POP 5

Lajmet më të lexuara të 5 minutave të fundit

Politikë

Lajme nga emisionet

Berisha në SPAK, Doçi: Protestë për hall personal, presion që të mos mbyllet dosja e 21 janarit e Gërdecit! Beqiri: Ka mbetur me 20 anëtarë të organizatës kriminale

Ish-kryeministri Sali Berisha u paraqit sot në SPAK për masën detyrim paraqitjeje për aferën Partizani. I ftuar në Report Tv, gazetari Adriatik Doçi komenton edhe protestën e Berishës para SPAK me një grusht militantësh.

Ish-kryeministri Sali Berisha u paraqit sot në SPAK për masën detyrim paraqitjeje për aferën Partizani. I ftuar në Report Tv, gazetari Adriatik Doçi komenton edhe protestën e Berishës para SPAK me një grusht militantësh. Në emisionin ‘Studio Live’ me gazetarin Arbër Hitaj, Doçi thotë se kjo protestë është një përpjekje e dëshpëruar për të mbuluar hallin familjar të Berishës.

Sipas Doçit, është presion që po i bëhet SPAK për shkak të dy dosjeve që ka në dorë për familjen Berisha, 21 janarin dhe Gërdecin.

“Protestë diskredituese për opozitën që reflekton për mua dy gjëra, së pari një hall familjar të Berishës për shkak të dosjeve që ka në SPAK dhe dosjet e tjera që janë nën hetim, por edhe për të justifikuar, për të krijuar një lloj atmosfere negative para zgjedhjeve për të justifikuar atë që do ndodhë më 11 maj. Protestohet për një vendim gjykate e cila ka rikthyer një masë sigurie, detyrim paraqitjeje për Berishën, i cili nuk zbatonte se mendonte se është në kundërshtim me Kushtetutën. Gjykata Kushtetuese i ka dhënë përgjigje dhe i ka thënë nuk është në kundërshtim me kushtetutën. Gjyqtari Pëllumbi që ka dënuar zyrtarë të PS, Tahirin, Felajn dhe është vlerësuar nga kjo opozitë për ato vendime, ka reflektuar thjesht vendimin e Gjykatës Kushtetuese.

Unë besoj se është një presion që i bëhet SPAK-ut për shkak të dosjeve që ka SPAK në dorë për familjen Berisha dhe bashkëpunëtorët e tij në PD, duke përfshirë disa deputetë dhe ish-deputetë. Hetimet janë thelluar edhe për Nokën dhe Këlliçin, i cili ishte kandidati për Tiranën dhe humbi me 60 mijë vota. Kjo protestë është bërë për hallin e tij familjar, sepse në SPAK janë dy dosje shumë të nxehta që janë gur prove për SPAK: 21 Janari dhe Gërdeci.

Presion që po i bëhet SPAK për të mos finalizuar këto dosje të tjera të rënda. Protagonistët kryesorë të kësaj skeme janë Shkëlzen Berisha dhe Sali Berisha. Janë dy vendimmarrje të forta nëse do të kemi persona që do të merren në akuzë për Gërdecin dhe 21 Janarin", tha Doçi.

Nga ana tjetër, avokati Idajet Beqiri e quajti Berishën një figurë pa dinjitet dhe personalitet. Sipas tij, Berisha ka mbetur me 20 persona nga organizatat kriminale, që i përdor për presion ndaj drejtësisë.

“Pa pikë dinjiteti, pa pikë personaliteti, si një kone që shkon dhe i lëpihet oficeres së policisë gjyqësore. A ka karakter ky njeri? Kur pozicionohesh diku dhe thua se detyrimi për paraqitje nuk ekzekutohet se është në kundërshti me ligjin, pastaj të shkosh e të lëpish atë që pështyve, çfarë përfaqëson ti në këtë mes? Ti je një dele që bindesh vetë dhe shkon me vrap. Kemi të bëjmë me një njeri qesharak. Vrau, vodhi, shkatërroi dhe dogji Shqipërinë. Një njeri i tillë, edhe pse është katandisur me 20 veta të organizatës kriminale, përfshin njerëz të dënuar për trafik droge dhe kokainë. Mafia e tij, me ata që ka bërë krime, mendon se mund të bëjë përsëri krime me ta. Kemi të bëjmë me një të perënduar, dhe Shqipëria, bashkë me shqiptarët, duan më në fund që 11 maji t’i japë fund këtij kapitulli”, tha Beqiri.

SI.E./I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Media greke: Dritan Rexhepi, shqiptari që ndërtoi kartelin e kokainës, nga ‘investitori’ grek në ‘Escobarin’ e ri të perandorisë së drogës

Media greke: Dritan Rexhepi, shqiptari që ndërtoi kartelin e kokainës, nga ‘investitori’ grek në ‘Escobarin’ e ri të perandorisë së drogës

7 Janar, 23:01