Gazetari i familjes Berisha-Meta, Çlirim Peka, thotë se Lulzim Basha i ka treguar vendin dje ambasadores amerikane në Shqipëri, Yuri Kim. Sipas tij, ai ka zhvilluar një telefonatë të ashpër me të, duke i thënë se nuk është Lul Basha, por kryetar i opozitës.

“Ka pasur një bisedë të fortë nga kryetari i opozitës Basha dhe ambasadores amerikane, Yuri Kim. Bisedë me tonë shumë të ashpra. Burime e mia bëjnë me dije se zoti Basha i ka bërë me dije ambasdores se ‘unë nuk jam Luli Basha, por jam kryetari i opozitës. Nëse vazhdoni të jeni në lojë me Ramën, vazhdoni me të’.

Një bisedë e ndërtuar me shumë si pretencë. Vetëm pas kësaj bisede kemi takimin me Këshillin Politik. Opozita dje bëri një ofertë për takim. Deri në momentin e kësaj telefonate nuk ka pasur asnjë axhendë për takim,” thotë Çlirim Peka.

Ambasadorja amerikane Yuri Kim ka reaguar ndaj deklaratave të gazetarit: “Kjo është e pakuptimtë. Ai më quan “Yuri” dhe unë e quaj “Luli”. Pse? Sepse ne jemi kolegë dhe miq” shkruan ambasadorja amerikane ne twitter.