TIRANË- Detaje të reja kanë dalë në dritë nga hetimi për krimin makabër që ndodhi në banesën e Marsida Qatjas në Kavajë pak javë më parë.
Gazetari i Report Tv, Arsen Rusta raporton se nga deklarimet e marra nga personat e pyetur gjatë kësaj periudhe, ka rezultuar se viktima, Dritan Haxholli kishte njohje dhe konflikte të vjetra me autorin, shef sigurie në burgun e Durrësit, Bledar Toçi si të përfshirë në trafik droge. Të njëjtat burime bëjnë me dije se prokuroria ende nuk ka një raport final mbi ekzaminimin e telefonit të viktimës dhe autorit, megjithatë, ashtu si kurse është thënë më herët, një nga pistat ku janë shtrirë hetimet është edhe prishja e pazareve të drogës.
Dritan Haxholli dhe Bledar Toçi kishin njohje para se të ndodhte ngjarja dhe këtë e konfirmonte edhe një foto e shkrepur ku shfaqeshin të dy me armë në duar, Dritan Haxholli ishte me automatik, e ndërsa Bledar Toçi, me pistoletë, dy armët që përdorën për të vrarë e plagosur njëri-tjetrin. Gjithashtu, Haxholli ka vuajtur dënimin për "drejtim të mjetit në gjendje të parregullt dhe nën efektin e lëndëve narkotike" në burgun ku Toçi kryente detyrën si shef sigurie.
Referuar deklaratës së bërë më herët nga drejtori i Përgjithshëm i Burgjeve, Agim Ismaili pyetur me këtë ngjarje se punonjës të burgjeve janë "vënë në urdhrat" duke i pajisur ato me lëndë narkotike apo mjete të ndaluara, nuk përjashtohet mundësia që konflikti të ketë nisur në burg e më pas të ketë agravuar jashtë tij, ose e kundërta. Autori dhe viktima ishin dy persona problematik. Toçi u hoq nga Presidenca si i papërshtatshëm, por u emërua shef sigurie në burg, ndërkohë ndaj tij Prokuroria ka hapur një dosje të dytë pasi ka mashtruar me një makinë të vjedhur, e ndërsa Haxholli lëvizte me kallashnikov në qytet, i pashqetësuar nga policia.
Toçi momentalisht ndodhet në qeli për akuzën e vrasjes së Dritan Haxhollit, ku si pasojë e përplasjes me armë me këtë të fundit ai mbeti i plagosur me një plumb në qafë. Për këtë ngjarje momentalisht janë të arrestuar dy vëllezërit Toçi, ku Bledari akuzohet për vrasjen e Haxhollit ndërsa vëllai tjetër Benardi, për akuzën e “Prodhimit dhe shitjes së lëndëve narkotike”.
Komente
Lajme të tjera
-
Dritëhijet e vrasjes së motrave në Astir, avokati për Report Tv: Ademi rrezikon burg përjetë! Familjarët s'duan të hakmerren! Një fëmijë i tronditur se ka parë skenën
13 Janar 2021, 19:43 -
Përparim Ademi tentoi vetëvrasjen! Zbardhen mesazhet kërcënuese ndaj djalit të tij nga vëllezërit e motrave të vrara: Do vjellësh gjakun e tyre
6 Janar 2021, 11:24 -
'Ka shitur 10 fëmijë që i kishte me to'/Alarm edhe në mediat greke: Vrasja që 'zbuloi' tregtinë e foshnjave në Selanik! Përparim Ademi nën akuzë dhe për trafik
5 Janar 2021, 09:20 -
Report Tv zbardh dëshmitë tronditëse/ Përparim Ademi përdorte dy motrat për prostitucion e trafik fëmijësh? 10 fëmijë me to i ka shitur në Greqi?!
4 Janar 2021, 12:29
-
Nuk pranoi ndarjen/ 59-vjeçari ekzekuton bashkëjetuesen dhe motrën e saj në banesë në sy të 2 fëmijëve! Prangoset duke dalë nga Tirana: I vrava nga xhelozia (VIDEO)
31 Dhjetor 2020, 10:31
-
Vrasja në shtëpinë e Marsida Qatjas/ Zbardhet VENDIMI për lirimin e ish-shefit të sigurisë në burg: Kufijtë janë mbyllur, s’mund të ikë
7 Maj 2020, 13:18
-
Vrau Haxhollin në shtëpinë e Marsida Qatjes/ Lirohet nga qelia ish-shefi i burgut, gjykata vendos detyrim paraqitje: E bëri për vetëmbrojtje
11 Prill 2020, 16:03 -
Vrasja në Kavajë/ Polici i burgjeve Toçi i pandehur për vetëmbrojtje, nën akuzë për drogë Marsida Qatja
27 Mars 2020, 15:16
Ç'farë diskutoni tjetër, janë dy trafikantë droge që i kishin borxh njëri tjetrit. Kështu nuk ndodh rëndom. Policët e bëjnë trafikun e drogës dhe jo vetëm në Shqipëri
Përgjigju