Beni i "Kafazit të Artë" fytyra që
fshihet pas faqes që sulmon VIP-at?!

Një titull i tillë mund të shkaktojë të qeshura për vetë situatat që sjell ndërmend "Kafazi i Artë'. Arben Kasemi i njohur kryesisht si 'Beni i Kafazit' mbahet mend për debatet me Alban Rexhën, që njihet si 'Ujku' i famshëm. 

Pas vitesh të tëra larg vëmendjes mediatike, Beni është kthyer në mënyrën më të...çuditshme. Ai postoi ditën e djeshme në status në Facebook, ku bëri një deklaratë mbi të gjitha të guximshme! E cilësojmë si të tillë pasi faqja që demaskon VIP-at në Instagram dhe i publikon foto para dhe pas ndërhyrjeve estetike, ka marrë një sërë kërcënimesh nga personazhet publike 'viktima'. 

Dhe Beni i famshëm, ka pranuar autorësinë! Nuk e dimë nëse diçka e tillë është e vërtetë apo Beni po kërkon përsëri vëmendjen e publikut, pasi statusi është fshirë nga llogaria e tij në Facebook. Personi që fshihet pas asaj llogarie duket që ka mjaft njohuri për ndërhyrjet estetike dhe është përfytyruar gjithnjë si femër.
 

Redaksia Online
(m.p/shqiptarja.com)