POP 5

Lajmet më të lexuara të 5 minutave të fundit

Politikë

Cakaj: DASH jo raport destabilizues! Që kemi kanabis nuk është e fshehtë kozmike

Ministri i jashtëm në detyrë Gent Cakaj pranon problemet e Shqipërisë me drogën dhe korrupsionin nënvizuar në raportin e DASH, por thotë se dokumenti nuk është skandalizues, dhe se nuk do të dëmtojë negociatat.

Qeveria zgjodhi ministrin e jashtëm në detyrë Gent Cakaj për të analizuar përfundimet e raportit të DASH, i cili e cilësonte Shqipërinë si një vend origjine dhe transiti në rritje për drogën dhe me zyrtarë të korruptuar.

 “Nuk është e fshehtë kozmike që jemi një vend origjine për kanabisin. Korrupsioni në vendin tonë është fakt i pamohueshëm, dhe i takon kësaj qeverie të marrë përgjegjësitë”, tha Cakaj.

Pas pranimit të këtyre fakteve, mëkëmbësi i Ramës tek Ministria e Jashtme evidentoi në raport vlerësimet për qeverinë, në luftën ndaj drogës dhe reformën në drejtësi,

 “Ky raport nuk duhet të bëjë një arsye për skandalizim. Shqipëria e sotme nuk është ajo e 2013”, u shpreh ministri në detyrë.

Pyetjes së Report TV se si do ndikojë ky raport tek vendet evropiane skeptike për vendimin për negociatat në qershor, Cakaj u përgjigj:  “Ky raport nuk është arsye për bllokimin e negociatave. Vendimi do të merret bazuar mbi progres raportin e Komisionit Evropian”

G.M.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Jubileu 2025, Papa Françesku hap derën e shenjtë në burg

Jubileu 2025, Papa Françesku hap derën e shenjtë në burg

26 Dhjetor, 14:42