Dita e sotme në vendin tonë ka shënuar shifra të larta të infektuarish dhe viktimash nga COVID-19. në 024 orët e fundit janë kryer 2 264 testime dhe kanë rezultuar pozitivë 801 qytetarë dhe 18 humbje jete.
Rastet pozitive të konfirmuara në 24 orët e fundit janë identifikuar në këto bashki: 349 raste në Tiranë, 49 raste në Vlorë, 41 raste në Lushnje, 39 raste në Lezhë, 32 raste në Shkodër dhe Korçë, 31 raste në Tepelenë, 23 raste në Berat dhe Gjirokastër, 22 raste në Librazhd, 20 raste në Krujë dhe Mat, 16 raste në Durrës dhe Dibër, 15 raste në Tropojë, 10 raste në Has, 9 raste në Devoll dhe Kuçovë, 8 në Kukës, 7 në Malësi e Madhe, 6 raste në Elbasan dhe Mallakastër, 4 raste në Gramsh, 3 raste në Fier dhe Delvinë, 2 raste në Kavajë, Pukë, Bulqizë, 1 në Kurbin, Sarandë.
Me gjithë përpjekjet e mjekëve, në 24 orët e fundit, kanë humbur jetën 18 qytetarë me Sars-Cov2 pozitiv në spitalet COVID: 9 qytetarë nga Tirana, 3 qytetarë nga Fieri, 2 qytetarë nga Elbasan, 1 qytetar nga Tropoja, 1 qytetar nga Korça, 1 qytear nga Durrësi dhe 1 qytetar nga Kruja.
Sot humbën jetën edhe dy ish deputetët Marko Bello dhe Engjëll Dakli si dhe piktori Besim Tula. Gjithashtu është mbyllur përkohësisht edhe Gjykata e Përmetit pas infektimit të 3 punonjësve.
Aktualisht në 4 spitalet COVID, po trajtohen 483 pacientë, 35 në terapi intensive, 10 pacientë janë të intubuar.
Në 24 orët e fundit janë shëruar 490 qytetarë, duke e çuar numrin e të shëruarve 20.974 që nga fillimi i epidemisë.
MSHMS u drejtohet qytetarëve të mos neglizhojnë kontaktin me mjekun e familjes, për çdo shenjë të sëmundjes. Nëpërmjet linjës së gjelbër falas 0800 40 40 mund të lidheni me mjekun e familjes dhe të merrni informacionin e nevojshëm edhe për rimbursimin e barnave për COVID19.
Urgjenca Kombëtare është 24/7 në shërbim 24/7. Telefononi 127 nëse dyshoni se jeni të prekur nga Covid19 dhe për çdo urgjencë mjekësore.
COVID-19 – Statistika (04 Dhjetor 2020)
Raste të reja ditore 801
Të shëruar ne 24 orë 490
Të shtruar në spitale 483
Humbje jete në 24 orë 18
Testime ditore 2.264
Testime totale 199.326
Raste pozitive 41.302
Raste të shëruara 20.974
Raste Aktive 19.458
Humbje jete 870
Shpërndarja gjeografike e rasteve aktive sipas qarqeve:
Tiranë 10503
Durrës 1315
Elbasan 799
Fier 1443
Korçë 987
Vlorë 963
Shkodër 868
Lezhë 739
Berat 651
Kukës 404
Dibër 247
Gjirokastër 539
Ministrja e Arsimit Evis Kushi ka reaguar për ndarjen nga jeta për shkak të COVID-19 të ish-kryebashkiakut të Elbasanit Engjëll Dakli.
Kushi thotë se do ta kujtojë atë gjithmonë për kontributin e gjithanshëm në jetën politike e publike në vend, e sidomos përpjekjen e tij të palodhur për përmirësimin e qeverisjes vendore të Elbasanit.
“Më trishtoi sot lajmi për ndarjen nga jeta të Engjëll Daklit, të cilin do ta kujtoj gjithmonë për kontributin e tij të gjithanshëm në jetën politike e publike në vend, e sidomos përpjekjen e tij të palodhur për përmirësimin e qeverisjes vendore të Elbasanit.
Ishte kënaqësi ta njihja nga afër si model frymëzimi i intelektualit dhe qytetarit të denjë e fisnik. Ngushëllimet më të ndjera familjes, miqve dhe të afërmve për këtë humbje!”, shkruan Evis Kushi.
Vatra të reja infektimi me COVID janë shënuar sot në Berat.
Bëhet fjalë për në burgun e Beratit dhe DPV Berat.Të prekur me COVID kanë rezultuar 3 gardianë dhe 2 policë.
Ndërkaq rastet me COVID në Berat për sot janë: 2 specialist në bashkinë Berat; 1 inspektor në bashkinë Berat; 1 edukatore në koshtin e fshatit Syzezë; 1 edukatore në Qendrën e Zhvillimit Rajonal "Lira"; 1 mësues në shkollën 9-vjeçare "Mehmet Ali Vrioni"; 1 mësues në shkollën e muzikës "Ajet Xhindole"; 1 mësues në shkollën 9-vjeçare në fshatin Paftan; 3 IEPV Berat; 2 policë në DPV Berat; 1 ekonominst në filialin e bankës San Paolo në Berat; 1 operator në Call Center.
Kryebashkiaku i Lezhës, Pjerin Ndreu, ka humbur nga COVID një person të rrethit familjar.
Betejën e ka humbur Mark Gjoka. Lajmin e ka bërë me dije vetë Ndreu me anë të një postimi në rrjete sociale i cili shkruan se Gjoka është kushëriri i tij.
“Të qofte dheu i lehte Mark Gjoka! Kushëriri im që më ka impresionuar gjithë jetën me burrninë, besnikërinë, përkushtinin, dashamirësinë dhe gjithçka pashë te ti ! Burrë i rrallë që mishëronte me të mirën e shtëpisë së madhe të “Jakajve”!
Modeli i burrit qe eshte veshtirë ti ngjash ! Jam i pikëlluar pafund per ikjen tënde, pas luftës se gjatë me mortajën COVID! Do na mungosh, por prehu i qetë se na ke lënë vlera burri që s'na le të harrojmë”, shkruan Ndreu.
COVID-19 prek Gjykatën e Faktit të Përmetit, duke pezulluar seancat e planifikuara deri në fund të javës tjetër. Në gjykatë janë prekur 3 persona, duke bërë që gjykata të trajtojnë në këtë periudhë vetëm rastet urgjente dhe se gjykata do i hap dyert më 13 dhjetor.
Lajmi është bërë i ditur nga kancelarja e kësaj gjykate Orjana Dervishi, e cila konfirmon pezullimin e të gjitha çështjeve gjyqësore të planifikuara ditën e sotme dhe javës në vazhdim si dhe shërbimet ndaj publikut.
Dyert e Gjykatës së Faktit në Përmet do të rihapen më 13 dhjetor duke rifilluar procesin normal të funksionimit të këtij institucioni.
Një tjetër humbje e madhe si pasojë e COVID në Shqipëri. Mësohet se ka humbur betejën me virusin vdekjeprurës piktori i njohur Besim Tula.
Mësohet se piktori Tula ka qenë i shtruar prej ditësh në spital.
Komente
Lajme të tjera
-
Për 2023 sëmundshmëria kronike u rrit 5,9%, shkak plakja e popullsisë dhe pasojat e Covid
23 Janar, 07:37 -
Regjistrohet rasti i parë i variantit të koronavirusit ‘Pirola’ në Ukrainë
8 Nëntor 2023, 09:54 -
Agjencitë e inteligjencës në SHBA të ndara për origjinën e koronavirusit
25 Qershor 2023, 14:09 -
Rikthehen viruset tek fëmijët pas pandemisë
19 Qershor 2023, 08:14 -
COVID-19, Organizata Botërore e Shëndetësisë shpall fundin e emergjencës globale! Vlerësimi: 20 mln njerëz humbën jetën
5 Maj 2023, 16:17 -
Shtrimet në spitale gjatë 2022 u shtuan me 8% pas pandemisë! Zemra dhe shëndeti mendor problemet kryesore
4 Maj 2023, 20:19
-
Gjermanët padi për dëme të shkaktuara nga vaksinat ndaj COVID
13 Prill 2023, 08:24 -
Korrupsion me respiratorët gjatë pandemisë 'Covid 19', kryeministri i Federatës së Bosnjës dënohet me 4 vite burg
5 Prill 2023, 11:01 -
Shëndetësia/ Meta: Pandemia e provoi dështimin e qeverisë, falsifikuan shifrat! Ne do të rrisim me 50% pagat për ‘bluzat e bardha'! 5% financim të GDP për buxhetin
31 Mars 2023, 11:25 -
OBSH i kërkon Kinës të publikojë të gjitha të dhënat e lidhura me origjinën e COVID-it
18 Mars 2023, 21:11 -
SHBA pritet të ndërpresë testimin e detyrueshëm për COVID-19 për udhëtarët nga Kina
8 Mars 2023, 14:08 -
A e ka virusi Corona origjinën nga laboratori?
4 Mars 2023, 21:11
Na vjen shume keq per marko bellon ,,njeri shume pozitiv dhe miredashes,,ngushellime familjes ,,ishte shume heret per te humbur keta njerez te mire .ne moshe kaq te re...te merret seriozisht ky virus i poshter qe nuk po na kursen kerkend,,,mbaj maske,laj duart,,mbaj 2 m distance...
PërgjigjuDy ne Turqi dhe nje ne Shqiperi. Per respekt te te gjithe familjareve qe kane humbur te afermit e tyre nga Kovid-19 duke qene per kurim ne spitalet tone, shteti duhet ti tregoje atyre se kush ka financuar per ata individa qe jane mjekuar jashte Shqiperise dhe gazetaret investigativ duhet te futen ne investigim per te pare se mos eshte abuzuar me fondet e dikastereve per mjekimin e ketyre individeve ne Sptalet e Italise apo Turqise
PërgjigjuI kemi te gjithe 25,000 euro ne shpi more pizeveng. Po petrit vasili me 2500 euro nata te spitali amerikan ate thuaj. Po ti pizeveng je ske cthua