Drejtoria e Sigurimit të Informacionit të Klasifikuar ka dërguar një raport sekret pranë Komisionit të Pavarur të Kualifikimit, organit bazë të Vetingut, duke theksuar se gjyqtari i Apelit në Tiranë, Artur Malaj, dyshohet se është përfshirë në disa praktika korruptive, në dy raste, në bashkëpunim edhe me gjyqtaren e Vlorës, Klodiana Gjyzari. Sipas raportit, gjyqtari i Malaj ka marrë para në këmbim të vendimeve të njëanshme, ndërsa paratë e korrupsionit i ka investuar në fushën e ndërtimit përmes personave të tretë. Raporti i zbardhur nga Shqiptarja.com është hartuar nga grupi i punës i përbërë nga përfaqësues të Shërbimit Informativ Shtetëror, DSIK dhe Shërbimi i Kontrollit të Çështjeve të Brendshme dhe Ankesave pranë Ministrisë së Punëve të Brendshme. Gjetjet e DSIK i përkasin kohës kur gjyqtari ishte kryetar i Gjykatës së Rrethit Gjyqësor Vlorë. Ky raport është hedhur poshtë si i pasaktë nga Komisioni i Pavarur i Kualifikimit, i cili ka konfirmuar në detyrë gjyqtarin Artur Malaj. Ndërkaq, Operacioni Ndërkombëtar i Monitorimit, me anë të një rekomandimi, ka arritur në konkluzionin se gjyqtari Artur Malaj duhet të shkarkohet nga detyra, me arsyetimin se nuk ka treguar një nivel të besueshëm për pasuritë dhe aftësitë profesionale. ONM i kërkoi Komisionerit Publik të ankimojë vendimin e KPK. Nga ana e tij, Komisioneri Publik i ka kërkuar Kolegjit të Posaçëm të Apelimit rrëzimin e vendimit të Komisionit të Pavarur të Kualifikimit dhe shkarkimin e gjyqtarit nga detyra. Aktualisht çështja po shqyrtohet në Kolegjin e Apelimit, i cili do të thotë fjalën e fundit.
Raporti sekret, para për vendimet
Drejtoria e Sigurimit të Informacionit të Klasifikuar thotë se gjyqtari Artur Malaj nuk është i papërshtatshëm për të vijuar detyrën. Sipas raportit, Artur Malaj, u ka ulur dënimin disa të akuzave në këmbim të parave. “Në vijim të informacioneve të ardhura nga institucioni i verifikimit, në kohështrirje para dhe gjatë periudhës së rivlerësimit për përfshirje në korrupsionin pasive të subjektit të rivlerësimit Artur Malaj në disa raste, rezulton se: Ka ulur dënimin për z. Altin Sulo kundrejt eurove. Ka ulur dënimin nga burg me gjobë, kundrejt lekëve të dhënë nga i akuzuari për shfrytëzim prostitucioni, z. Demir Liçaj. Çështja është gjykuar nga z. Artur Malaj, pa short”, thuhet në raport.
Implikimi i gjyqtares Gjyzari
Në raport thuhet se gjyqtari Artur Malaj dyshohet për bashkëpunim në përfitime të paligjshme me gjyqtaren Klodiana Gjyzari. “Artur Malaj, në cilësinë e kryetarit të Gjykatës së Rrethit Gjyqësor Vlorë, dyshohet për bashkëpunim në përfitime të paligjshme me znj. Klodiana Gjyzari, gjyqtare pranë kësaj gjykate. Zonja në fjalë ka marrë me short çështjen civile... Dyshohet të ketë zvarritur gjykimin. Gjyqtarja Klodiana Gjyzari, në dhënien e vendimit civil me nr. 1513, datë 23.09.2005 në bashkëpunim dhe në interes të kryetarit të Gjykatës së Rrethit Gjyqësor Vlorë Artur Malaj, jep...një pronësi me parashkrim fitues një pronë publike, në një qytet të Vlorës. Sipas informacioneve rezulton se shtëpia objekt i vendimit civil gjyqësor është ndërtuar pa leje ndërtimi në vitet 1995-1996 nga babai i z. Artur Malaj. Kryetari i Gjykatës së Rrethit Gjyqësor Vlorë ka përdorur pozitën e tij me qëllim përfitimin e një prone (truall, pronë shtetërore) në qytetin e Vlorës”, vijon raporti.
Skema sipas DSIK
Në raport flitet edhe për skemën e korrupsionit. “Shumat monetare që z. Malaj kërkonte për favoret gjyqësore dorëzoheshin disa ditë para se të jepeshin vendimet përfundimtare gjyqësore, me qëllim favorizimin e tyre. Shumat e përfituara nga aktivitetet e paligjshme janë investuar në fushën e ndërtimit në emër të personave të tretë. Në konfirmim të konstatimit për papërshtatshmëri në vijimin e ushtrimit të detyrës për subjektin e rivlerësimit Artur Malaj, gjykojmë të merren parasysh elementët që evidentojnë përfshirjen e vij në veprimtari korruptive, pasi në frymën kundër korrupsion të ligjit 84/2016 vlerësohet se integriteti profesional është përcaktues për pastërtinë e figurës së subjekteve të rivlerësimit. Sa më sipër, situata pasqyron korrupsion sistematik në sistemin e drejtësisë, ku në rastin në fjalë përfshihen në verime korruptive dy gjyqtarë, në bashkëpunim me njëri-tjetrin, në shkelje të detyrës dhe nëpërmjet personave të tretë”, thuhet në raportin e DSIK.
( Kliko këtu ) për raportin e plotë të DSIK për gjyqtarin Artur Malaj
Arsyetimi i Komisionit Pavarur të Kualifikimit për raportin e DSIK
“Bazuar në informacionet e këtyre institucioneve, Raporti evidenton dhe konstaton papërshtatshmërinë për vazhdimin e detyrës së subjektit të rivlerësimit, z. Artur H. Malaj. Të dhënat që referohen në këtë Raport për subjektin e rivlerësimit, z. Artur Malaj, disponojnë informacion që nuk cenojnë sigurinë e burimit, prej të cilave ngrihen dyshime të arsyeshme për përfshirjen e tij në veprimtari të kundërligjshme, kryesisht atë të korrupsionit për shkak të funksionit dhe për implikimin e tij në kontakte të papërshtatshme me persona të përfshirë në krimin e organizuar. Raporti i Grupit të Punës së DSIK-së (informacioni që përmbante) iu nënshtrua një hetimi administrativ të thelluar, i cili konsistonte në verifikimin e rrethanave që merren parasysh në konstatim, si dhe rrethanave lehtësuese, të rrjedhura nga informacioni që kishte marrë Grupi i Punës dhe kishin çuar në konstatimin e papërshtatshmërinë për vazhdimin e detyrës, si dhe vërtetësisë së ngjarjeve konkrete, me qëllim gjetjen e provave, për realizimin e një procesi të rregullt ligjor. Nga evidentimet e bëra në Raportin mbi pastërtinë e figurës, trupi gjykues ka bërë një hetim të thelluar administrativ në lidhje me kriterin e kontrollit të figurës. Për të krijuar bindjen, Komisioni i është drejtuar Gjykatës së Rrethit Gjyqësor Vlorë për të marrë dosjet gjyqësore të cituara si raste korruptive në raportin e DSIK-së dhe ka bërë një analizë të plotë profesionale (interpretim/opinion ligjor) të tyre. Nga hetimi në tërësi lidhur me raportin e DSIK-së, Komisioni konstatoi se informacioni i përcjellë nuk përmban elementet e parashikuara nga neni 38 i ligjit nr. 84/2016 dhe ai konsiderohet i paplotë. Informacioni në çdo rast duhet të jetë i bazuar mbi prova të sakta, kjo është edhe fryma e ligjit për krijimin e Grupit të Punës. Nëse Grupi i Punës nuk do të bëjë një verifikim të plotë, atëherë ai rrezikon të nxjerrë përfundime të gabuara dhe të rëndojë pozitën e subjekteve të rivlerësimit. Në këtë rast, Grupi i Punës nuk ka kryer verifikime të mëtejshme, duke arritur në konkluzion vetëm mbi bazën e informacionit të paverifikuar. Në këto kushte, duke analizuar raportin e ardhur nga DSIK-ja dhe organet ligjzbatuese, duke bërë një studim të thelluar të tyre, duke administruar provat e tjera në lidhje me çështjen, Komisioni çmon se informacioni mbi të cilin ka ardhur rekomandimi i DSIK-së rezulton i pasaktë dhe i pabazuar në prova dhe fakte, për pasojë subjekti i rivlerësimit, z. Artur Malaj, konsiderohet i përshtatshëm për vazhdimin e detyrës”.
( Kliko këtu ) për rekomandimin e plotë të ONM për gjyqtarin Artur Malaj
Komente
Lajme të tjera
-
KPA rikthen në detyrë prokurorin e Tiranës, Genci Qana ishte shkarkuar tre vite më parë nga KPK, ONM e kritikoi si 'vendim të paarsyeshëm'
1 Tetor, 18:06 -
Genc Gjokutaj thirrje për rrahje policësh dhe vrasje patronazhistësh, vajza e Berishës: Ka të drejtë, revolta do të ndodhë! Berisha e Malltezi po persekutohen
29 Korrik, 13:47 -
‘Partizani’/ Berisha merr avokaten e Fredi e Belerit! Vendimi për revokimin e masave shtyhet në 30 korrik
19 Korrik, 10:13
-
Pas vendimit të KPA, Prokurorja Antoneta Sevdari kthehet në detyrë! Shteti duhet t’i kthejë pagat që prej përjashtimit në shkurt 2019
13 Maj, 12:54
-
Raporti për lirinë/ Freedom House: Qasja e shqiptarëve në drejtësi po përmirësohet! Shqipëria dhe Kosova vende ‘pjesërisht të lira’ pavarësisht përparimeve
29 Shkurt, 07:43 -
U shpall fajtor për fshehje pasurie, Ish anëtari i Kolegjit të Posaçëm të Apelimit, Ardian Hajdari dënohet me 1 vit burg! Dënimi i konvertohet në 2 vite shërbim prove
24 Janar, 13:18 -
Rikthimi i Vetting-ut në polici, 33 drejtues ‘në sitën’ e AMP-së! Kreu i sindikatës së policisë: Ligji u jep të drejtën efektivëve ta shmangin filtrin
18 Qershor 2023, 16:27
-
E ‘harroi’ KLD-ja / Vetingu shkarkon Majlinda Andrean 6 vite pasi dënimit për korrupsion, ish anëtarja e Gjykatës së Lartë shpëtoi Metën dhe Mediun nga burgu
5 Qershor 2023, 17:17
-
KPA lë në fuqi vendimin e KPK-së për shkarkimin e gjyqtares së Apelit Nure Dreni
15 Mars 2023, 19:13 -
Bilanci i 2022/ Lista me 94 gjyqtarët dhe prokurorët që 'ia mbathën' nga frika e Vettingut, përjashtohen të gjithë nga drejtësia! 15 subjekte të dorëhequra
2 Janar 2023, 16:19
-
Nënshkruhet marrëveshja Kosovë-Shqipëri për sistemin ligjor, Bushka: Historike! Rrustemi: Përvoja me Vettingun, e nevojshme për ne
21 Nëntor 2022, 12:22 -
Probleme me 3 shtyllat e vettingut, shkarkohet nga detyra gjyqtarja Ariana Caco! Pjesë e trupës gjykuese së procesit të 21 Janarit
7 Tetor 2022, 10:03
KPK se pari te hetohet per vete qe ka dhene kete kualifikim per kete qelbesire te gjyqesorit qe quhet Artur Malaj dge qe ka marre ne qafe ponat dhe jetet e shume personave. Ky plehra Artur Malaj qe une e njoh mire, ta dine ata qe se dine neper Shqiperi se ne Vlore e njohun te gjithe kete qe ka aftesi te jashtezakonshne si fshatar qe eshte te punoj ne fshehtesi me kontigjent kriminal, te pastroje produktet e veprave penale qe ka bere dhe te penetroje tek cdo zyrtar apo institucion i shtetit apo te perlyhet e bashkepunoje me individe apo grupe individesh me precedente te theksuar kriminale. Ky plehre qe quhet Artur Malaj eshte rruajtur si djalli nga temjani nga SHISH, DSIK, pergjimet e inspktimet dhe eshte munduar “ te kopsise” letrat, por gjithe keto zullume qe ka bere neper gjykata nuk ka mundur te “ pastroje” gjithcka. Prandaj i bej nje thirrje te forte deshperuese gjithe institucioneve ligjzbatuese te Republikes se Shqiperise ta flakin urgjentisht nga sistemi drejtesise kete fuderrine organike dhe ta cojne ne banken e te akuzuarve ku te jape llogari per krimet qe ka bere !!!
PërgjigjuKPK se pari te hetohet per vete qe ka dhene kete kualifikim per kete qelbesire te gjyqesorit qe quhet Artur Malaj dge qe ka marre ne qafe ponat dhe jetet e shume personave. Ky plehra Artur Malaj qe une e njoh mire, ta dine ata qe se dine neper Shqiperi se ne Vlore e njohun te gjithe kete qe ka aftesi te jashtezakonshne si fshatar qe eshte te punoj ne fshehtesi me kontigjent kriminal, te pastroje produktet e veprave penale qe ka bere dhe te penetroje tek cdo zyrtar apo institucion i shtetit apo te perlyhet e bashkepunoje me individe apo grupe individesh me precedente te theksuar kriminale. Ky plehre qe quhet Artur Malaj eshte rruajtur si djalli nga temjani nga SHISH, DSIK, pergjimet e inspktimet dhe eshte munduar “ te kopsise” letrat, por gjithe keto zullume qe ka bere neper gjykata nuk ka mundur te “ pastroje” gjithcka. Prandaj i bej nje thirrje te forte deshperuese gjithe institucioneve ligjzbatuese te Republikes se Shqiperise ta flakin urgjentisht nga sistemi drejtesise kete fuderrine organike dhe ta cojne ne banken e te akuzuarve ku te jape llogari per krimet qe ka bere !!!
PërgjigjuPer dijeni te lexusve njerezit qe pastronin leket e ketija fytyrqenit jane kunati tij QORRI dhe dy djemt e tezes fshataret e llakatundit me mbiemer TUSHAJ qe i kane bere bere njesh me leket e hashashit.Ky duhet qerruar nga faqja e dheut plehu
PërgjigjuKPK me mos shkarkimin e ketij gjyqtari te koruptuar ka vene ne diskutim gjithe sistemin e vetingut. DISK nuk eshte prokurori qe te paraqese ne menyre ligjore provat, te jep indicie per hetim. Ky gjyqtar totalisht i kapur nga krimi eshte i lidhur ngushte me klanet e lojrave te bixhozit dhe nepermjet tyre investon parate e pista ne ndertim. Meqe ketu eshte publike po e pyesim Zotin A. Ll. se ku i ka kaluar pushimet verore ne 2005? Kush jane personat qe e sponsorizuan? A jane te njejtet qe jane nen hetim ne itali dhe shqiperi pikerisht per lojrat online te bixhozit? Etj etj. Njerezit e shtetit kane rrezikuar jeten dhe familjet per te mbledhur keto fakte dhe keta nuk i marrin parasysh. A thua jane me te kualifikuar dhe kwne struktura me te konsoliduara te mbledhjes se informacionit? Nuk e besoj! Gjyqtare te tille si ky jane portat hyrese ne labirintin kriminal te kesaj drejtesie qe po shembet. Prezenca e njerezve te tille ne sistemin e drejtesise cenon sigurine kombetare. Mos sekuestrimi i pasurise te paligjshme te ketij kompromemton rende procesin.
PërgjigjuSaktë.
Ka ndertuar vilen brenda territorit te gjimnazit Halim Xhelo ne Vlore deri ketu ka arritur antiligji. Ky duhe te shkarkohet urgjentisht.
Përgjigjumjere ky popull me keta vettingare!!! Ky eshte nje imoral koke e kembe nga te gjitha anet!!!
PërgjigjuSekuestroni ne fillim vilen e keti fshatari ajdut qe ka ber ne teritorin e shkolles Halim Xhelo
PërgjigjuKomisioni i Pavarur i Kualifikimit duhet të shkarkohen të gjithë si të paaftë dhe të korruptuar kokë e këmbë, të thuash për Gjyqtarin Artur Malaj që eshte i pastër, eshtë si të thuash që muti nuk vjen era. Në Vlorë e njohin të gjithë si ordiner të korruptuar kokë e këmbë dhe të lidhur me krimin.
Përgjigju