Covid-19/Studimi në Itali, zero infeksione të reja nga koronavirusi në fund të qershorit për rajonet e Lombardisë dhe Marche

Observatori Kombëtar i Shëndetit në rajonet italiane ka zhvilluar një seri parashikimesh duke u mbështetur në të dhënat e Mbrojtjes Civile.

Sipas studimit, Marche dhe Lombardia do të kenë zero infeksione nga koronavirusi vetëm në fund të muajit qershor përkatësisht, Piemonte më 21 maj, Lazio në 12 maj, Basilicata dhe Umbria duke filluar nga nesër, ndërsa në Italinë Jugore eliminimi i rasteve të reja pozitive duhet të fillojnë midis fundit të prillit dhe fillimit të majit.

Koha e Fazës 2, sidoqoftë, është diskutuar për ditë të tëra, shpesh edhe përmes një lufte të ashpër midis qeverisë dhe rajoneve, dhe është e qartë se shumë lëvizje tani do të varen edhe nga mendimi i shkencëtarëve.

Sipas doktor Alessandro Solipaca "në këtë moment është më shumë se kurrë e nevojshme të sigurohet një vlerësim i saktë i gradualitetit dhe evolucionit të infeksioneve, në mënyrë që të ketë të dhëna për vendimet e rëndësishme në lidhje me fazën 2 që duhet të ndërmarrë qeveria italiane e kryeministrit Conte.

Lajmi kryesor:

454 viktima nga COVID-i në Itali, rriten të shëruarit, Gjermania hyn në fazën e dytë/ Universiteti Kembrixhit: Koronavirusi qarkullon në tre variante

TAG:
• Koronavirus