POP 5

Lajmet më të lexuara të 5 minutave të fundit

Kronikë

Bie vendimi i Fatmira Hajdarit
"Ben Qimja" mbetet në qeli

Arben Isufaj do vijojë të qëndrojë në burg deri në përfundim të procesit gjyqësor për miratimin ose jo të kërkesës së ekstradimit në Itali.
Bie vendimi i Fatmira Hajdarit<br />
TIRANE- Arben Isufaj do vijojë të qëndrojë në burg deri në përfundim të procesit gjyqësor për miratimin ose jo të kërkesës së ekstradimit në Itali. Vendimi për lënin në burg të Isufajt, i cili njihet ndryshe me nofkën “Ben Qimja” është marrë gjatë seancës së djeshme nga gjyqtari Neritan Cena, i cili pranoi kërkesën e prokurorit të Tiranës, për ndryshimin e masës së sigurisë të të arrestuarit, pasi kishte mbërritur nga Italia kërkesa për ekstradimin e të ndaluarit.

Nga ana tjetër avokati Ardian Visha, ka kundërshtuar kërkesën e prokurorit, duke pohuar se nuk ishte e mbështetur në ligj, për shkak se disa ditë më parë Gjykata e Apelit, kishte vendosur një masë sigurimi për Arben Isufaj dhe nisur nga kjo situatë nuk mundet që ky vendim të mos ketë efekt juridik, duke u rrëzuar nga një vendim i një gjykate të një niveli më të ulët. Mirëpo pavarësisht pretendimeve nga mbrojtja, gjyqtari Neritan Cena, ka vendosur të pranojë kërkesën e prokurorisë, duke caktuar masën e arrestit në burg për biznesmenin Arben Isufaj.

Ekstradimi
Në një kohë kur gjykata kishte vendosur masën e sigurisë “arrest me burg”, disa orë më pas në gjykatën e Tiranës është hapur dhe procesi gjyqësor për çështjen e ekstradimit të Isufajt në Itali. Avokati mbrojtës, i kërkoi gjyqtares Fatime Decolli 7 ditë afat për t’u njohur me dosjen e ardhur nga Italia, kërkesë e cila është pranuar nga gjykata. Sipas burimeve të prokurorisë, dosja penale bën fjalë për aktivitetin kriminal që Ben Qimja ka pasur në Itali, ku ka trafikuar drogë dhe ka qënë pjesë e një organizate kriminale. Sipas akuzës momentalisht Arben Isufaj është në fazën e gjykimit në shkallën e parë, dhe se drejtësia italiane kishte lëshuar urdhërin e arrestit ndërkombëtar. Momentalisht biznesmeni Arben Isufaj, nuk rezulton i dënuar në Itali.

Vrasja e Koçiut
Në vitin 2002, 12 vjet më parë, në një ditë të nxehtë gushti, në rrugën "Him Kolli" Tiranë, dy persona kanë qëlluar me armë ndaj Pirro Kociut, i cili sapo kishte zbritur nga shtëpia që kishte marrë me qira dhe jetonte. Shtatë plumba janë lëshuar mbi viktimën Pirro Koçiu, në mesditën e 12 gushtit të vitit 2002. Për këtë vrasje, policia nuk kishte autor, derisa gjeti prova për të arrestuar Isufin.

Ky i fundit është arrestuar pasi në një gëzhojë të gjendur në vendin e ngjarjes gjatë ekspertimit në laboratorin shkencor është konstatuar një gjurmë gishti, që nga krahasimet sipas konkluzionit kishte ngjashmëri me gishtat e dorës së Arben Isufit. Për këtë ngjarje vendimi për lirimin e Isufaj në 2009 është marë nga gjyqtarja Fatmira Hajdari, e cila një javë më parë sërisht u zgjodh të gjykojë dosjen e Isufajt, duke i ulur me 10 ditë masën e qëndrimit në qeli, duke bërë që në 9 prill Isufaj të linte ambjentet e burgut.

Shkrimi u publikua sot (8.04.2014) në gazetën Shqiptarja.com (print)

Redaksia Online
(d.a/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça