Dita e sotme ka prodhuar një ngjarje që më së paku ishte e shëmtuar. Një grup militantësh të Partisë Demokratike kanë rrahur disa të moshuar të cilët mbanin në duar foto të ish-diktatorit Hoxha, teksa kryenin homazhe me rastin e ditës së Dëshmorëve të Atdheut. Nuk kishte gjë më të shëmtuar sesa të shihje se si rriheshin me hunj ca të moshuar.
Kjo shëmti vazhdonte me inkurajimn e dhunës nga Basha i cili shprehej se pas dajakut, do çojë edhe një ligj kundër komunistëve në Kuvend. Një histori kjo aq e vjetër e stërdëgjuar, sa të bën të mendosh se një lider duhet të ketë një hall të madh që merret me gjëra kaq të konsumuara.
Është e qartë se kjo nuk ishte një ngjarje e atypëratyshme, por një skenar i parapërgatirur nga selia blu. Mjafton të shohësh reagimin e Berishës, Bashës dhe intepretimin e ngjarjes nga mediat e financuar nga PD, për të kuptuar se tanimë opozita e ka kauzën e radhës, atë të anti-komunizmit. Ndodh sa herë i bien të gjitha kauzat që PD të kapet te prejardhja e PS-së dhe historia.
Në fakt po t’i hysh analizës së individëve, PD ka patur historikisht më shumë komunistë brenda saj duke filluar nga lideri i saj historik, por në këtë moment krize ku ndodhet si nga ana e organizimit të brendshëm dhe nga mungesa e kauzave e ideve, është e justifikuar.
Është për të të ardhur keq se si një aset kombëtar si PD, tek e cila në fillimet e saj ngjalli shpresë si partia që do ta çonte Shqipërinë drejt Europës, sot duket si një njeri i moshuar në shtratin e lengimit që flet përçart. Por, në këtë gjendje këtë parti e kanë çuar ata që e drejtojnë dhe ata që këshillojnë drejtuesit. Dhe ka disa arsye pse PD-ja është katandisur në pikën që rreh ca të moshuar për të thënë se po lufton komunistët, e këto arsye lidhen me strategjinë ndaj qeverisë dhe Shqipërisë që sot me aktin e dhunës u vërtetua se kanë marrë fund.
Them këtë sepse, duhet të jesh shumë naiv ose dashakeq që të sulmosh policinë edhe kur bën aksione të suksesshme. PD-ja e ka bërë këtë gafë duke bërë kështu një hap të gabuar taktik në komunikim. Akoma më e gabuar është të sulmosh Saimir Tahirin i cili pati kurajon të bëjë atë që PD-së as nuk i shkon në mendje. PD-ja vazhdon ta sulmojë sepse nuk e kishte parashikuar se dikush mund të bënte një akt që është jashtë filozofizë së tyre politike.
Akti i Tahirit e gjeti PD-në të papërgatitur dhe e ka çakorduar jashtë çdo parashikimi. Nga ana tjetër lufta e saj me artikuj kundër Shqipërisë në mediat e huaja dhe trumbetimi i tyre në Shqipëri si zëri i së vërtetës dhe sulmet e Bashës në Bruksel gjithashtu morën fund me dhënien e rekomandimit pozitiv pa kushte nga KE ndaj Shqipërisë. Edhe pse pas kësaj Basha vuri në punë mekanizmin Krichbaun kundër Shqipërisë, sërish mbetet në minorancë në Bundestag.
![](https://shqiptarja.com/template/img/NO_ALFA_Kuadrate shqiptarja.png)
Të gjitha këto përpjekje, dështime e gabime kanë bërë që loja e shahut të mbyllet me Bashën humbës dhe Shqipërinë fituese. Tani, ajo që ka mbetur është të shfryhet nga dështimi duke rrahur ca të moshuar që mbajnë parrullën e Enverit në krahë, a thua se ja ka fajin Enveri Lulit që s’ka fituar kurrë asnjë betejë (luftë jo e jo).
Komente
![](https://www.shqiptarja.com/template/img/sh_logo1.png)
Nuk e kuptoj nga ana juaj si gazetar përse e quan diktator një njeri që e bëri Shqipërinë lule apo se zotrote shkollën në ndërtesat që ndërtoj populli i drejtuar prej e keni bërë,përsa i përket Lulkës ai s'ka as turp as nder le të thotë çfarë të dojë se njerëzit nuk e marrim më seriozisht dhe me këto mend gjithë jetën opozitë ka për të ngeluar sepse çdo gjë duan ta zgjidhin me dhunë dhe populli është i lodhur nga dhuna.
Përgjigju