POP 5

Lajmet më të lexuara të 5 minutave të fundit

Politikë

Bllokimi i pasaportës së Tahirit
avokati apelon vendimin

Pas vendimit të gjykatës së shkallës së parë të Krimeve të Rënda, për bllokimin e pasaportës së Saimir Tahirit me argumentimin se ky i fundit mund të largohet jashtë Shqipërisë, avokati mbrojtës Maks Haxhia ka ankimuar këtë të hënë vendimin e gjykatës.  VIDEO
Bllokimi i pasaportës së Tahirit<br />avokati apelon vendimin<br>
Tre ditë pasi u njoh zyrtarisht me vendimin e gjykatëses Liliana Baku e cila i bllokoi pasaportën dhe kartën e identitetit, ish ministri Saimir Tahiri apelon vendimin duke kërkuar heqjen e kësaj masa.

Report Tv zbardh ankimin e depozituar në gjykatë, ku avokati i Tahirit argumenton se ish ministri është i gatshëm të përballet me drejtësinë dhe s’ka ndërmend të largohet nga Shqipëria.

Ish ministri i brendshëm Saimir Tahiri apelon vendimin e gjyqtares Liliana Baku që pak ditë më parë i bllokoi pasaportën, kartën e identitetit dhe vendosi ndaj tij masën e sigurisë për të mos dalë jashtë vendit.

Report Tv ka siguruar një faksimile të ankimi depozituar këtë të hënë pranë gjykatës së krimeve të rënda ku në 10 faqe avokati i Tahirit, Maks Haxhija argumenton se përse duhet rrëzuar kjo masë.

Sipas argumenteve të Haxhiajt, Tahiri nuk është person i rrezikshëm, nuk kërkon ti shmanget hetimit, nuk ka asnjë akses në provat apo hetimet që po kryen prokuroria dhe është i hapur për të qenë përballë drejtësisë sa herë i kërkohet”.

Më 15 dhjetor 2017 ish ministri Tahiri u njoh zyrtarisht me vendimin e gjykatës që i bllokonte pasaportën ndërsa në seancën gjyqësore ai deklaroi se nuk ka asnjë problem me daljen jashtë vendit dhe ishte i gatshëm të qëndronte dhe në burg, por kundërshtonte principin mbi të cilin kishte vepruar gjykata pa asnjë provë të re.

Tahiri është duke u hetuar me dyshimet për korrupsion, shpërdorim detyre dhe trafik narkotikësh në kuadër të një grupi të strukturuar kriminal të drejtuar nga Moisi Habilaj.

Ky apel i Tahirit vjen një ditë pas mbylljes së hetimeve nga prokuroria italiane e Catanias ku emri i ish ministrit nuk përfshihet në asnjë rresht në materialin hetimorë ndërsa aktiviteti kriminal i trafikimit të 20 milion euro i faturohet 15 të dyshuarve mes tyre dhe Moisi Habilajt.

Redaksia Online
Xh.F/Shqiptarja.com


ankimimi saimir tahirit

(Ankimimi në Apelin e Krimeve të Rënda)

Redaksia Online
Xh.F/Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

BBC: Si u kthye Donald Trump nga humnera politike?

BBC: Si u kthye Donald Trump nga humnera politike?

2 Nëntor, 13:10