Ish-drejtori i Policisë së Shtetit, Hysni Burgaj, ishte sot paradite në SPAK për t'u marrë në pyetje lidhur me dosjen e 21 Janarit.
Në kohën e ngjarjes ai u akuzua nga opozita e atëhershme dhe madje u verifikua pasi nuk zbatoi urdhër-arrestet e lëshuara nga Prokuroria, që drejtohej nga Ina Rama. pretendimi i atëhershëm ishte se në urdhër kishte gabime ortografike emrash dhe ishin shënuar me laps.
“Dhashë sqarime si person qe ka dijeni. Kam zbatuar ligjin. I kam zbatuar urdher-arrestet", tha Burgaj për gazetarët, pak pasi doli nga SPAK.
Ai ka këmbëngulur se kishte "zbatuar ligjin".
"Asnjë urdhër nuk kemi patur për të reaguar. Policia si asnjëherë tjetër në gjithë historinë e saj ka duruar dhunë në ekstrem dhe nuk ka përdorur as armë dhe as dhunë ndaj protestuesve".
Por gazetarët i kanë vënë në dukje se këto urdhra ishin zbatuar shumë pas në kohë (bëhet fjalë për rreth 3 javë). Gazetarja e Report TV, Keti Banushi, i vuri në dukje se nuk ishin zbatuar në kohë.
"Urdhrat e arrestit janë ekzekutuar, nuk ka kohë Policia për ekzekutimin e urdhrave”, shtoi ai, duke nënkuptuar se s'ka afate për zbatimin e tyre.
Burgaj është larguar duke përshëndetur, teksa nuk dha sqarime të tjera rreth çështjes.
Më 21 Janar 2011 u vranë nga Garda e Republikës 4 protestues të opozitës në bulevard dhe jashtë rrethimit të Kryeministrisë. Pavarësisht arrestimeve të vonuara, hetimit dhe procesit gjyqësor, të pandehurit morën pafajësi, ose u liruan me dënim shumë të ulët nga ai i kërkuar nga organi i akuzës.
Të pandehur kanë qenë gardisti Agim Llupo, për vrasjen e Ziver Veizit, dhe Hekuran Dedës, si dhe Ndrea Prendi, ish-komandanti i Gardës. Pa zbardhur dhe në proces hetimi është vrasja e Aleks Nikës, teksa një prej viktimave ishte edhe Faik Myrtaj.
Burgaj nuk shpjegon pse e vonoi me 18 ditë zbatimin, Strasburgu: Dëmtoi rëndë hetimet!
Por Burgaj nuk shpjegoi se pse nuk ekzekutoi urdhër arrestet e prokurorisë, fakt që edhe Gjykata e Strasburgut e cilëson se dëmtoi rëndë hetimet.
Ish-drejtori i Përgjithshëm i Policisë së Shtetit në qeverisjen e Berishës, Hysni Burgaj, ishte drejtuesi i parë i lartë i institucioneve të përfshira në ngjarjen e vrasjeve shtetërore të 21 janarit 2011, që u thirr nga SPAK për të dëshmuar.
Por ndryshe nga siç pretendon ish kryepolici i Berishës, çështjen e vonesës 18 ditë e zbatimit të urdhrave të prokurorisë ka qenë një prej akteve më të rënda, për të cilën edhe Gjykata Evropiane e të Drejtave të Njeriut i ka kushtuar një vëmendje të veçantë, teksa e citonte në vendim deklaratat e Berishës kundër zbatimit të këtij urdhri.
Citimi Gjykata e Strasburgut
“Mosekzekutimi i urdhrave të ndalimit çoi në humbjen e tetëmbëdhjetë ditëve, ndërmjet datës kur u lëshuan urdhër-ndalimet dhe datës kur prokurorët mundën të merrnin në pyetje të dyshuarit kryesorë. Akoma më i rëndësishëm është fakti që përveç humbjes së kohës së çmuar, autoritetet humbën në mënyrë të pakthyeshme mundësinë për të marrë në pyetje të dyshuarit menjëherë pas ngjarjes, duke minimizuar kështu çdo mundësi për marrëveshje të fshehtë ose shtrembërim të së vërtetës.
Hetimi për çështjen “21 janari” u regjistrua në SPAK në korrikun e këtij viti, në zbatim të një vendimit të Gjykatës së Lartë, që urdhëronte Strukturën e Posaçme të hetonte kallëzimin e bërë nga Rajmonda Nika, bashkëshortja e Aleks Nikës, ndaj Sali Berishës, Lulzim Bashës dhe Ndrea Prendit, zyrtarë nën juridiksionin e SPAK.
Komente
Lajme të tjera
-
21 janari/ SPAK pyet ish-deputetin e PS, Arben Çuko: Janë vrarë 4 veta, ngjarja s’mund të lihet në harresë
4 Nëntor, 11:00 -
Hetimet për '21 janarin', Saimir Tahiri në SPAK pyetet edhe për kallëzimin që ka bërë ndaj Bashës: Ngjarje që duhet zbardhur (VIDEO)
1 Nëntor, 09:41 -
Ishte në SPAK për 21 janarin, Xhemal Qefalia tregon në 'Studio Live' çfarë u tha hetuesve: Jam i bindur që ndëshkimi për përgjegjësit e 4 të vrarëve do të vijë
31 Tetor, 18:17 -
Dosja e ’21-Janarit', SPAK pyet deputetin e PS, Xhemal Qefalia, një prej organizatorëve të protestës: U pyeta si protestues, shpresoj të zbardhet
31 Tetor, 09:32 -
Hetimet për 21 janarin, avokati Beqiri në Report Tv: Masakër shtetërore, Berisha zhduku provat! Më në fund do përballet me drejtësinë
28 Tetor, 19:35 -
Audioregjistrimi i 21 janarit, SPAK dërgon në laborator kasetën! Do të bëhet ekspertimi për autenticitetin dhe identifikimi shkencërisht i zërave
26 Tetor, 10:47
-
Skënder Minxhozi: E megjithatë vrasjet peshojnë më shumë se vjedhjet
24 Tetor, 13:38
-
SKEDA/ 21 janari, Kuliçaj e Burgaj u kallëzuan për shpërdorim detyre në 2014! Refuzuan arrestimin e 'grupit të zjarrit', por hetimi u pushua! Ish drejtori: Urdhri Ishte me gabime
24 Tetor, 11:20 -
Dosja e 21 janarit/ SPAK merr në pyetje edhe Agron Kuliçaj: Shpjegova të gjitha veprimet e policisë ditën e ngjarjes (VIDEO)
24 Tetor, 10:03 -
'Fantazma e 21 Janarit në mendjen e Berishës', ironizon Mero Baze: Tani spraj i Gardës i duket pistoletë, atëherë automatiku i dukej çadër
17 Tetor, 16:52 -
Ditëlindja e Sali Berishës! I pandehur për korrupsion për dosjen 'Partizani', fryn qirinjtë e 80 vjetorit në 'arrest shtëpiak'! Kardiologu që la profesionin për politikën
15 Tetor, 09:35 -
21 janari/ Ngjela për Report Tv: Të zbardhet kush e dha urdhrin, Berisha apo garda veproi në kokën e vet! Pamjet e serverëve të Kryeministrisë nuk janë fshirë
11 Tetor, 20:48
Po shtepine te kompleksi Kika si e mori dhurate ky , apo e ka haruar.
PërgjigjuMos veprimi yt është tradhëtia ndaj popullit. Të hiqet dhe pensioni
PërgjigjuKy është dudum ushtar qorr pa pik niveli.
PërgjigjuNuk e di pse e zgjasin arrestimin kete injorant. Ky do te jete celsi i arte per zbadhjen e 21 janarit, pse nuk u zbatua urdhri per arrestimiun e persnave pergkegkes, kush e pengoje te bente deytyrep qe me pas coi ne prishjen e provave.