Covid, në Spanjë numri i viktimave në pllajën e kurbës, rritet numri i të infektuarve

Është rritur bilanci i viktimave nga koronavirusi në Spanjë. Mësohet se në 24 orët e fundit kanë humbur jetën 440 persona, ndërsa në total numri i viktimave është 22.157.

Ndërkohë, ka pasur një rritje të numri të rasteve të reja, ku në 24 orët e fundit janë konfirmuar pozitiv 4,635 persona, duke e çuar kështu numrin e përgjithshëm të të prekurve në 213,024.

Krahasuar me ditën e djeshme, ku u shënuan 4.211 raste, kjo është një rritje me 2% të totalit, e cila është në përputhje me drejtimin gjatë 5 ditëve të fundit.

Nga totali i përgjithshëm, rreth 89,000 pacientë janë shëruar dhe janë larguar nga spitali. Kjo përfaqëson rreth 42% të të gjitha rasteve.

Javën e kaluar, numri i vdekjeve në 24 orë në Spanjë luhatej midis 500 dhe 600 personave. Kjo gjë ndryshoi të dielën, ku u regjistruan 399 vdekje, shifra më e ulët që nga 22 Marsi. Këtë javë, 430 viktima të hënën, 430 të martën dhe 435 të mërkurën.

Lajmi kryesor:

COVID/ Shifra shpresëdhënëse e të shëruarve në Itali! Në Europë shumë vdekje në azile...Studimi në Francë: Nikotina mbron nga koronavirusi

TAG:
• Koronavirus