POP 5

Lajmet më të lexuara të 5 minutave të fundit

Sport

Dy vëllezër kampionë Ballkani në boks, Amar dhe Ahmed Koçi për Report Tv: Krenar që nderuam vendin tonë! Shteti të na mbështesë

Amar dhe Ahmed Koçi, dy vëllezër, janë shpallur kampionë ballkani në boks. Në intervistën për Report Tv ata tregojnë se kanë përjetuar emocione të mëdha duke patur kundërshtarë serbë dhe rumunë, ndërsa tregojnë se për t’ia arritur deri këtu kanë kaluar shumë vështirësi.

Dy vëllezër boksierë, Amar dhe Ahmed Koçi, 15 dhe 17 vjeç, nderuan flamurin kuqezi, duke u shpallur kampionë ballkani në kampionatin e zhvilluar 4 ditë më parë në Rumani. Amari, e mori medaljen duke mposhtur në finale me pikë kundërshtarin serb, ndërsa Ahmedi ia doli duke fituar ndaj rumunasit, i cili në këtë rast boksonte në shtëpi.

“Ishte kundërshtar serb dhe kishte presion sepse unë jam shqiptar. Pavarësisht se ishte serb, njeri është, boksier. Unë kisha emocione, por që zhduken sapo futesh në ring. Ndjehem krenar që i dhashë vendit tim medalje të artë,”-u shpreh Amar Koçi, boksier.

“Është mbështetur nga publiku, nga arbitrat dhe ndeshja duhet të fitohej me diferencë shumë të madhe. Unë mendova stërvitjen e madhe dhe të lodhshme që kam bërë dhe thash se ai nuk mund të më rrahë mua,”-tha Ahmed Koçi, boksier.

Sot të dy djemtë janë krenari e shqiptarëve, por për Report TV treguan se hasin peripeci të jashtëzakonshme për të ushtruar boksin.

“Shumicën e ndeshjeve nga shteti s’kemi patur mbështetje, sepse kemi nxjerrë lek nga xhepi për të shkuar të ndeshjet,”-u shpreh Amar Koçi, boksier.

Pavarësisht vështirësive ëndrrat e boksierëve të rinj janë të mëdha.

“Unë dua që të marr medalje në çdo kompeticion europian, botëror, ballkaniadë, olimpiadë dhe pasi të mbaroj me këto do vazhdoj boksin profesionist,”-tha Ahmed Koçi, boksier.

Trajner i Amarit dhe Ahmedit është Artur Koçi, njëkohësisht babai i tyre dhe ish-kampion i Shqipërisë për disa vite.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Skandali tek Onkologjiku, e kujt është përgjëgjesia?

Lajme të tjera



×

Lajmi i fundit

Rëndohet pozita e Jorgo Goros, i komunikohet tjetër masë sigurie! I dha 4200 metër katrorë tokë kryetarit të komanduar të Himarës në shkelje të ligjit

Rëndohet pozita e Jorgo Goros, i komunikohet tjetër masë sigurie! I dha 4200 metër katrorë tokë kryetarit të komanduar të Himarës në shkelje të ligjit

4 Korrik, 15:01