z

Bardhi i bën thirrje SPAK-ut nga Durrësi: Heto pa vonesë dosjet e blerjes së votave

Sekretari i Përgjithshëm i PD, Gazmend Bardhi pasditen e sotme zhvilloi një takim me strukturat e qarkut Durrës ku kërkoi nga SPAK-u që të hetojë pa vonesë dosjet e blerjes së votave, 339/1 dhe 184.

"Degët e Durrësit, Krujës dhe Shijakut, si askush tjetër, kanë qenë këto 6 vjet nën presionin e tmerrshëm të krimit të organizuar me mbështetje shtetërore.

Demokratët janë përballur me bandat më të rrezikshme që, në bashkëpunim me Edi Ramën, Vangjush Dakon, Artur Bushin, Ilir Ndraxhi, Rrahman Rrahja, Elton Arbana, i kërëconin me bukën e gojës, me heqjen nga puna, me prishjen e biznesit, me sigurinë e familjes.

Dosja 339 na tregoi egërsinë me të cilën pushteti dhe bandat blejnë votat për Edi Ramën. Është detyrë e SPAK-ut të hetojë pa vonesë dosjet e blerjes së votave, 339/1 dhe 184. Ndëshkimi i atyre që kanë vjedhur votat është 1 nga 9 kushtet e Bundestagut për nisjen e negociatave.

I garantova demokratët dhe qytetarët e Durrësit, Krujës dhe Shijakut se sakrifica e tyre nuk ka për të shkuar dëm. Ne jemi bashkë për të punuar derisa të sigurojmë zgjedhje të lira e të ndershme, që votat e shqiptarëve të mos preken nga Edi Rama, Vangjush Dako, Artur Bushi dhe banditët e tyre" deklaroi ai.

d.ba./Shqiptarja.com
  • Sondazhi i ditës:

    Javë e përgjakshme, a duhet të ketë një ligj më të ashpër për vrasjet?

Komento

Komente

  • asl: 18/01/2020 09:18

    Bardhi si duket ka"mbetur pa leke"tani qe kerkon te shqyrtoje shitjen e votave,po dhe sikur zgjedhje te behen po kaluat10%do jete fitore per ju "zoti"Bardhi.

    Përgjigju


×

Lajmi i fundit

John

Fier/ Pamje nga vila 3-katëshe, ku i riu me automatik në dorë kërcënonte të vetëvritej duke terrorizuar familjarët