Covid, 450 viktima në 24 orët e fundit. Ditë lehtësuese në Britaninë e Madhe

Britania shënoi sot një ditë pozitive në lidhje me numrin e vdekjeve dhe të të infektuarve nga COVID-19.

Në 24 orët e fundit u shënuan 450 viktima ku në total janë 14,829 të vdekur.

Ky është bilanci më i ulët që prej datës 6 prill në vendin ishullor.

Në Angli u shënuan 429 viktima, 12 në Skoci dhe 9 në Uells. Ndërsa Irlanda e Veriut nuk e ka publikuar ende bilancin ditor.

Ndërsa numri i të infektuarve në të gjithë territorin ka shkuar mbi 120 mijë ka pasur dhe përplasje mes qeverisë dhe ekspertëve e shkencëtarëve. Këta të fundit shprehen se piku i pandemisë ka kaluar që në fund të marsit.

"Masat e rrepta që janë ende në zbatim duhet që të fillojnë të lirohen" - shprehen ata.

Më parë, Princi Filip lëshoi një deklaratë të rrallë për të falënderuar ata persona të përfshirë në luftën kundër pandemisë Covid-19.

Duka, 98 vjeç, përshëndeti punën e stafit të NHS (autoritete shëndetësore në Angli), shkencëtarëve që përpiqen të zhvillonin një vaksinë, dhe stafet e personave të tjerë që janë në vijën e parë të luftës kundër coVid-19.

Lajmi kryesor:

454 viktima nga COVID-i në Itali, rriten të shëruarit, Gjermania hyn në fazën e dytë/ Universiteti Kembrixhit: Koronavirusi qarkullon në tre variante

/Shqiptarja.com

TAG:
• Koronavirus