Pretendimet e Spahos lidhem me filmimet dhe dëshmitë e tre të plagosurve në atë miting ku tregohet qartë që veç personave që janë shpallur në kërkim, autor kryesor i sulmit të dhunshëm është Berti Hoxha.
“Policia është bërë pjesë e këtij skenari me qëndrimin mbrojtës ndaj autorit kryesor i cili nuk u ndalua megjithë kallzimin e bërë dhe dëshmitë e dëshmitarëve okularë në vendngjarje”, u shpreh Spaho, teksa theksoi se autorët e incidentit janë parë të marrin pjesë në takimet elektorale të kandidatit të mazhorancës, Vangjush Dako. Por ky nuk ishte i vetmi incident elektoral i ndodhur në qytetin e Durrësit para zgjedhjeve të 21 qershorit. Por çfarë fshihet pas incidenteve elektorale dhe sa prej tyre janë të stisura politikisht?
Kur është shënuar incidenti i parë elektoral në prag të zgjedhjeve të 21 qeshorit?
Megjithëse fushata zgjedhore sipas afateve të përcaktuara në ligj dhe të bëra publike nga Komisioni Qëndror i Zgjedhjeve, kanidatët e shapallur nga partitë politike nisëm menjëherë fushatën. Përcaktimi i kandidatëve nxorri në pah edhe bashkitë në cilat gara elektorale do të ishte më e fortë për shkak të emrave të pëcaktuar, ashtu siç ndodhi në Bashkinë e Durrësit. Në datën 2 maj kur duheshin edhe 20 ditë për të nisur zyrtarisht fushata zgjedhore, militantë të Partisë Socialiste dhe ata të Partisë Demokratike u konfruntuan mes tyre gjatë një mitingu elektoral të kandidates demokrate Grida Duma.
Demokratët dolën menjëherë në deklaratë në të cilin shprehnin indinjatën e tyre për provokim nga të majtët, fakt të cilin e vërtetuan edhe përmes pamjeve filmike. Provokimi i të rinjve socialistë kishte ardhur përmes lëvizjes me shpejtësi me makinë dhe publikimit të simboleve të Partisë Socialiste gjatë kohës që kandidatja demokrate ishte në mitingun e saj elektoral. Policia ndaloi autorët e ngjarjes, ndërkohë që Partia Demokratike bëri përgjegjëse për këtë akt mazhorancën e cila sipas tyre pas shtimit të zgjedhësve në mënyrë fiktive në Durrës po tentonte dhunimin e opozitës
Çfarë ndodhi pas incidentit të Durrësit dhe çfarë qëndrimi mbajti opozita?
Kur nuk ishte harruar ende incidenti elektoral i ndodhur në Durrës, opozita denoncon një tjetër rast dhune. Këtë herë bëhej fjalë për sulmin ndaj kryetarit të Partisë Demokratike, Lulzim Basha. Gjatë prezantimit të kandidatit të opozitës në mbrëmjen e 6 majit në Ersekë, një person tentoi të godiste me karrige kryetarin demokrat Lulzim Basha. Nga kjo ngjarje ngeli i plagosur, ndërkohë që zhurma mediatike që prodhoi ngjarja ishte shumë herë më e madhe për shkak se ishte tentuar të goditej kryetari i opozitës.
Të enjten e 7 majit në seancë pleanare, kreu i grupit parlamantar të PD-së, Edi Paloka e quajti incidentin elektoral të urdhëruar mbase dhe të paguar për të sulmuar kryetarin e PD-së Lulzim Basha. Sipas Palokës vërtetimi se akti ishte i orkestruar nga Rama u vërtetua përmes heshtjes së kryeministrit. PD publikoi foto të autorit të ngjarjes, i cili shfaqej me flamuj të rilindjes dhe për më tepër me deputetin socialist Pandeli Majko.
Edhe në këtë rast, autori u ndalua nga policia ndërkohë që kryetari i Kuvendit Ilir Meta i bëri thirrje prokurorisë të nisë hetimet për ngjarjen. Pa u mbyllur incidenti elektoral me kryetarin e PD-së Basha, opozita denoncoi një tjetër rast në Shkodër. Partisë Demokratike e Shkodrës denoncoi vjedhjen gjatë orëve të natës të zyrave numër 5 të saj. Sipas demomokratëve u vodhën një sërë dokumentesh të rëndësishme zgjedhore dhe kompjuteri që kjo forcë politike kishte në zyrë.
Cili është incidenti më i rëndë elektoral i ndodhur deri tani?
Zyrtarizimi i nisjes së fushatës zgjedhore në 22 maj 2015 u shoqërua edhe me incidentin më të rëndë të këtyre zgjedhjeve. Një inspektor policie në Vaun e Dejës, qëlloi me armë vëllain e kandidatit të djathtë Zef Hila për këtë bashki Fred Hila.
Policia e Shtetit mori masën e pezullimit menjëherë për efektivin Gjergj Todani. Kryetari i grupit parlamentar të PD-së, Edi Paloka i bëri thirrje menjëherë misionit të OSBE-ODIHR, dhe përfaqësive diplomatike të BE-së dhe SHBA-së për monitorimin e asaj që ai e konsideroi përshkallëzim të dhunës dhe terrorit qeveritar ndaj opozitës. Në të njëjtën kohë PD kërkoi nga organet e drejtësisë nisjen e hetimeve për të dhënë dënimin e merituar për urdhëruesit e dhunës policore.
Cili përfaqsues i mazhorancës ka reaguar për incidentet dhe si i ka përcjellë opozita te ndërkombëtarët?
Përfaqsuesit e mazhorancës pak kanë reaguar lidhur me incidentet e ndodhura në prag apo gjatë nisjes zyrtare të fushatës elektorale për zgjedhjet e 21 qershorit. Megjithë denoncimet e vazhdueshme nga opozita, i vetmi që ka zgjedhur të reagojë lidhur për këto episode të ndodhura ka qenë kryetari i Kuvendit, Ilir Meta. Lidhur me atë që ndodhi në Vaun e Dejës, Meta dënoi aktin dhe i kërkoi organeve kompetente të zbardhin ngjarjen.
Por përfaqsues të mazhorancës shpesh i kanë konsideruar si të stisusara këto incidente, duke pretenduar se opozita nëpërmjet tyre kërkon të paraqesë një gjendje pasigurie në prag të zgjedhjeve vendore, duke i paraprirë një rezultati të dobët që pret të marrë në zgjedhje. Ndërkohë kryetari i opozitës Lulzim Basha, gjatë një takimi të zhvilluar këtë të hënë me kryesuesen e misionit të vëshgimit të zgjedhjeve në Shqipëri, Audry Glover, shprehu shqetësimin e tij për cënimin dhe vënien në rrezik të standardeteve të zgjedhjeve nga dyshja Rama-Meta.
Sipas kryetarit të opozitës, mazhoranca ka nisur të ngrejë skemën e manipulimit të votave, duke u bërë presion të hapur drejtorëve te administratës publike, për të blerë votat dhe për të marrë vota me çdo mënyrë. Gjatë takimit me kryesuesen e misionit të OSBE-ODHIR, kryedemokrati Basha përcolli edhe shqetësimet për dhunën policore dhe presioni ndaj disa kandidatëve, të cilat sipas tij janë shembull i keq i përdorimit politik nga qeveria të Policisë së Shtetit.
Çfarë paralajmëroi opozita përpara se të pranonte vendimin e Gjykatës Kushtetuese për hartën e re territoriale?
Partia Demokratike paralajmëroi se do të bojkotonte zgjedhjet 2 ditë përpara se Gjykata Kushtetuese të merrte vendimin për ta konsideruar kushteutese hartën e re me 61 njësi të miratuar nga qeveria. Megjithatë nga reagimet e ndërkombëtarëve dhe konsultat me aleatët demokratët u tërhoqën nga vendim ekstrem. Incidentetët e ndodhura së fundmi të cilat të gjitha kanë pasur si pjesë të dëmtuar opozitën, shihen me skepticizëm nga mazhoranca e cila i konsideron ato një “këmbanë alarmi” që opozita po tund para zgjedhjeve për të paralajmëruar humbjen.
Përfaqsues të së majtës e konsiderojnë “viktimizimin” e opozitës një realitet që bëhet jo vetëm për të justifikuar humbjen përpara elektoratit të djathtë por edhe për të krijuar një realitet tjetër përpara ndërkombëtarëve. Për këtë fakt, kryetari i Kuvendit Meta gjatë takimit me kryesuesen e misionit të vëshgimit të zgjedhjeve në Shqipëri, Audry Glover kërkoi që të shtohej numri i vëzhguesve në çdo qendër votimi për të siguruar zgjedhje të ndershme.
Shkrimi u botua në Shqiptarja.com (print) në 30 Maj 2015
Redaksia Online
(d.a/shqiptarja.com)
Lajme të tjera
-
Zgjedhjet 2025, ambasadori i OSBE: Thelbësore, liria e zgjedhjes pa frikë! Hetoni presionet dhe shkeljet e fshehtësisë së votës! Celibashi: Partitë të pranojnë problemin
11 Dhjetor, 11:00 -
Numërimi i votave, Celibashi: S’është koha që partitë të ikin! PD kundër numëruesve që vijnë nga administrata: Katastrofale
10 Dhjetor, 15:29
-
Zgjedhjet 2025/ Komisioni i Venecias: Punoni të jenë të lira, OSBE: Depolitizoni administratën zgjedhore! Celibashi: Do të sillte mosnjohje rezultati
10 Dhjetor, 10:23 -
Shqipëri, shqetësim transparenca e financimit në zgjedhje
9 Dhjetor, 20:38 -
OSBE trajnon gjyqtarët dhe prokurorët e ardhshëm mbi trafikimin e qenieve njerëzore
6 Dhjetor, 14:15 -
Përjashtimi i Berishës nga Grupi Parlamentar i PD-së, Lulzim Basha: Vendimi ishte i drejtë, do ta merrja sërish
5 Dhjetor, 20:11 -
OSBE, trajnim punonjësve të Burgjeve për standardet e të drejtave të njeriut
22 Nëntor, 15:44 -
'Krimet me armë të lehta ndodhin kudo por në Shqipëri është më i ashpër' Ambasadori i OSBE-së: Siguria nuk është vetëm përgjegjesi e policisë
20 Nëntor, 17:32
-
Hasani pret kreun e OSBE, zv/kryeministrin e Maltës, ministri: Mbështetje për rrugën tonë drejt BE-së! Borg: Inkurajojmë Shqipërinë për integrim, goditje korrupsionit
13 Nëntor, 10:29 -
Goditja e korrupsionit politik, financimi i partive dhe kufizimi për punësimin e titullarëve pas mbarimit të detyrës! Zbardhen disa nga propozimet në Komisionin e Posaçëm
13 Nëntor, 09:47 -
Mbahet tryeza e parë për Dokumentin Analitik, ekspertët zbulojnë gjetjet dhe rekomandimet për integritetin e administratës publike dhe konsolidimin e shërbimeve digjitale
4 Nëntor, 20:27 -
'Mashkull, femër apo të tjera', OSBE flet për sondazhin: E konsultuam me Kuvendin
29 Tetor, 09:18
