në një intervistë për Report TV, Gurra tha se prindërit nuk janë pronarë të fëmijëve, përkundrazi, sipas tij kanë përgjegjësi t'i arsimojnë ata.
"Nuk ka lidhje me justifikimin që ka përdorur qytetari. Zoti i ka dhënë mundësinë njeriut, për mbi mundësinë i ka dhënë përgjegjshmërinë. Justifikim i cekët pa asnjë vend. Kurani thotë lexo. Aq më tepër për vajzat është dy herë obligative çështja e arsimimit. Është vajza, nëna gruaja e cila sjell botën. Ku është shkruar që janë pronarë të fëmijëve prindërit?! Këtu i iket përgjegjësisë si prindër. Çdo prind ka detyrimin për mirëpërgatitjen për në jetë të fëmijëve. Profeti thotë, përgatitja e brezit tuaj fillon 20 vjet përpara lindjes. Pra prindërit duhet të shikojnë mirearsimimin e fëmijëve 20 vjet më parë. Është përgjegjësi prindërore për fëmijët në përgjithësi, por për vajzat dyfish. Prindi nuk është pronar. Nuk është plaçkë fëmija, aq më tepër vajza. Është përgjegjësi e dyfishtë. Deri në moshë madhore prindi ka përgjegjësinë për ta përgatitur dhe jo për ta përdorur. Kjo nuk ka lidhje me fenë", u shpreh Ylli Gurra.
Sa i takon rastit të përdhunimit të 15-vjeçares në periferi të Tiranës nga roja i shkollës, Gurra tha se është një veprim monstruoz. Ai vlerësoi reagimin qytetar, por tha se ka qenë i përgjumur në të tilla raste. Sipas tij, bashkë me qytetarët duhet të reagojë edhe feja edhe institucionet shtetërore.
"Reagimi i përgjumshëm që ka qenë në rastet e tjera në shoqërinë tonë. Ka qenë një reagim i ngadaltë nga organizmat civilë dhe më pas nga institucionet. Reagimi qytetar është parësor në këto raste sepse vajza e dikujt është vajza e një familje apo komuniteti. Ajo që e bën më të dhimbshëm është rasti i një vajze minorene. Mua më erdhi mirë për pjesëmarrjen e gjerë ku kishte mijëra njerëz. Ishte një reagim i shpejtë i qytetarëve. Kështu që unë nuk mund ta shihja veten jashtë. Reagimi qytetar ka munguar në këto 3 dekada, sidomos në të tilla raste. Mekanizmat ligjore ose janë të vonuar, ose kur vjen çështja te zbatimi ka një ngërç të madh. Edhe në kodin penal duhet të jetë më i ashpër", u shpreh Gurra.
Me përgjegjësi, Gurra bën edhe komunitetet fetare, që sipas tij nuk janë në nivelin e duhur, ndërsa tha se duhet edhe reagim.
"Në aspektin e përgjegjshmërisë ne nuk jemi në nivelin e duhur dhe të kërkuar. Nuk mund të jemi kaq të shkëputur. Pra duhet që përmes mekanizmave të veta, komunitetet fetare duhet që të ketë reagime. Duhet të reagojnë dhe veprojnë së bashku, paralel me institucionet arsimore dhe respektive shtetërore", deklaroi Gurra.
Sipas ish-myftiut të Tiranës, tranzicioni në Shqipëri ka goditur bërthamën familjare, e cila më parë ka qenë shumë e fuqishme.
Komente
Lajme të tjera
-
Përdhunimi i 15-vjeçares në Mirditë nga 5 persona, babai i një prej të akuzuarve padit prokurorin në SPAK: S'ka pasur prova, na ka shkatërruar reputacionin e familjes
10 Mars 2022, 12:30 -
Lushnjë/ Kreu marrëdhënie seksuale me një 11-vjeçare, në pranga 19-vjeçari
2 Nëntor 2021, 15:10 -
Përdhunimi i 15-vjeçares në Mirditë, reagon Yuri Kim: Jo do të thotë jo! Të dënohen abuzuesit
26 Maj 2021, 20:41 -
Përdhunimi i të miturës në Mirditë, do ekzaminohen celularët e vajzës dhe 5 të arrestuarve! 3 të tjerë në monitorim, dyshohen si të përfshirë në ngjarje
26 Maj 2021, 09:49 -
Përdhunimi 15-vjeçares në Mirditë, marrshim në Peshkopi, në mbështetje të vajzës dhe dënimit të fenomenit
22 Maj 2021, 17:03 -
Muaji i Ramazanit, ish myftiu i Tiranës Ylli Gura në Report Tv: Mirëpresim shtyrjen e orës policore
9 Prill 2021, 20:29 -
Përdhunoi mbesën 13 vjeçare, Gjykata e Lushnjes lë në burg 67 vjeçarin (VIDEO)
16 Tetor 2020, 11:50 -
'Mami luajta mendsh'/ Flet nëna e vajzës së abuzuar seksualisht në Pogradec: 46-vjeçarin e dinim njeri të besuar, na doli maskara! E njihnim prej 2 vitesh
13 Shtator 2020, 08:23 -
U mohuan shkollën fëmijëve, çifti në Kamëz dënohen me 3 vite burg! Falet bashkëshortja, do kujdeset për fëmijët
27 Korrik 2020, 15:58
-
Ekskluzive/ Radikali islam refuzoi edhe shkollimin fetar per vajzat, Imami Kalaja: Është me probleme mendore
8 Qershor 2020, 17:28 -
Harta e krimeve seksuale/ 5 qytetet më të rrezikshme në Shqipëri, 20% e përdhunuesve u liruan me kusht në 2019-ën
8 Qershor 2020, 17:08
-
Nuk lejonte fëmijët të shkonin në shkollë/ Lihet në burg babai radikal, avokati: I bindur në pafajsinë e tij, është besimtar (VIDEO)
7 Qershor 2020, 11:46
Zotëri Ylli Gurra mirdita të përshëndes nga Berlini. Jam Katolik, por nuk gjej Fjalë për të, të falenderuar për Schkrimin tënd të zgjuar dhe me Stil, për Llogjikën e mprehtë dhe të shëndoshë që keni. Faleminderit, ju i takoni një Feje që aktualisht në Botën Kristiane nuk ka Emër fort të mir, por më beso të lutem do kisha Dëshirë që Shkrimin tënd ta lexonte çdo Kristian. Ju Zotëri i zbardhni Faqen Fesë Myslymane dhe e bëni atë të ndriçojë me Ngjyrat e saj më të bukura. Unë kam lindur e rritur në Tiranë në mes Shokësh shumë të mirë Myslyman që nuk i harroj kurrë dhe që nga ky Moment unë kam tashmë një Shok të ri dhe ai je ti Ylli Gurra. Faleminderit.
PërgjigjuShkolla Paresore(9 vjecare),eshte e DETYRUESHME me Ligj ne Shqiperi( e kudo ne vendet e Emancipuara e Qytetruara)..Ndryshe Femijen ta heqin nga Shtepia dhe e merr Kujdesi Social Shtetnor!!
PërgjigjuBesimi eshte Sherim! Besimi eshte Jeta me e Bukur e Njeriut. Besimi fetar ne forme e trushplarjes eshte pune e hoxhes,priftit,babaiteqese dhe e tere sketerres antihumane! Yyyyyyt bakalaro,Shemtira, trushplare,antihumane!
Përgjigju