Komisioni i posacëm parlamentar për këtë cështje është mbledhur vetëm 3 herë gjatë këtij viti, dhe, edhe pse do të bënte korrigjime të karakterit teknik dhe jo politik të Kodit, nuk ka marrë asnjë vendim.
Palët janë larg konsensusit për cështjet që kërkojnë secila, gjë që u dëshmua edhe në seancën e djeshme parlamentare. Ndryshimet do të kalojnë na parlament, në rastin më të mirë në janar.
Balla
Bashkëkryetari socialist i komisionit të reformës zgjedhore, Taulant Balla, tha se insiston tek propozimet e tij për depolitizimin e administratës zgjedhore dhe pengimin e vendosjes së flamujve politikë në ambientet publikë në mënyrë abuzive.
“Ka një kërkesë e cila mbështetet nga të gjitha forcat politike në Shqipëri, me përjashtim të Partisë Demokratike, që është depolitizimi i komisioneve zgjedhore.
Nuk ka mbarëvajtje të procesit zgjedhor në Shqipëri, nëse nuk depolitizohen komisionet. Është e papranueshme që partitë vetë votohen, vetë numërojnë votat.
Pozicioni i Partisë Socialiste është shumë i qartë, jemi të gatshëm t'i depolitizojmë komisionet zgjedhore. Nëse doni që të shtatë anëtarët, nëse nuk pranoni të shtatë, të paktën njërin, anëtarin e shtatë për të prishur kontrollin e partive politike nëpër komisione.
Ju kemi propozuar që anëtarin e shtatë të ZAZ-së të mos e emërojë as Partia Socialiste e as Partia Demokratike, por të emërohet në mënyrë të pavarur nga lista e noterëve publikë.
Ka ndonjë njeri në këtë sallë që të mendojë se noterët publikë janë të Partisë Socialiste apo Partisë Socialiste? Jo.”,-tha Balla. Ai u ndal tek financimi i partive dhe sponsorizimi i materialeve promocionale pa kriter.
“Në draftin e sjellë prej nesh, ne duam t'i japim fund historisë që i bën qytetet e Shqipërisë gaz i botës duke i mbuluar nga flamuj. 7 flamuj në një shtyllë, për çdo fushatë zgjedhore. Nuk ka hapsirë reklame në Shqipëri që nuk zihet nga fytyrat dhe banerat e partive politike.
Ne duam t'i heqim fare këto. Ke të drejtë të ekspozosh postera të një madhësie të përcaktuar, siç e ka çdo vend europian 30 me 50 vetëm në hapësirat e përcaktuara me ligj, por jo t'ua nxijnë jetën qytetarëve shqiptarë duke vendosur poshtë çdo ballkoni nga një poster”,-tha Balla.
Ai u shpreh kundër votimit elektronik duke marrë si shembull vetë Amerikën. “U tha këtu dhe u soll si shembull, se në zgjedhjet presidenciale në Amerikë përdoret vetëm numërim elektronik.
Kjo nuk është aspak e vërtetë, pasi vetëm 1/3 e shteteve të Amerikës përdorin këtë metodë. Të gjithë e dimë që rezultati përfundimtar i zgjedhjeve për votat në Amerikë përfundoi tre javë pas zgjedhjeve, dhe ka disa shtete amerikane të cilat janë kundër përdorimit të numërimit elektronik”,-tha Balla.
Megjithëkëtë ai i përsëriti Partisë Demokratike ftesën që të caktojë se në cilin qark ka dëshirë, sipas përcaktimit të Kodit Zgjedhor, të bëhet identifikimi biometrik i votuesve.
Bylykbashi
I menjëhershëm ishte reagimi i bashkëkryetarit për reformën zgjedhore, në lidhje me qëndrimin e Taulant Ballës. Bylykbashi tha se Balla po shkatërron çdo mundësi për konsensus. “Desha t’i kujtoj gjithë sallën, se atë që bën zoti Balla se ka bërë asnjë nga paraardhësit e tij në komisionin e reformës.
Po shkatërron çdo lloj mundësie për konsensus. Ka bërë vetëm deklarata në publik dhe asnjë mbledhje në komision. Me shkrim nga ju ka ardhur një vendim me shkresë për hedhjen e çakmakëve dhe flamujve në fushata zgjedhore.
Nuk keni sjell asgjë që trajton rekomandimet e OSBE-ODIHR. Ftesa ime për ju është që ti lini deklaratat, por të arrijmë kompromis dhe jo në dëm të partive të vogla”, tha Bylykbashi.
dy.b/shqiptarja.com
Lajme të tjera
-
'Krimet me armë të lehta ndodhin kudo por në Shqipëri është më i ashpër' Ambasadori i OSBE-së: Siguria nuk është vetëm përgjegjesi e policisë
20 Nëntor, 17:32
-
Hasani pret kreun e OSBE, zv/kryeministrin e Maltës, ministri: Mbështetje për rrugën tonë drejt BE-së! Borg: Inkurajojmë Shqipërinë për integrim, goditje korrupsionit
13 Nëntor, 10:29 -
Goditja e korrupsionit politik, financimi i partive dhe kufizimi për punësimin e titullarëve pas mbarimit të detyrës! Zbardhen disa nga propozimet në Komisionin e Posaçëm
13 Nëntor, 09:47 -
Mbahet tryeza e parë për Dokumentin Analitik, ekspertët zbulojnë gjetjet dhe rekomandimet për integritetin e administratës publike dhe konsolidimin e shërbimeve digjitale
4 Nëntor, 20:27 -
'Mashkull, femër apo të tjera', OSBE flet për sondazhin: E konsultuam me Kuvendin
29 Tetor, 09:18
-
Fitorja e partisë proruse, Presidentja e Gjeorgjisë thotë se nuk e njeh rezultatin e zgjedhjeve
27 Tetor, 22:27 -
'Mashkull, femër apo të tjera, çfarë gjinie je?', Tritan Shehu denoncon 'sondazhin' e OSBE-së për deputetët: Fyes, refuzoj ta plotësoj
24 Tetor, 20:21 -
Prapaskenat e garës për sekretarin e Përgjithshëm të OSBE, Shqipëria me kandidaturën e Igli Hasanit mund rivalin turk! Si do zgjidhet në Vjenë
26 Shtator, 17:15 -
Pas Celibashit, ambasadori i OSBE-së në Shqipëri takohet me Presidentin Begaj
7 Qershor, 21:05 -
Vota e diasporës/ OSBE: Mbeten vetëm 10 muaj për ta realizuar, e vështirë edhe për vendet e zhvilluara! Partitë të gjejnë marrëveshje sa më shpejt
4 Qershor, 20:59 -
PROFILI/ Merr detyrën kreu i ri i Prezencës së OSBE-së në Shqipëri, Tarran: Pres me padurim të punoj krah partnerëve shqiptarë
22 Maj, 11:51 -
Lufta në Ukrainë/ Moska: Sulmi në Belgorod nga Kievi u krye me armë të furnizuara nga NATO
12 Maj, 16:45
