Ekskluzive/Pamjet e arrestimit
të mikut të Habilajve në Vlorë

ReportTv siguron pamje ekskluzive të arrestimit të Armand Kocerrit në Vlorë. Në banesën e tij u gjetën dhe u sekuestruan nga policia 4.5 ton kanabis të paketuara me qëllim trafikimin në Itali. Armand Kocerri njihet si miku dhe bashkëpunëtori i Habilajve. Report Tv ka siguruar pamjet kur Armand Kocerri qëndron i prangosur në prani të policisë shqiptare dhe Guardia di Finanza italiane në Komisariatin e Vlorës.

Në këtë operacion është arrestuar edhe Nazer Seiti, që njihet si financieri i grupit të Habilajve. Agjentët italian mbërritën në Shqipëri për të ekzekutuar urdhër arrestin ndaj Seitit i cili tashmë ndodhet me dy masa sigurie arrest me burg 20 ditë për qëllim ekstradimi dhe arrest me burg 20 për procedimin penal të nisur në shqipëri. Ndërkaq po sot zbulohen detaje zyrtare të operacionit “Rosa dei Venti”.

Sipas njoftimit zyrtar të Prokurorisë së Katanias, oficerët italianë pasi kanë sjell edhe materialet e hetimeve italiane, kanë asistuar në arrestimin e Nazër Seitit, të shpallur në kërkim ndërkombëtar nga Prokuroria e Katanias.

Nezar Seiti 40 vjec, është arrestuar nga Guardia di Financa e Katanias në Vlorë me akuzën se është referuesi logjistik dhe personi përgjegjës për zbarkimet e drogës në Itali në kuadër të aktiviteteve të zhvilluara nga organizata shqiptare e kryesuar nga Moisi Habilaj, krye-trafikanti i rrjetit dhe nga bashkëpunëtorët e tij Maridian Sulaj 29 vjec e Fatmir Minaj 55 vjec, edhe këta të arrestuar në Ragusano në 14 tetor.

Me urdhër të Prokurorisë së Katanias në kuadër të procesit të hetimit “Rosa dei Venti”, nisur për 11 persona të dyshuar së ishin pjesëmarrës në organizatën kriminale italo-shqiptare dhe që merrej me trafikun ndërkombëtar të substancave narkotike dhe të armëve, oficerë hetimorë u gjendën pak ditë më parë në Tiranë.

Oficerë të policisë së katanias të asistuar edhe nga kolegët e tyre të Interpolit, nga komanda e përgjithshme e Guardia di Finanza-s dhe nga shërbimet e antidrogës kanë dorëzuar materiale në lidhje me procedimin penal të personave në fjalë, në Prokurorinë e Përgjithshme Shqiptare dhe morën pjesë në etapat e lidhura me arrestimin e Nazer Seitit, i cili nuk u arrestua dot në Itali.

Përsa i përket Nezar Seitit dhe të arrestuarve të tjerë të nacionalitetit shqiptar, për operacionet e kryera nga Policia në Tiranë, është ngarkuar edhe një sasi prej 4000 kg marijuanë nga Shqipëria në itali, sasi kjo e sekuestruar edhe falë shkëmbimit të informacioneve nga autoritetet përkatëse. Organizata italo-shqiptare gjatë viteve të fundit kishte mundur të transportonte në itali nga brigjet shqiptare më shumë se 3500 kg marijuanë, e cila shkonte në vlerën 20 milionë euro.

nazer seiti
Armand Kocerri i arrestuar në komisariatin e Vlorë

dy.b/shqiptarja.com

  • Sondazhi i ditës:

    Varianti afrikan mbërrin në Europë, a duhen ashpërsuar masat anti-Covid edhe në vendin tonë?



×

Lajmi i fundit

John

Çfarë është kultura?