TIRANË-Gjykata e Tiranës ka caktuar masës e sigurisë “arrest me burg” për autorin e ekzekutimit të Behar Sofisë, Ernejt Shyti dhe bashkëpunëtorët e tij, Xhuljano Visha, Leonard Xhixha dhe Skënder Vathi. Visha ka mohuar që të jetë i përfshirë në këtë krim.
Ekzekutori i Behar Sofisë, Ernejt Shyti ka pranuar krimin dhe ka zbardhur edhe emrat e bashkëpunëtorëve. Ai pranoi se e ka vrarë për 50 mijë euro Sofinë. Shyti u ndalua nga policia e Malit të Zi 3 ditë më parë në Podgoricë aty ku ai jetonte dhe punonte si punëtor ndërtimi dhe pasi është vënë përballë provave si ADN dhe pamje filmike, ai ka rrëfyer se porosinë e mori nëpërmjet rrjeteve sociale. Shyti i tregoi grupit hetimor se pjesë e grupit për të ekzekutuar 66 vjeçarin Behar Sofinë ishin edhe Xhuljano Visha 28 vjeç, Leonard Xhixha 30 vjeç dhe Skënder Vathi 54 vjeç. Ernejt Shyti rezulton se nuk është i skeduar për krime më parë ndërsa ishte banor i lagjes mbi maternitetin e ri në Tiranë. Fillimisht është gjetur maska anti-COVID e Shytit e hedhur në hyrje të Kodrave të Liqenit, ku nga analizimi i ADN-së ka zbuluar se ishte përdorur nga 24-vjeçari, më pas së bashku me Policinë ai i kthye në vendin e krimit, për të kërkuar për pistoletën, por pa sukses.
Si ndodhi ngjarja? 66 vjeçari Behar Sofia, i njohur si "padron droge", u ekzekutua mëngjesin 25 shkurtit afër Piramidës në Tiranë, ndërsa vrasësi u largua me biçikletë. Autori pasi e ka ndjekur disa metra pranë shtëpisë së tij, i ka dalë para 66 vjeçarit dhe e ka qëlluar. I veshur sportiv, me kapele, syze e maskë anti-COVID pasi ka bërë atentatin ai është larguar dhe ka kaluar në këmbë urën e Lanës. Më pas ai ka marrë një biçikletë pranë kullave dhe është larguar drejt Kodrave të Liqenit.
Ernej Shyti dhe bashkëpunëtorët e tij, Xhuljano Visha, Leonard Xhixha dhe Skënder Vathi u lanë sot në burg për vrasjen e Behar Sofisë në Tiranë.
Gazetari i Report Tv, Arsen Rusta, ka siguruar dosjen hetimore me detaje shumë të rëndësishme që zbardhën çështjen. Në dosje thuhet se grupi hetimor ka gjetur sms me tekst “duro vëlla, s’ka dalë akoma”, i cili i referohet 66-vjeçarit Sofia. Më pas lexohen dhe dy mesazhe të tjera me tekst “doli” dhe nga “bregu i Lanës”. Hetuesit kanë fiksuar numrin e dërguesit të këtyre mesazheve tek ekzekutori dhe u është dërguar shkresë të gjitha kompanive celulare për të marrë të dhënat mbi përdoruesit e numrave të evidentuar, vendndodhjen e qelizave celulare dhe itinerarin në bazë të qelizave të përdorur nga poseduesit e numrave si dhe hartën digjitale. Më pas është bërë përpunimi dhe analiza nga ana e Drejtorisë Hetimore në Drejtorinë e Përgjithshme të Policisë së Shtetit.
Grupi hetimor ka pyetur në lidhje me ngjarjen, përveçse nënën, edhe vëllanë e Ernejt Shytit, Ergit Shytin. Zakonisht, ka deklaruar Ergiti, shoqërohen bashkë dhe me një shok që quhet Xhuljan Visha. Pas analizave të AND-së grupi hetimor ka vërtetuar se i përkisnin Ernejt Shytit, ndërsa ato kishin përputhshmëri me ato të nënës së tij, ndërsa më pas është bërë arrestimi i tij nga autoritetet malazeze. Pas arrestimit, në deklarimet para grupit hetimor, si person nën hetim, Ernejt Shyti ka deklaruar se ka imituar të ecurën e një "sakati" për të mos u dalluar nga Policia.
Pas ekzekutimit të 66-vjeçarit, Ernejt Shyti është larguar qetësisht me biçikletë në drejtim të Liqenit.
Gjykata e Tiranës ka caktuar masës e sigurisë “arrest me burg” për autorin e ekzekutimit të Behar Sofisë, Ernejt Shyti dhe bashkëpunëtorët e tij, Xhuljano Visha, Leonard Xhixha dhe Skënder Vathi. Ato kanë heshtur para gjykatës.
Me kokën ulur, i veshur sportiv dhe maskën anti-COVID, ka dalë ditën e sotme para trupës gjykuese Ernejt Shyti, autori i ekzekutimit të Behar Sofisë, mëngjesin e 25 shkurtit.
Lajme të tjera
-
GJKKO dënon me 127 vite burg grupin e pesë vrasësve të Behar Sofisë! Ekzekutori i penduar Ernjet Shyti vetëm 7 vjet
24 Janar, 15:53 -
Vrasja e Behar Sofisë, nis gjyqi për organizatorin Jemin Shera, SPAK dorëzon 3 akt-ekspertime të reja telefonike: Kemi 168 prova shkresore
11 Janar, 15:12
-
Vrasja e Behar Sofisë, SPAK kërkon nga 30 vite burg për 4 të pandehurit dhe 7 vite burg për bashkëpunëtorin e drejtësisë, Ernejt Shyti
5 Dhjetor 2023, 15:15 -
Vrasja e Behar Sofisë, nis gjykimi në mungesë për Jemin Sherën
29 Tetor 2023, 17:09 -
Autori i vrasjes së Behar Sofisë, Ernejt Shyti ‘zbërthehet’ në GJKKO: Vrasja për hasmëri! E ndoqa për 28 ditë! Do merrja 5 mln lekë
14 Prill 2023, 14:03
-
EKSKLUZIVE/ Dëshmia në GJKKO e vrasësit të Behar Sofisë: Porosi për një tjetër ekzekutim në Kamëz, shënjestra ishte 34-vjeçar! Ishte afër komisariatit, paguhej mirë
2 Prill 2023, 11:38
-
EKSKLUZIVE/ Autori i vrasjes së Behar Sofisë, Ernejt Shyti dëshmon në GJKKO: Porositësit do më paguanin 500 mijë euro për një vrasje tjetër në Gjermani! Paratë do m’i jepte ‘Bajlozi’
16 Mars 2023, 12:04
-
SPAK përfundon hetimet për vrasjen e Behar Sofisë, dërgon për gjykim 5 të pandehurit
26 Prill 2022, 14:00 -
Dyshohet se ndihmoi në vrasjen e Behar Sofisë, gjykata lë në burg Bujar Lezën! 'Menaxheri' i vrasësve me pagesë mes lotësh: S'kam lidhje me asnjë vrasje
27 Dhjetor 2021, 11:39 -
'Menaxheri' i vrasësve me pagesë, identifikohet bashkëpunëtori i katërt i ekzekutorit të biznesmenit Behar Sofia në Tiranë! Ishte në burg se rrahu gruan
26 Dhjetor 2021, 10:17 -
Nga ekzekutimi i Sofisë te Pjerin Xhuvani para zgjedhjeve, në 4 muaj 20 vrasje, 5 më shumë se në 2020
2 Maj 2021, 14:15
-
Skeda për dosjen e Behar Sofisë, lëvizjet e Ernejt Shytit deri në ekzekutim të 66 vjeçarit! 2 të tjerë në kërkim për vrasjen (VIDEO)
16 Mars 2021, 16:17
