Basha: Nuk shpëtohen jetët e njerëzve me vendime kuturu! Mungon plani për menaxhimin e pandemisë

Pas takimit me kryetarin e komunës së Dibrës së Madhe në Maqedoninë e Veriut, Hekuran Dukën, në një komunikim për mediat, kryedemokrati Basha vijon me të njëjtën retorikë ndaj qeverisë duke e akuzuar për keqmenaxhimin e situatës së koronavirusit në vend.

Ai përsëriti atë që më parë e kishte shkruar në profilin e tij në Twitter se qeveria atë që e thotë dje, nuk e thotë sot duke iu referuar vendimit për alternimin e mësimit në shkolla.

Sipas Bashës, këto deklarata dëshmojnë se qeveria shqiptare nuk ka një plan për menaxhimin e situatës së koronavirusit në vend. Ndërkohë që më parë kryedemokrati shprehej se duhen kryer mbi 2000 testime, tani që qeveria e ka arritur këtë numër, Basha thotë se duhen kryer 10 fishi i testimeve në raport me të infektuarit.

"Ditën e djeshme Rama deklaroi se shkollat nuk janë vatra infeksioni. Ndërsa deklaroi për mbylljen e pjesshme të tyre. Për këdo që i ka dëgjuar këto deklarata në më pak se 24 orë, është e qartë që Rama ka dështuar  me kontrollin ndaj pandemisë sepse tregon që nuk ka plan. Pa plan nuk e luftojmë dot pandeminë. Nuk mund të shpëtojmë jetë njerëzish me vendime kuturu. Një plan solid për luftën kundër pandemisë fillon me një numër serioz testimesh. Numri i testimeve duhet të jetë gjithëmonë 10 fishi i të infektuarve. Nëse ke 700 të infektuar, nesër duhet të kesh 7000 testime. Duhet të pajisen të gjitha spitalet me mjetet e nevojshme. Nuk ka zgjidhje tjetër përveçse asaj që të vendos në funksion spitalet rajonale. Nëse do të ishin dëgjuar mendimet tona përpara 6 muajsh nuk do të ishim në këtë gjendje kolapsi që ndodhemi sot. Për të fshehur dështimin kemi arritur deri në fshehjen e numrit të viktimave, kjo nuk e fsheh fatkeqësinë. Mjafton të ecësh rrugës, njerëzit janë bërë për të folur me vete për shkak të vështirësive ekonomike dhe për shkak të sëmundjes" - tha Basha.

Gjatë takimit me kryetarin e komunës së Dibrës së Madhe në Maqedoninë e Veriut, Hekuran Dukën, Basha deklaroi se prioritet është përfundimi i Rrugës së Arbërit për të afruar fizikisht Tiranën me Dibrën e Madhe.

Lideri i PD-së shqiptare shtoi se në axhendën e bisedës ishin edhe thellimi i zhvillimit ekonomik, por edhe kulturor të trevës shqiptare.

Më herët gjatë ditës së sotme, ministrja Ogerta Manastirliu deklaroi se Komiteti Teknik i Ekspertëve do t'i propozojë Ministrisë së Arsimit alternimin e mësimit në shkollat në vend. Sipas këtij plani, parashikohet mësimi online dhe në klasa, një javë për secilën metodë.

B.K./E.M./Shqiptarja.com
  • Sondazhi i ditës:

    A ju duken të drejta kritikat e kryeministrit Rama ndaj BE për vaksinën?

Komento

Komente

  • Lui: 26/11/2020 00:54

    Te themi shyqyr qe nuk na ra fati te jeni ju ne pushtet ne kete kohe pandemie se atehere do kuptonim vertete diferencen midis jush dhe ketyre qe jane tani. Jo se keta jane te kulluar, sigurisht dhe keta kane shume te meta. Por krahasuar me ju o Lul, keq me vjen por juve nuk mund t'ua urosh as hasmit te rastiste me ju ne pushtet.. Prandaj dhe shqiptaret ikin, se edhe nese nuk duan me keta qe jane ne qeveri, nuk kane ke te votojne tjeter alternative se ju jeni vec disa palaco qe vec te keqija i keni sjelle ketij kombi!

    Përgjigju
  • Luli: 25/11/2020 20:55

    Pupupupu kush flet per plan

    Përgjigju
  • Mondi: 25/11/2020 19:57

    Lulke po ty kush te genjen qe je i mencur. Ti sje kader per vehten tende jo me per ne qe as te kemi ne hesap se ku ha miza

    Përgjigju
  • Monika: 25/11/2020 19:42

    Ik ore zagar. je me keq se ata qente e rruges qe ushqehen me plehra. Nuk ke per ta marre kurre pushtetin

    Përgjigju
  • Endri: 25/11/2020 19:38

    Cfare taksirati ka ky popull te degjoje kete hajdut qe vetem perrallis?!!

    Përgjigju
    • Genci.: 25/11/2020 21:26

      Do marri hurin qe i takon analfabetik me pasaport Hollandeze

    • Genci: 25/11/2020 21:21

      Do marri hurin qe i takon.



×

Lajmi i fundit

John

Pollo te ‘5 Pyetjet’: Kritikat e Ramës ndaj BE për vaksinën të rrezikshme për vendin! Roli si ndërmjetës mes Greqisë e Turqisë, propagandë