Dega e PD në Elbasan publikon emrat pro Berishës: 272 delegatë nga 409 në Kuvendin e 11 dhjetorit! Report Tv telefonon delegaten: Nuk e di se çfarë kam firmosur

Bledi Himçi, Sekretar i degës së Partisë Demokratike në Elbasan, ka dalë nga Selia blu në Tiranë dhe ka lexuar emrat e 272 delegatëve të Kuvendit Kombëtar të PD të cilët sipas tij kanë firmosur për Kuvendin e datës 11 dhjetor të kërkuar nga Sali Berisha

"Prej dy javësh hidhet baltë mbi procesin e hedhjes së firmave në Elbasan. ka qenë një prej proceve më demokratike. Të gjitha kanë firmosur me bindje të plotë për të ndryshuar rrjedhën e Partisë Demokratike  272 nga 409, 67% e delegatëve të Elbasanit do të jenë në Kuvendin e PD-së në datën 11 dhjetor", tha Himçi.

Report tv nga një foto që i bëri listës gjatë kohës që përfaqësuesi i degës bënte deklaratën, telefonoi rastësisht disa nga numrat e firmëtarëve. Njëra prej tyre është Xhiljola Ruda, që ngre dyshime nëse vërtetë ka firmosur apo jo dhe për më tepër nuk është e qartë se për çfarë bëhet fjalë.

"Po më duket kam firmosur po. Kam firmosur që të ndjek çështjen, se s'jam shumë e informuar", tha ajo. 

Kujtojmë se ditën e djeshme kanë qenë dega 7 e PD në Tiranë e cila ka bërë publike emrat pro Berishës.  Sekretari i Degës 7 njoftoi se nga 86 delegatë kanë firmosur 46 për t'ju bashkuar Sali Berishës.

"Nga 86 delegatë që ka dega 7, 46 prej tyre kanë firmosur për mbledhjen e delegatëve të 11 dhjetorit. Vetëm 3 kanë kërkuar të mos u bëhen publik emrat", tha ai. 

Edhe dega 9 e PD në Tiranë zbuloi emrat e delegatëve që do i bashkohen kuvendit më 11 dhjetor.

Disa ditë më parë Agron Shehaj telefonoi delegatët e njësisë 5 dhe 7 zonë ku është deputet, por nga ky proces dolën zbuluar dhe manipulime me firmat  e delegatëve. Një ditë më parë një prej delegateve i kërkoi Edi Palokës t'i vihet në dispozicion formulari, por për të ende nuk ka një përgjigje.

Jashtë kameras, Paloka tha për gazetarët se roli i tij është vetëm i magazinuesit dhe nuk bën verifikime se formularët e kujt delegatëve ndodhen në zyrën e tij. Deri tani, publik emrat e delegatëve që do të bëhen pjesë e Kuvendit të 11 dhjetorit i kanë publikuar vetëm 4 nga 72 degë në të gjithë vendin.

K.T./I.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 28/11/2021 02:03

    Nuk jane kufoma politike,jane injorante,jo te gjithe,por ka mjaftueshem.Si ka mundesi,qe nuk di nese ka firmosur dhe per cfare ka firmosur.?! Mbajeni mend pergjigjen e kesaj <<anetares>>,me te tille persona,e te tilla firma jane bere disa nga monstruozitetet me te medha ne bote,perfshi dhe ardhjen e qendrimin ne pushtet te disa prej diktatoreve me famekeq te botes.Nje pjese kane qene fanatike te terbuar kauzash,nje pjese servile e interesaxhinj,nje pjese frikacake,nje pjese indiferente dhe nje pjese injorante.Kjo <<anetarja>> hyn ne kategorine e fundit.

    Përgjigju
  • XXX: 27/11/2021 13:42

    Jeni kufoma politike te gjithe ju langot e Berishes

    Përgjigju
  • Sondazhi i ditës:

    A duhet ta legalizojë Shqipëria kanabisin për qëllime mjekësore?



×

Lajmi i fundit

John

Beniada bën rrëzimin spektakolar në Big Brother...Donaldi 'tallet', e vajton me 'oii'! Shpërthejnë të qeshurat në shtëpi