Çështja e Fredi Belerit, kryebashkiakut të zgjedhur të Himarës i cili është arrestuar për blerje votash në Himarë, është kthyer në një çështje të nxehtë diplomatike mes Greqisë dhe Shqipërisë.
I ftuar në studion e emisionit ‘5 pyetjet’ me gazetarin Ilir Babaramo në Report Tv ishte edhe sekretari i Përgjithshëm i OMONIA-s, Marin Suli i cili tha se Fredi Beleri është i burgosur politik i kryeministrit Edi Rama.
“Bashkia ka kryetar, që është i burgosur politik me vullnet të kryeministrit të vendit. Sa herë afrohen seancat gjyqësore, kryeministri del dhe flet nga 4-5 fjali për Belerin. Flet për flagrancë, por Fredi Beleri u arrestua sapo kishte ngrënë bukë” tha ai.
Nga ana tjetër, juristi Shkëlqim Hajdari tha se në rastin e Belerit drejtësia po funksionon dhe shtoi se një shtet aq demokratik si Greqia nuk duhet të bazohet në çështje të tilla duke dëmtuar marrëdhëniet e dy shteteve.
Më tej, juristi pati një debat me Sulin, ku nënkuptoi se Beleri ka shkuar shtëpi më shtëpi duke blerë vota që tashmë OMONIA i konsideron si bamirësi.
“Zotëria ka bërë fushatë shtëpi më shtëpi, ka mbaruar halle, bamirësi. Nuk është vepër penale bamirësia, unë e di. Jam prokuror i vjetër. Kjo është situatë shumë delikate”- u shpreh juristi.
Ndërsa Suli u përgjigj duke e konsideruar gjyqin ndaj Belerit si një “paçavure” pasi dëshmitari sipas tij, ka ndërruar dëshminë në seancë dhe u desh ndërhyrja e prokurores së SPAK për ta treguar këtë.
“Duke parë provat është jo e paragjykuar, por një paçavure. Dëshmitari kyç në çështje ndërroi dëshminë në seancë dhe u detyrua prokurorja që mos e dëgjoni dëshmitarin se kur erdhi në SPAK nuk ka dhënë këtë përgjigje dhe ky njeriu që është dënuar tre katër herë”- tha Suli i cili në përfundim të fjalës së tij u shpreh i bindur se Beleri do të drejtojë bashkinë e Himarës për 4 vitet e ardhshme.
Fredi Beleri u arrestua në ambientet e një lokali në Himarë, vetëm 2 ditë para zgjedhjeve lokale të 14 majit 2023, pasi u kap në flagrancë bashkë më bashkëpunëtorin e tij Pandeli Kokaveshi duke blerë vota. Sa i takon betimit të tij si kryebashkiak i Himarës, Gjykata e Lartë nxori përfundimin se vendimi i takon Gjykatës së Posaçme kundër Korrupsionit dhe Krimit të Organizuar. Lidhur me 'kërcënimet' e Greqisë përsa i takon çështjes së Belerit, pati edhe një përgjigjie nga Gjermania që i bëri thirrje Athinës zyrtare që të mos pengojë integrimin e Shqipërisë në BE.
Lajme të tjera
-
Rama në Selanik/ Elezi: E përdor nacionalizmin si mjet për votën e diasporës! Bala: Oksigjeni i Greqisë për pretendimet në Shqipëri është opozita
5 Nëntor, 17:24 -
‘Studio Live’, vizita e Ramës në Selanik, Llalla: Vorio-Epiri jo term i vdekur, Greqia ka ende aktiv Ligjin e Luftës! Beleri dhe Dule kërkojnë ngritjen e statujës së ‘motrës epiriote’ në Athinë
4 Nëntor, 19:32 -
Pas takimit me shqiptarët në Selanik, Rama për mediat greke: Keqinformim për pronat në Himarë! Keqardhje për zhurmën 'Beleri'! Asnjë problem për të forcuar marrëdhëniet me Greqinë
4 Nëntor, 15:18 -
Dritan Hila: Mësimi që na dha Fred Beleri!
1 Nëntor, 11:58
-
Ylli Pata: Shuplaka e europarlamentarëve ndaj Gazment Bardhit, kur BE flet shqip
30 Tetor, 21:16
-
Himarën e fitoi duke bërë fushatë me PD në gjuhën shqipe, por në takimin e eurodeputetëve Beleri vë kufje për të dëgjuar Ina Zhupën me përkthim! Ka harruar gjuhën?
30 Tetor, 18:36 -
Zbardhen Amendamentet që PS-ja i pranoi Fredi Belerit! Të parat u aprovuan, 3 të fundit u riformuluan me bashkëdakordësi, por PD refuzoi
30 Tetor, 15:48 -
Berisha mori në mbrojtje Belerin, mbështetësit komentues e 'masakrojnë' në FB: Turp, ai është antishqiptar, po gërryeni PD-në me mbrojtjen e tij!
30 Tetor, 15:05 -
Hodhi kos e vezë drejt Fredi Belerit, shoqërohet në polici qytetari
30 Tetor, 12:10 -
I hodhën kos e vezë/ Greqia merr në mbrojtje Fredi Belerin: Shqipëria të garantojë sigurinë për eurodeputetët! Shoqërohet në polici njeriu që e goditi
30 Tetor, 11:38 -
Artan Lame: S'bëhet shteti me Avni Rustem a me Vasil Laç
30 Tetor, 09:23
-
Mero Baze: Opozita duhet të gjej udhëheqës të tjerë, jo popull tjetër
30 Tetor, 07:22
